საქველმოქმედო ფონდის სპონსორი, იდეებიდან მოქმედებამდე პარამეტრები

[+ვახტანგი+]

ჩემო ტკბილო ხალხო, როგორც იცით არა ვარ ამ ფორუმის აქტიური წევრი (თუმცა არცერთი ფორუმის აქტიური წევრი არ ვარ), მაგრამ ალბათ გემახსოვრებით ვინც ვარ.

მინდა იდეა შემოგთავაზოთ.

კარგია, როდესაც 2 ტანისამოსიდან ერთს სხვას მივცემთ საწყალობლად და ერთს თვითონ ჩავიცვამთ. მოწყალების გაცემა უდიდესი მადლია და ქველმოქმედებას არაფერი სჯობს. მაგრამ უკეთესია, როდესაც ის ადამიანები, რომლებიც შემოწირულოებბზე და მოწყალებაზე არიან გამოკიდული, უზრუნველყოფილი იყვნენ მუდმივი შემოსავლით. კერძოდ, იდეა მდგომარეობს ბიზნესის დაარსებაში, რომლის მოგებიდანაც დაფინანსდება ფორუმის საქველმოქმედო ფონდი. შემდეგ კი ამ ჩვენი გაზრდილი ფონდის ბიუჯეტით ხელფასს დავუნიშნავთ გაჭირვებულ ადამიანებს. არ ვიცი მართლმადიდებლური ფორუმის საქველმოქმედო ფონდის ბიუჯეტი რამხელა არის, მაგრამ ხელფასების დანიშვნას ძალიან დიდი თანხა სჭირდება და ამიტომაც საჭიროა ბიზნესის წამოწყება.

გავაკეთოთ ამხანაგობა (შეიძლება პირდაპირ შ.პ.ს. გავაკეთოთ. გააჩნია როგორი საკუთრების ფორმა იქნება ჩვენთვის უფრო ხელსაყრელი) და ვმართოთ ეს ჩვენი კომპანია. კომპანიი მოგება პირდაპირ საქველმოქმედო ფონდს დააფინანსებს. თუ კარგად დაიწყო ბიზნესი და ყველაფერი ისე განვითარდა როგორც ჩვენ გვინდა, შეიძლება კომპანიაში მომუშავეების ანაზღაურებაც დაფინანსდეს მოგებიდან, თავდაპირველად კი კომპანიის თანამშრომლებისთვის ალბათ არ იქნება ანაზღაურება....

რას იტყვით?

[აბე]

რაც შეეხება საწყის კაპიტალს, ვფიქრობ რომ რამე მოხერხდება, ან ვინმე დაგვაფინანსებს, ან გრანტს მოვიპოვებთ და ა.შ. მაგრამ ამისათვის საჭიროა მკაფიოდ ჩამოყალიბებული ბიზნეს-გეგმა გვქონდეს. დეტალურად უნდა იქნეს თითოეული ლარი ხარჯისა თუ შემოსავლისა დაზუსტებული, კარგი ანალიზი უნდა იყოს, რომ დავაჯეროთ ბიზნესის პერსპექტიულობაში და მოგვცნ გრანტი. მოკლეთ, თუ კარგ ბიზნესს მოვიფიქრებთ, შეიძლება საწყისი კაპიტალის შოვნა რამენაირად. ბოლო-ბოლო საქველმოქმედო მიზნით იქმნება კომპანია და არ გაჭირდება.

ანდა სულაც შეიძლება ძალიან მცირე თანხით დაწყება, რისი აგროვებაც შემოწირულობებით ან რამე ამდაგვარით შეიძლება.

მოვიფიქროთ რაიმე კარგი ბიზნესი, რის კეთებასაც ჩვენ შევძლებთ და განვიხილოთ აქ ყველას იდეა რა ბიზნესის კეთება შეიძლება და თითოეულის შემთხვევაში კარგად ავწონ-დავწონოთ შევძლებთ თუ არა განხორციელებას, თუ შევძლებთ რანაირად, რა ხარჯებით, რა დაგვჭირდება და ა.შ. შევადაროთ რომელი ბიზნესი იქნება უფრო მომგებიანი და გადავიდეთ მოქმედებაზე.

ფსიქოლოგიური მოტივაიისთვის კი დავწერ აქ, რომ Hewlett-Packard-მა დაიწყო თავისი ბიზნესი გარაჟში, მერე ნაქირავებში იყვნენ და მერე, მხოლოდ რამდენიმე წლის შემდეგ მოახერხეს საკუთარი შენობა, დანადგარები და აღჭურვილობა ჰქონოდათ... დღეს კი HP-ს ყველა იცნობს. ამ კომპანიის ერთ-ერთი დამფუძნებელი ბილ ჰიუვლეტი ამბობს: "ჩვენ არ გვქონდა არანაირი გეგმა სანამ დავიწყებდით. ბიზნესის კეთების იდეა იყო მანამ, სანამ გამოვიგონებდით audio oscillator-ს (მათი პირველი პროდუქტი)". ასევე ის ამბობს: "ჩვენ არ დაგვიმსახურებია ერთი მკაცრი სიტყვაც კი, როდესაც ვიღებდით უამრავ კრედიტს Hewlett-Packard-ის წარმატებისთვის."

ასე და ამგვარად, ჩემო ტკბილო ხალხო, შეიძლება შიშველი ხელებით დაწყება და იმედი მაქვს, ჩემს მიერ მოტანილი Bill Hewlett-ის სიტყვების წაკითხვის შემდეგ მოგემატათ ხალისი ამ კეთილშობილური საქმისა. მეც დავძენ, მართლა არაფერი არ არის არც ბიზნესის კეთება და არც სხვა რამე, რაც ცხოვრებაში რთულად მიაჩნია ხალხს და თქვენ ეს ჩემგან არ გესწავლებათ, რადგანაც, მორწმუნე ადამიანისთვის შეუძლებელი არაფერია. მთავარია ჭკვიანურად, გააზრებულად ვიმოქმედოთ და შეცდომები არ დავუშვათ, სისულელეები არ გავაკეთოთ, დავისახოთ კარგი სტრატეგია და ღმერთი შეგვეწევა. ვინ იცის, იქნებ ინოვაციაც კი შევიტანოთ ბაზარზე....