ჯანმრთელი სხეული - ვარჯიშები,, რჩევები, კითხვები პარამეტრები

[guest]

ამ თემის გახსნა ამ განყოფილებაში გადავწყვიტე, რამდენადაც ახლოს არის ანატომიასა და ფიზიოლოგიასთან.

ჩემი აზრით, ჯანმრთელი ორგანიზმი, ჯანსაღი სხეული ნებისმიერი ასაკის პიროვნებისთვის აქტუალურია. ამ თემაში ვისაუბროთ სხეულის გაჯანსაღების მეთოდებზე, გავიუზიაროთ ერთმანეთს გამოცდილებები, მივცეთ ერთმანეთს რჩევები , დავსვათ კითხვები და მსგავსი.

მე შევეცდები დავიწყო სურათებით, სადაც თვალნათლივ ჩანს ვარჯიშების სახეობები, რომლებიც საჭიროა მუცლის კუნთების განვითარება-გამაგრებისთვის. ასევე მეტად ეფექტურია ჭარბი წონის დაკლების დროსაც. ამ სურათებზე ძირითადად მოცემულია ვარჟიშები ტრენაჟორებზე, მაგრამ თუ კარგად დააკვირდებით, სახლის პირობებშიც შეიძლება ბევრი მათგანის გაკეთება, ტრენაჟორების კუსტარული , სხვა მეთოდებით შეცვლით. ძირითადად ქალებითვის არის აქ ნაჩვენები ამ სახის ვარჯიშები, მაგრამ ეს სრულიად იდენტურია მამაკაცებისათვისაც.

პ.ს. მე შემიძლია შემოგთავაზოთ მსგავსი სურათები ასევე ხელების, ბეჭების, მკერდის, ზურგის, ფეხების, საჯდომის კუნთებისთვის. ბევრი მათგანი დაკავვშირებულია ძალოსნურ ვარჯიშებთან, მაგრამ თუ მივდევრობით მივყვებით, არც გირები და არც შტანგები, თუნდაც ტურნიკი სიძნელეს არ წარმოადგენს.

დამწყებთათვის ჩემი რჩევა იქნება ვარჯიშების დაწყებამდე აფთიაქში შეიძინონ მაგნეზიუმის ტაბლეტები ან კომბინაცია მაგნეზიუმ+კალიუმი , რომელიც ხელს უწყობს მუსკულატურის და ნერვული სისტემის განვითარებას და თავიდან აცილებული იქნება არასასიამოვნო დაჭიმვები ან კიდურების დაკრუნჩხვები, მყისების თუ კუნთების ტკივილი. მოკლედ, ეს აუცილებლობაა და არავის არ ვურჩევ ამ პრეპარატის გარეშე ამ სახის ტრენინგზე შეჭიდებას და რაც მთავარია, მინიმუმ 2-2,5 ლ (სასურველია მეტი) სითხე დღეში, იგულისხმება უგაზო მინერალური წყალი, ჩვეულებრივი წყალი, მტკნარი ჩაი . ტკბილი და კოფეინიანი სასმელები, როგორიცაა კოკა-კოლა და მსგავსები, მხოლოდ გარკვეული ხნის ვარჯიშის შემდეგ, როდესაც მიხვდებით რომ ხარჯავთ მინიმუმ იმდენ ენრგიას , რამდენსაც დღის რაციონში ღებულბთ.

პ.ს.ს. სურათებზე თუ კითხვები გაჩნდება, გიპასუხებთ, დავნომრავ ამისთვის წინასწარ. რაც დაუშვებელია, ისინი თვით სურათზე არის დატანებული და ვგონებ კომენტარებს არ საჭიროებს.

სურ. 1 აჩვენებს სწორედ მუცლის კუნთებს, რომლიც ძლიერდება ამ ვარჯიშების ინტენსიური შესრულების შემდეგ. სურათები, რომლებიც ტრენაჟორის გარეშე შესასრულებელია, თავისუფლად შეიძლება გააკეთოთ სახლის პირობებში. დროს მნიშვნელობა არ აქვს. როცა მოგიხერხდებათ და როდესაც გაგახსენდებათ მთავარი შენიშვნა : ნელნელა უნდა მივყვეთ, თავის გამოდება და ზედმეტი არაქათის გამოცლა საწყის პერიოდში ყოვლად დაუშვებელია, ჯობია ცოტ-ცოტა და განმეორებით.


სურ.1


სურ.2


სურ.3


სურ.4


სურ.5


პ.ს. სოლჯერს ვთხოვ დაპოსტოს რაიმე, რომ შევძლო სურათების დადების გაგრძელება .

[subterranean]

ჩემი სხეული არც ისე დიდი წონისაა =)) მაგრამ არც მაინცდამაინც მუსკულები მაზის ხელებზე რომ ავქაჩო ეეეეჰ

[guest]

მოკლედ, წინა პოსტი დაიკარგა, კაიროსს რომ ვუპასუხე ბოლო კი ნახევრად დაიპოსტა
-----ბოდიშს მოვიხდი და ახალად დავპოსტავ ---
კაიროს, ესაა სწორედ პრესის ვარჯიშები. სმა-ჭამა აქვე განვათავსოთ, ეხება თემას და ჩემი და ჩემი ბიჭების გამოცდილებიდან ბევრის დაწერა შემიძლია ასე თუ ისე. სხვებიც შემოგვიერთდებიან.

რაც შეეხება ამ ვარჯიშებს, ერთი დღის შემდეგაც თვალნათლივ იგრძნობთ, როგორ გაუმჯობესდება საჭმლის მონელების სისტემა, დამიჯერეთ, შემიძლია დავიფიცო , ნაწლავი ხდება "ელასტიური", ამას აუცილებლად შენიშნავთ. სურათებზე ტრენაჟორებმა არ დაგხიოთ უკან, რამდენიმეა უტრენაჟორო და ისინი გააკეთეთ, სულერთია როდის და რამდენჯერ დღეში smile.gif

ქალებს ნუ უყურებ ალმაცერად biggrin.gif იგივეა მამაკაცებისთვისაც, სრულიად იდენტურია.
-------------------------

ჭარბი წონის შემთხვევაში ბევრი ჩვენგანი მიმართავს სხვადასხვა დიეტას და ძალიან ხშირად ასევე შიმშილს. ეს უკანასკნელი ყოვლად დაუშვებელია ელემენტარული მიზეზის გამო: ცხადია, უჭმელობა იწვევს წონის დაკლებას, მაგრამ არა პრობლემატურ ადგილებზე, არამედ სწორედ იქ, სადაც არ არის აუცილებელი.

სხეულს სჭირდება ენერგია და როდესაც მას ეს საკვების სახით საკმარისად არ მიეწოდება, ის კუნთებისგან იღებს ამ ენერგიას, ენერგიის წვა ხდება კუნთების ენერგიის ხარჯზე და რაც შეეხება მაგალითად მუცლის ქონს, ამას ორგანიზმი რაღაც დაპროგრამებულივით რეზერვად ინახავს უფრო "მძიმე შემთხვევების" დროს. ამიტომაც სრულიად უჭმელობა იმ შედეგეს არ იძლევა, რაც ჩვენ გვსურს: ხდება კუნთები ატროფირებული და მუცლის ქონი თითქმის ადგილზეა მაინც ამის თავიდან ასაცილებლად აუცილებელია არა უჭმელობა, არამედ ჯანმრთელი , მოზომილი კვება და შედეგის დასაგვირგვინებლად კი სპორტი.

თავიდან შევჩერდები ე.წ. ბალასტურ ნივთიერებებზე (მგონი ასეა ქართულად). ამ მეტად საჭირო ნივთიერებას შეიცავს ძირითადად მცენარეული საკვები: შავი და მარცვლიანი პური, მიწის თხილი, ქიშმიში, ქერი, ქლიავის ჩირი, მოხარშული "გაროხი", ლეღვის ჩირი, მაკარონი დამზადებული "შავი" ფქვილისგან, მუსლი და სხვა.

რას აკეთებს ახლა ეს ნივთიერება კაის

1. ორგანიზმში "ახვევს" ყოველგვარ შხამიან და მავნე ნივთიერებას, რომელიც საკვებთან ერთად გადადის ნაწლავში და შემდეგ გამოიყოფა;
2. მალე ანაყრებს და ამით ხდება სხეულის წონის რეგულირება;
3. არეგულირებს ასევე ქოლესტერინს (სისხლის ცხიმი) და შაქარს სისხლში;
4. წარმოადგენს დიდი რაოდენობით სხვადასხვა სასარგებლო ბაქტერიიისთვის ხელსაყრელ ნიადაგს და ამით ხელს უწყობს ნაწლავის ჯანმრთელი ფლორის არსებობას.
5. აჩქარებს და აწესრიგებს საჭმლის მონელებას.

ერთი კლასიკური მაგალითი აუცილებელი რაოდენობით (40 გ) ბალასტური ნივთიერების მიღებისა:
-----------------------------
5 ნაჭერი მარცვლიანი შავი პური (250g) -> 20g
3 კარტოფილი (200g) -> 3,5g
1 გაუთლელი ვაშლი (150g)-> 3g ,
1 მსხალი (150g) -> 5g,
ჟოლო (50g) -> 2,5g
მოხარშული ლობიო (150g)-> 3,5g
სალათი სიმინდით(120g) -> 2,5g
--------------------------------

აუცილებელი ოქროს კანონი : საკმაო რაოდენობით სითხე!

სურათზე ნაჩვენებია სპორტის დროს განსაკუთრებით რომელი აუცილებელი ნივთიერებები უნდა მივიღოთ და რომელი პროდუქტი შეცავს მათ:



1. მარცვლეული, კარტოფილი - ნახშირწყლები, ბალასტური ნივთიერებები, ცილები, ვიტამინი B;
2. რძის პროდუქტები - კალციუმი, ცილები, ვიტამინი B;
3. თევზი, ხორცი, კვერცხი - ცხიმები, ცილები, რკინა, ვიტამინი D, იოდი;
4. ცხიმები, ზეთები - ცხიმმჟავები (მგონი ასეა ქართულად), ვიტამინები;
5. ბოსტნეული, პარკოსნები - ვიტამინები, ცილები, ბალასტ. ნივთ., ნახშირწლები, მინერალები;
6. წვენები - მინერალები, სითხე;
7. ხილი - ვიტამინები, მინერალები.

წონის რეგულირებისათვის (და ისედაც აუცილებელია) მეტად გამოსადეგია , თუ ჩვეულებრივ ცხიმებს, როგორიცაა კარაქი, მარგარინი, სუფრის ზეთი ჩვეულებრივი და მსგავსებს ჩავანაცვლებთ ზეითუნის ზეთით, სპეციალური მცენარეული ზეთით ასევე, რომელიც ქოლესტერინს არ შეიცავს და ე.წ. ომეგა3 სახის ზეთით ( ამ უკანასკნელს ორგანიზმი მხოლოდ გარეგანი მიწოდებით იღებს,უხვადაა თევზში და შეიცავს აგრეთვე ზოგიერთი მცენარეც), ეს ზეთები იყიდება თითქმის ყველა დიდ სუპერმარკეტში.

ჩემი რჩევა იქნება, მითუფრო მაღალი წნევა მიდრეკილებისათვის და ასევე მათთვის, ვისაც ქოლესტერინი მომატებული აქვს (და ჯანმრთელსაც არ ვნებს წესით) ჩვეულებრივი სუფრის მარილი (ნატრიუმქლორი) შეცვალოს კალიუმის მარილით ანუ კალიუმის ქლორიდით, იმედია საქართველოში იყიდება ეს პრეპარატი, გემო იგივეა. კალიუმიანი მარილი შეიცავს ორგანიზმისათვის საჭირო ნატრიუმსაც და ასე რომ, წესით ყველასთვის განკუთვნილია.

პ.ს. შემდგომში დავწერ რეცეპტებსაც, რომელიც მეტად ეფექტურია და ასევე ორგანიზმსაც ამარაგებს აუცილებელი რაოდენობა საჭირო ნივთიერებით, თუმცა არ ხდება ზედმეტი ცხიმის შექმნა ორგანიზმში.
პ.ს.ს. ვისაც სურს სასწრაფო წესით გააუმჯობესოს საჭმლის მონელება ან მიდრეკილია შეკრულობისკენ, შეუძლია სასწრაფოდ გამოსცადოს უშაქროდ დამზადებული ქლიავის ჩირი და მირთმევის შემდეგ დააყოლოს მინიმუმ 200 გრამი წყალი. ნაწლავის მოქმედება რამდენიმე წუთში გარანტირებულია, თან ბუნებრივი მეთოდებით, ხდება მისი გაწმენდა და ტაქტში მოყვანა.