მეგრული ვიკიპედია, რამდენად კარგია ქართული ენისთვის? პარამეტრები

[შოთაძე]

ახლახანს აღმოვაჩინე მეგრული ვიკიპედია და მაინტერესებს რამდენად კარგი არის ქარული ენისთვის, შეიძლება თუ არა ასეთი პროეკტების განხორციელება? ან თუ აქვს საპატრიარქოსგან ნებართვა აღებული ამ პროეკტის ავტორს?
კარგი იქნება თუ განვიხილავთ ამ ფაქტს

[didou nana]

კანონისტი, afxazi

საკუთარ თავზე რატომ იღებთ ვერ ვიგებ. არ მომეწონა ამ ადამიანის მიდგომა იმის მიმართ, რომ მეგრელები თურმე ოჯახში მეგრულად საუბრობენ და ამით საქართველოს ღალატობენ. პირადად მე ჩემს ოჯახში სულ მეგრულად ვსაუბრობ, თუმცა ოჯახის ყველა წევრს შეგვიძლია ვიტრაბახოთ იმით, რომ სალიტერატურო, გამართული ქართული ვიცით ანუ, ოჯახში მეგრულად ლაპარაკი, არანაირად არ უშლის ადამიანს ისწავლოს ქართული. ვაპირებ, რომ თუკი თბილისში ან სხვაგან(სამეგრელოსგან შორს) მომიწია ცხოვრებამ, ჩემი შვილები ჩემს მშობლებთან გავგზავნო და იქ გაიზარდონ, სკოლა იქ დაამთავრონ, შემდეგ კი ჩამოვიდნენ და ისწავლონ თბილისში რამდენიც უნდათ. ანუ მათ მეგრულს არაფერი დაემუქრება და მე ამით აიეტისა და მედეას ენას 3-4 კაცს კიდევ შევმატებ(თუ დავუზოგავ).

რაც ზვიადაურმა ნახა წალენჯიხაში, სულაც არ არის გასაკვირი. ეს იმის ბრალი კი არ არის, რომ მეგრულად საუბრობდნენ ოჯახში და ქართულად ვინმე უკრძალავდა საუბარს, პირიქით. ამ ადამიანებს ან სკოლაში არ უვლიათ, ან იქ არაფერი უსწავლიათ. სამეგრელოში ქართულის სწავლა ძირითადად მაინც ბაღიდან და სკოლიდან(უფრო სდკოლიდან) იწყება, ასე რომ აქ სახელმწიფომაც უნდა იაქტიუროს, რომ ყველა ბავშმა მიიღოს პირველდაწყებითი განათლება.
აბა მიპასუხეთ ყველას კარგად გვესმის ხულელი აჭარლების აჭარული? თუ ძალიან გათვიცნობიერებული არ ხარ ვერ გაიგებ. ჩვეულებრივი თბილისელი ვერ მიხვდება ღრმა ხულოელის ქართულს. და რამდენია იცით ხულოში ისეთი, ვინც მოქცეული, ხულოური ქართულით ლაპარაკობს და თანამედროვე ქართულის ინჩიბინჩი არ იცის? რატომ არ ლანძღავს ზვიადაური მათ? იმიტომ, რომ ისინი მეგრელები არ არიან!

აი ეს არის სიმართლე. შეიძლება მართლაც არაკორექტული ვიყავი, მაგრამ ძალიან ავღელდი. სამეგრელოში ვერ იტანენ ასეთ მოქცევას, და თუ თბილისელებისადმი სამეგრელოში სადმე 'ცოტა ისეთი' დამოკიდებულება არსებობს, ზუსტად ამგვარი გამოხდომების გამო.

[sable]

აბა მიპასუხეთ ყველას კარგად გვესმის ხულელი აჭარლების აჭარული? თუ ძალიან გათვიცნობიერებული არ ხარ ვერ გაიგებ. ჩვეულებრივი თბილისელი ვერ მიხვდება ღრმა ხულოელის ქართულს. და რამდენია იცით ხულოში ისეთი, ვინც მოქცეული, ხულოური ქართულით ლაპარაკობს და თანამედროვე ქართულის ინჩიბინჩი არ იცის? რატომ არ ლანძღავს ზვიადაური მათ? იმიტომ, რომ ისინი მეგრელები არ არიან!

აჭარულ კილო-კავებს კი არა 90 % ამ ქვეყანაში, ძველ ქართულ ტექსტებს რომ იკითხავს ჩინური თუ არა ბასკური მაინც ჰგონიათ. აქედან გამომდინარე არაფერი არ არის გასაკვირი, თუ ვინმეს ხულელის საუბარი არ ესმის.

პრობლემის გამოჩხიკვა ყველა წვრილმანიდან ძალიან უყვარს ხალხს, ეგ ჯიშად მოგვდგამს, არც მანდ არის რაიმე გასაკვირი.