ჯანმრთელი სხეული - ვარჯიშები,, რჩევები, კითხვები პარამეტრები

[guest]

ამ თემის გახსნა ამ განყოფილებაში გადავწყვიტე, რამდენადაც ახლოს არის ანატომიასა და ფიზიოლოგიასთან.

ჩემი აზრით, ჯანმრთელი ორგანიზმი, ჯანსაღი სხეული ნებისმიერი ასაკის პიროვნებისთვის აქტუალურია. ამ თემაში ვისაუბროთ სხეულის გაჯანსაღების მეთოდებზე, გავიუზიაროთ ერთმანეთს გამოცდილებები, მივცეთ ერთმანეთს რჩევები , დავსვათ კითხვები და მსგავსი.

მე შევეცდები დავიწყო სურათებით, სადაც თვალნათლივ ჩანს ვარჯიშების სახეობები, რომლებიც საჭიროა მუცლის კუნთების განვითარება-გამაგრებისთვის. ასევე მეტად ეფექტურია ჭარბი წონის დაკლების დროსაც. ამ სურათებზე ძირითადად მოცემულია ვარჟიშები ტრენაჟორებზე, მაგრამ თუ კარგად დააკვირდებით, სახლის პირობებშიც შეიძლება ბევრი მათგანის გაკეთება, ტრენაჟორების კუსტარული , სხვა მეთოდებით შეცვლით. ძირითადად ქალებითვის არის აქ ნაჩვენები ამ სახის ვარჯიშები, მაგრამ ეს სრულიად იდენტურია მამაკაცებისათვისაც.

პ.ს. მე შემიძლია შემოგთავაზოთ მსგავსი სურათები ასევე ხელების, ბეჭების, მკერდის, ზურგის, ფეხების, საჯდომის კუნთებისთვის. ბევრი მათგანი დაკავვშირებულია ძალოსნურ ვარჯიშებთან, მაგრამ თუ მივდევრობით მივყვებით, არც გირები და არც შტანგები, თუნდაც ტურნიკი სიძნელეს არ წარმოადგენს.

დამწყებთათვის ჩემი რჩევა იქნება ვარჯიშების დაწყებამდე აფთიაქში შეიძინონ მაგნეზიუმის ტაბლეტები ან კომბინაცია მაგნეზიუმ+კალიუმი , რომელიც ხელს უწყობს მუსკულატურის და ნერვული სისტემის განვითარებას და თავიდან აცილებული იქნება არასასიამოვნო დაჭიმვები ან კიდურების დაკრუნჩხვები, მყისების თუ კუნთების ტკივილი. მოკლედ, ეს აუცილებლობაა და არავის არ ვურჩევ ამ პრეპარატის გარეშე ამ სახის ტრენინგზე შეჭიდებას და რაც მთავარია, მინიმუმ 2-2,5 ლ (სასურველია მეტი) სითხე დღეში, იგულისხმება უგაზო მინერალური წყალი, ჩვეულებრივი წყალი, მტკნარი ჩაი . ტკბილი და კოფეინიანი სასმელები, როგორიცაა კოკა-კოლა და მსგავსები, მხოლოდ გარკვეული ხნის ვარჯიშის შემდეგ, როდესაც მიხვდებით რომ ხარჯავთ მინიმუმ იმდენ ენრგიას , რამდენსაც დღის რაციონში ღებულბთ.

პ.ს.ს. სურათებზე თუ კითხვები გაჩნდება, გიპასუხებთ, დავნომრავ ამისთვის წინასწარ. რაც დაუშვებელია, ისინი თვით სურათზე არის დატანებული და ვგონებ კომენტარებს არ საჭიროებს.

სურ. 1 აჩვენებს სწორედ მუცლის კუნთებს, რომლიც ძლიერდება ამ ვარჯიშების ინტენსიური შესრულების შემდეგ. სურათები, რომლებიც ტრენაჟორის გარეშე შესასრულებელია, თავისუფლად შეიძლება გააკეთოთ სახლის პირობებში. დროს მნიშვნელობა არ აქვს. როცა მოგიხერხდებათ და როდესაც გაგახსენდებათ მთავარი შენიშვნა : ნელნელა უნდა მივყვეთ, თავის გამოდება და ზედმეტი არაქათის გამოცლა საწყის პერიოდში ყოვლად დაუშვებელია, ჯობია ცოტ-ცოტა და განმეორებით.


სურ.1


სურ.2


სურ.3


სურ.4


სურ.5


პ.ს. სოლჯერს ვთხოვ დაპოსტოს რაიმე, რომ შევძლო სურათების დადების გაგრძელება .

[guest]

დავწერ კიდევ რამდენიმე სასარგებლო ვარჯიშს.

1. დაწექით ზურგით სწორად იატაკზე. მოკეცილი ხელები თავ ქვეშ შემოიდეთ. ისე , რომ მხრები და მოხრილი მკლავები იატაკზე გედოთ. წამოწიეთ მიტყუპებული ფეხები სხეულთან პერპენდიკულარულად და აამოძრავეთ ისე, როგორც ველოსიპედის მართვის დროს. ძალიან სასარგებლოა სისხლის მიმოქცევისთვის, ფეხის კუნთების, მუცლის პრესის გასავარჯიშებლად, აგრეთვე ფეხებზე ვენოზური მოვლენების დასათრგუნად (სულ ერთია გაფართოებული თუ შევიწროვებული ვენები). ასევე წელის და ბეჭების გასავარჯიშებლად, რამდენადაც თავქვეშ ამოდებული მოკეცილი მკლავების იატაკზე სწორად პოზიციის შენარჩუნებისას საკმაოდ იტვირთება ეს ნაწილები და ვარჯიშდება.

როგორც კი მოიქანცებით, შეწყვიტეთ. არც ისე მართივია , როგორც ჩანს .

2. მუხლებით და ხელის გულებით (მკლავები სწორად და არა მოხრილი) დაეყრდენით იატაკს, წამოწიეთ მარჯვენა ფეხი რამდენსაც შეძლებთ მაღლა და ასევე მარჟვენა ხელი ამ მოძრაობის სინქრონულად გაიტანეთ აწეულ მდგომარეობაში წინ : ე.ს. ახლა ეყრდნობით მხოლოდ ერთ მუხლს და ერთ ხელს. ამ პოზაში დააყოვნეთ რამდენსაც შეძლებთ, კარგია 10 წამი (დათვალეთ ათამდე), მაგრამ არ გეგონოთ ისე მარტივი, იქნებ ვერ შეძლოთ ამდენი და მხოლოდ იმდენ ხანს გაჩერდით ასე, რამდენიც თქვენს ძალებს ექვემდებარება. ასევე გაიმეორეთ მარცხენა ფეხისა და ხელისათვის.

თუ ხელის სინქრონული მიყოლება თქვენთვის შეუძლებელია (მაგალითად, კარგავთ წონასწორობას) , მხოლოდ ფეხის წამოწევით შემოიფარგლეთ.

ეს ვარჯიში კარგია მუცლის, ხელის კუნთებისთვის, ასევე აუმჯობესებს სისხლის ცირკულაციას და მოჰყავს ტაქტში.

***

გავაგრძელებ მე ცოტას. მოკლედ, ჩემს მიერ შემოთავაზებული სურათები , რაც უკვე დევს და რომელთა ნაწილსაც ახლა დავდებ, ამოღებულია ცნობილი ფრანგი ტრენერის , ფრედერიკ დელავიეს წიგნიდან "გამიზნული ძალოსნური ტრენინგის ანატომია".

ახლა გაჩვენებთ ხელის და მკლავის კუნთების ტრენინგს, ძირითადად მამაკაცებისთვის არის საინტერესო, მაგრამ არსებობს აგრეთვე ქალებისთვისაც ხელის და მკლავის კუნთების ვარჯიშები. ნავარჯიშები ხელები და მკლავები , განვითარებული კუნთები ქალისთვის ბევრს წარმოუდგენია არაქალურად და შეცდომაა ეს. აქ საუბარი არ არის დაბერილ კუნთებზე , არამედ ამ კუნთების გავარჯიშება იწვევს ასევე დაჭიმული კანის არსებობას, ცელულიტის მსგავსი ნაოჭების მოსპობას და საერთო ჯამში მეტად ქალური ეფექტი გვრჩება.

აქ ვდებ 4 სურათს, სულ არის 16, ვისაც დააინტერესებს, დაწეროს და დანარჩენებს ავტვირთავ რომელიმე სერვერზე და გადმოწერეთ, რომ ზედმეტად არ დაიტვირთოს სურათებით ეს თემა. სურათები ძლიან მაღალი ხარისხის არ არის, გადავიღე, დასკანერება ვერ მოვახერხე.


სურ.1


სურ.2


სურ.3




სურ.4