ქუჩაში ნაყიდი "საეკლესიო" ნივთები, რას ვატრებთ ჯვართან ერთად პარამეტრები

[kato_Bato]

წლების წინ ჩემმა დამ მიყიდა ფსალმუნიანი სამაჯური( არ ვიცი სუსტად ამას როგორ ქვია) და დიდი სასოებით მეკეთა და დავატარებდი ყველგან.

დღეს შემთხვევით ვნახე, რომ წებო იყო მოცილებული იმ ადგილას სადაც ეს 90 და 50 ფსალმუნი უნდა დებულიყო, ცნობისმოყვარეობამ წამძლია და ფურცელი ამოვიღე.

გაცნობებთ, რომ ყველაფერია შიგ ფსალმუნის გარდა..
რაღაც არაბული თუ სპარსული ნაწერი, ზუსტად ვერ გავარჩევ, იმიტომ რომ კარგადაა გაცვეთილი ფურცელი.

ყველა ვარიანტში, ანბანი ნამდვილად არაა არც მხედრული,არც მრგვლოვანი, არც ნუსხა-ხუცური.
ჩემი სპეციალობა სპარსული ენა და ლიტერატურაა და იმედია ეჭვქვეშ არ დააყენებთ იმას, რომ ანბანს ვცნობ

პირველი რეაქცია ის იყო, რომ გულიანად გადავიხარხარე, რაც მე მაგ სამაჯურს ვიხუტებდი გამოცდებზე

შეიძლება ადამიანმა ყველაფრით აკეთო ფული?

ალბათ, ზოგისთვის შეიძლება...

[მარიამი]

მე სიონში ვიყიდე ჩემი ნათესავისთვის 2 ცალი რამდენიმე წლის წინ. მერე როგორც მითხრეს, ერთში იდო ჩვეულებრივ ფსალმუნი, მეორეში კი - ცარიელი ფურცელი. ეს ცოტა სხვა შემთხვევაა - ეტყობა გაუთავდა დაბეჭდილი ფსალმუნები მის გამკეთებელს და ფული რომ არ შემოკლებოდა, ცარიელი ფურცელი ჩადო.

სპარსულ ნაწერს რაც შეეხება, ასეთი მოუტანეს ჩემს მოძღვარს ერთხელ და სპეციალისტს წააკითხა. როგორც მახსოვს, რაღაც წყევლა-კრულვა ეწერა. და თვითონ იმ ადამიანსაც, ვინც მოუტანა, იმიტომ გაუჩნდა ეჭვი, რომ რაც ეს ე.წ. "ფსალმუნი" შეიძინა, მას მერე ცუდად გახდა ფიზიკურადაც და სულიერადაც.

და საერთოდ, რამდენდაც ვიცი (თუ სწორად მახსოვს, საეკლესიო მაღაზიაში მითხრეს), უწმინდესმა აკრძალა ასეთი ფსალმუნების გაყიდვა და მაღაზიები (ვისაც მორჩილება ჰქონდა) აღარ იბარებდნენ.