consciousness without brain..., ცნობიერება ტვინის გარეშე. საინტერესო მეცნიერული ფაქტები. პარამეტრები

[გიორგი]

ამ თემაში შევაგროვოთ და ავტვირთოთ სამეცნიერო მასალები, რომელიც არაპირდაპირ, მაგრამ მაინც მიუთითებს ცნობიერების ტვინის გარეშე არსებობას. ანუ ფაქტები, როდესაც თითქოს ადამიანებმა შეინარჩუნეს ცნობიერება მას შემდეგ რაც ტვინმა ფუნქცია შეწყვიტა. ლაპარაკია NDE-ზე (Near-Death-Experinece) ანუ ე.წ. "კლინიკური სიკვდილის" მდგომარეობაზე.

ამ კუთხით მიმდინარეობს საკმაოდ საინტერესო კვლევა.

პირველ რიგში ავტვირთავ ტელეკორპორაცია BBC-ის გადაღებულ ფილმს: "The Day I Died" / "დღე როდესაც მოვკვდი"

"The Day I Died"- part1
"The Day I Died"- part2
"The Day I Died"- part3
"The Day I Died"- part4
"The Day I Died"- part5
"The Day I Died"- part6

[გიორგი]

ნონა

მე მასთან არათუ დავა არ შემიძლია, მისი მოსმენაც კი არაფრისმომცემი იქნება ჩემთვის.

OK და მაშინ სასურველი იქნებოდა დათანხმებოდი "დიდი აფეთქების" თეორიას თუ მის უმთავრეს მიმდევართან (ვაინბერგი) არც დავა არ შეგიძლია და არც მოსმენა. ეს შენი ზოგადი ერუდიციისთვის აჯობებდა ასე, რადგან ეს თეორია თითქმის 100%-ით დამტკიცებულია, უძლიერესი არგუმენტაცია აქვს და უბრალოდ მინდა რომ საქმის კურსში იყო რომ ეს ასეა.

მეგონა აქამდე ეს თავად მეცნიერებას სურდა და შენც მათთან იყავი, თორემ მე აზრადაც არასოდეს მომსვლია უფლის მიერ სამყაროს და ადამიანის შექმნის მეთოდოლოგიაზე მეფიქრა.

ცუდად გცოდნია.
მეცნიერების საქმე ნამდვილად არ არის ღმერთის ამოხსნა და რაც მთავარია ამის არავითარი შანსი არა აქვს უახლოეს საუკუნეებში.

მეცნიერება სწორედ პროცესებს, ფიზიკურ მოქმედებებს და მეთოდოლოგიას (როგორც შენ დაარქვი) სწავლობს.

არსად არ ჩანს ღმერთი და მაინც არ ეწინააღმდეგება მართლმადიდებლობას?

საერთოდ მეცნიერება არც ეწინააღმდეგება და არც ეთანხმება ღმერთის იდეას, ან რომელიმე რელიგიას და მათ შორის მართლმადიდებლობასაც.

მეცნიერება სწავლობს ყველაფერ იმას, რისი გაზომვა, შემოწმება, დანახვა ან აღმოჩენა შეიძლება.

გვინდა თუ არ გვინდა, გაგვიხარდება თუ გვეწყინება უნდა ვაღიაროთ რომ "დიდი აფეთქება" არ იძლევა იმის დამტკიცების საშუალებას რომ ღმერთის ხელი ურევია მასში. არ ჩანს იქ ღმერთი. კი არ ამტკიცებს რომ არ არის ღმერთის შედეგიო, უბრალოდ არ ჩანსო.

არ იყო სივრცე, არ იყო დრო. იყო სინგულარობა. მეტი არაფერი არ ვიცით.

და მაინც სწორად მიდის მეცნიერება?

რა თქმა უნდა.
მეცნიერების შედეგია კოსმოსში (მთვარეზე) გაფრენა. ატომური ენერგიის კონტროლი. ელექრობის კონტროლი და მრავალი სუპერთანამედროვე მიღწევა. მეცნიერებამ, რაც აღმოაჩინა და შექმნა ცხადია იქ ყველაფერი სწორია.

ატომბირთვში, ელექტრო/მაგნიტურ ველში თუ კოსმოსში რომ ღმერთი არ აღმოჩნდა ეს არც იმას ნიშნავს რომ მეცნიერება არასწორი გზით მიდის, მაგრამ არც იმას რომ ღმერთი არ არსებობს.

თუ ამ ყველაფერს საბოლოოდ ღმერთის გაგებამდე არ მივყავართ, მაშინ საერთოდ რაში გვჭირდება?
მორწმუნეებს თვალი რომ ''აგვეხილოს'' ''ჭეშმარიტებაზე''?

ვერ მივყავართ.
რწმენა/არ რწმენა ეფუძნება პირად ინტუიციას, დამოკიდებულებას და არა გაზომვად რეალობას.

ერთის მხრივ გვჭირდება იმისთვის, რომ გავიუმჯობესოთ ცხოვრება: თვითმფრინავები, მანქანები, მაღლივი შენობები, ელექტროენერგია, ტელევიზია და ა.შ. რაც ჩვენი ყოველდღიური კომფორტის და ცხოვრების გაიოლების საშუალებაა მეცნიერებამ შექმნა. დამეთანხმები რომ ხის გუთანს ჯობია რკინის გუთანი. გუთანში შებმულ ხარს - ტრაქტორი. ის ტრაქტორია უკეთესი, რომელიც კომფორტული და ძლიერია. ეს ყველაფერი ჩვენ გვჭირდება.

მეორეს მხრივ კი ჩვენ ვიკვლევთ სამყაროს, ვიგებთ ობიექტურ რეალობებს ნებისმიერი საკითხის გარშემო და ეს ყველაფერი სანამდე მიგვიყვანს ამის განსაზღვრა არავის შეუძლია.

ანუ ეჭვობ რომ შესაძლოა მასე არც იყოს?

დარწმუნებული ვარ რომ "დიდ აფეთქებას" ღმერთთან პირდაპირი კავშირი არა აქვს, მაგრამ არა იმიტომ რომ არ არსებობს, უბრალოდ ძალიან შორია "დიდი აფეთქებიდან" ღმერთამდე, უსასრულოდ შორია...

მე მგონია რომ დიდი აფეთქება არის დროის მიღმიერ განზომილებაში, დროის ხაზის ერთ-ერთ განშტოებაზე მიმავალი პროცესი, რომლის მსგავსი პროცესები შეიძლება უსასრულოდ ბევრია.

რატომ?

იმიტომ რომ როდესაც არანაირი დამამტკიცებელი საბუთი ხელში არ გიჭირავს და მაინც რაღაცას ამტკიცებ დაგცინებენ და ჯიუტ თავგამოდებულ ადამიანად მიგიჩნევენ. ნებისმიერ სფეროს ეხება ეს.

ეს რეალობა დაამტკიცა რაიმე ექსპერიმენტით?

აინშტაინს არავითარი ღმერთის რეალობა, არავითარი ექსპერიმენტით არ დაუმტკიცებია. ის მივიდა მხოლოდ რწმენამდე. რწმენის სავარაუდო საფუძველი იყო ის რომ მიხვდა რომ დრო უსასრულო და მუდმივი სიდიდე არ არის.