"მეორედ მოსვლის ნიში", ? პარამეტრები

[death]

http://www.myvideo.ge/?video_id=592671

http://www.youtube.com/watch?v=ptSgpwTbAGA

ბევრი პოსტი დავწერე ამ საკითხთან დაკავშირებით, რადგან სავსეა ქართული რელიგიური რელობა მსგავსი ზღაპრებით და რაც უფრო გადის დრო მით უფრო ვრწმუნდები, რომ საქართველო ჩაფლულია ყელამდე ჭაობში, რომელიც ირეკლება ქართული ფსევდო მართლმადიდებლობის სახით. საწყენია, როდესაც ერთერთი კონკრეტული ფსევდო ქრისტიანობის ნაწილობრივი გამყარება პატრიარქიდანაც მოდის, რომელიც რაღაც სიზმრებზე და ხილვებზეა დაფუძნებული... ეკლესია დღეს ძირითადად მატერიალური მოგების წყაროდ და ქართული ნაციონაული იდეების გამამყარებელ ორგანიზაციად იქცა... განათლება მკვდარია, როგორც ერში ისევე ბერში. ერი მხოლოდ ფეტიშიზმით და ფანატიზმით სულმდგმულობს.

ვიცი ეხლა წამოვა ინკვიზიცია, მთელი ატრიბუტებით. მე არც მოწამის სახელი მინდა და არც "ინტრიგის" შეტანა, უბრალოდ გული მტკივა, როდესაც სხვადასხვაგვარ ავადმყოფურ იდეებშია ჩაფლული ქართველი ერი.

ივერია ესე არ გაბწყინდება!!!

მოკლედ რა...

[ბექა]

საინტერესო მოსაზრებას წავაწყდი ამ საიტზე სიმართლე გითხრათ პირადად მე არ მომეწონა!

http://jvarosnebi.com/index.php?option=com...44-10&Itemid=54

"ბოლო ჟამის პატრიარქი"

ლეონ სუთიძე - მნათეუსი
ინტერნეტში გამოჩნდა ვიდეო, რომელშიც საქართველოს მართლმადიდებელი ეკლესიის კათალიკოსი, ილია II "ბოლო ჟამის პატრიარქად" არის მოხსენებული. თუ მეხსიერება არ მღალატობს, რგოლი ამოჭრილია მის უწმინდესობაზე გადაღებული ერთ-ერთი ბიოგრაფიული ფილმიდან. ფორმატი საშუალებას მაძლევს ჩანაწერი თან დავურთო ტექსტს, შესაბამისად ციტირებით აღარ დავკავდები.

ეკლესიის ისტორიის არაერთ მონაკვეთი ყოფილა ექსატოლოგიური შიშით გაჟღენთილი, ყოველ რთულ დროს ახასიათებდა საკუთარი კრთომა, რომელშიც კონკრეტულ ადგილებს, მოვლენებს, ანგელოსთა საყვირებსა და ქრისტეს მოსვლას, საკუთარი ადგილი ეკავათ. გამონაკლისი არც აწმყო გახლავთ, აქ წარსული გამოცდილება ჩვეულებრივ არავის ახსოვს და თუ ახსოვს, ისეთი, დროს, რეალობასა და სამყაროს რომ არ უხილავს. მრავალი მოთქვამს ბიოჩიპებზე, შტრიხკოდებზე, ანტიქრისტეზე, გლობალიზებულ სამყაროზე, შოკისმომგვრელ მოზაიკაში "ბოლო პატრიარქს" მოლოდინის ტრაექტორია შემოაქვს და მეტ-ნაკლებად ახლო წერტილს სახავს, თან აუცილებელ იდუმალებასაც ინარჩუნებს. კაცმა რომ თქვას, პირველ ქრისტიანთა ეკლესიას უფრო მეტი საბაბი ქონდა თავი სამყაროს აღსასრულის ცოცხალ მოწმედ დაესახა, აბა წარმოიდგინეთ, როგორ გერეკებათ ჯგუფურად, იმპერატორი ნერონი კოლიზეუმში, სადაც მშიერი ლომები თქვენს გამოჩენას უკვე ელიან, შემდეგ კი სცადეთ არ გაგახსენდეთ გუშინდელ საღამოს, კატაკომბაში, რომელიმე მოციქულის მიერ მონაყოლი, უფლის მეორედ მოსვლის ნიშნებსა და წინაპირობებზე. ან იმის გაგებას შეეცადეთ, რას გრძნობდა კონსტანტინეპოლელი, როცა წმიდა სოფიას ტაძარში, ვინმე უცხოთმადიდებელი მეჰმედი, მწუხრის მაგიერ, საზეიმო ნამაზს კითხულობდა. პაპის ტიარას რაც ერჩივნათ, კი მიიღეს, მაგრამ აქ განსჯების გარეშე, ბატონებო!

ასეა თუ ისე, იოანეს გამოცხადების ტექსტში, ნებისმიერი დროის ჩაბუდება ადვილად მოსახერხებელია, თუ მითუმეტეს ფანტაზიაც გაქვს და მსჯელობაში გონებას მაინდამაინც დიდ უპირატესობას არ ანიჭებ, მაგრამ საინტერესოა რატომ უყურებენ ასე მშვიდად ჩვენი ძვირფასი ექსატომანები, ამავე წიგნის ბოლოსწინა გამონათქვამებს, თამამად რომ იმუქრებიან წყლულებსა და სიცოცხლის ხიდან მოკლებაზე.

დავუბრუნდეთ პატრიარქის მონათხრობს. თავად მამის სიზმრის გახსენება დანაშაული არ არის, მაგრამ ვინაიდან სიტყვებს საკუთარი შინაარსის გარდა, კონტექსტური მნიშვნელობაც გააჩნიათ, ასევე პასუხისმგებლობისგანაც ვერაფრით დავცლით, საინტერესოა რამ აიძულა მართლმადიდებელ პირველიერარქს ტელეკამერებთან ესაუბრა საკმაოდ დამაინტრიგებელ სიზმარზე, რომელსაც ნებისმიერი ქრისტიანი სისულელედ უნდა თვლიდეს? მის უწმინდესობას კარგად მოეხსენება, რომ ერთადერთი ვინც მის სიტყვებს შეუმცდარად არ აღიქვამს, თავადაა, შესაბამისად მრავლად მოიძებნება ისეთი, ვინც ამ საშიში იდეით შეპყრობილი აღმოჩნდება. საქმეს ართულებს ნიში, რომელიც როგორც თავად განმარტავს, სიზმრის გამო აღიმართა. სამწუხაროდ მიწევს განმარტება, რომ ქრისტიანები სიზმრებს სალოცავებს არ უნდა უგებდნენ, წინააღმდეგ შემთხვევაში დედამიწა გაივსება შიშველი ქალების ეროტიული ნიშებით, სადაც ალბათ ქრისტეს ვერა, მაგრამ არტემიდასა და ეროსს შევასხავთ ხოტბას. საინტერესოა აქვე კომენტარიც, რომელშიც პატრიარქის მამის სიზმარი, წინასწარმეტყველებადაა გასაღებული, დღემდე საქართველოს საპატრიარქოს ამ სისულელეზე კომენტარი არ გაუკეთებია, რაც თუ გულწრფელი ცრურწმენა არ არის, ელემენტარული უპასუხისმგებლობაა.

ქრისტიანები ცდებოდნენ და შეცდებიან, მაგრამ არავის აქვს უფლება სარწმუნოების ნაწილად გაასაღოს საშუალო ხნის რელიგიური მამაკაცის ღამეული ილუზიები.

სამწუხაროდ ფონიცა და გამონათქვამებიც სავალალოა. ეკლესია ხელში ჩაიგდო ფსევდოქრისტიანობამ, რომელიც ორიენტირებულია მითებზე, რაც იქნებ იმითაა განპირობებული რომ არაფრი განსხვავებულის თქმა აღარ შეგვიძლია? განა საქართველოს ეკლესიის პირველიერარქს არ ეგების უფრო დიდი კეთილგონიერება? ან იქნებ მას არ ეკისრება პასუხისმგებლობა იმაზე, რაც ეკლესიაში ბოლო ათწლეულია ვითარდება?

დასკვნა როგორია? მრევლი ბნელია - მაგრამ პატრიარქი არაფერ შუაშია, მრევლი მჩხიბავობს - მაგრამ პატრიარქი არაფერ შუაშია, მრევლი ექსტრემისტობს - მაგრამ პატრიარქი არაფერ შუაშია, მრევლს სისულელეების ეშინია - მაგრამ პატრიარქი არაფერ შუაშია, მრევლი გარყვნილია - მაგრამ პატრიარქი არაფერ შუაშია, მრევლი განუსწავლელია - მაგრამ პატრიარქი არაფერ შუაშია, სასულიერო პირები გაზულუქდნენ - მაგრამ პატრიარქი არაფერ შუაშია, პატრიარქი მამამისის სიზმრებს ნიშებს უგებს - მაგრამ ცხადია ის აქ არაფერ შუაშია...