საუფლო დღესასწაულები რატომ არაა უქმედ გამოცხადებული?, იქნებ მივმართოთ ვინმეს პარამეტრები

[ზარნაშო]

ზოგიერთი დიდი დღესასწაული (ათორმეტთაგანი) სახელმწიფოს მიერ დასვენებად არაა გამოცხადებული, რაც მორწმუნეებს უხერხული არჩევნის წინაშე აყენებს - ან სამსახური უნდა გააცდინონ, ან წირვა. არადა ზოგი საერო დღესასწაული დასვენებაა.
რა წყალობას უნდა ელოდოს ღვთისგან ქვეყანა, სადაც ათი მცნებიდან ერთ-ერთის დარღვევა კანონითაა დადგენილი? არა მგონია, რომ ამის შეცვლა დიდ სირთულეს წარმოადგენდეს. უყურადღებობის ბრალია ალბათ, აქამდე რომ არ მიეხედა ამ საქმეს. იქნებ ახალგაზრდა მართლმადიდებელთა გაერთიანებამ რამე მიმართვა გაგზავნოს სადაც საჭიროა?

[მარიამი]

შესაძლებელია გაიწეროს იმგვარი უფლება, რომ მორწმუნე ადამიანს (რელიგიის მიუხედავად) შეეძლოს მისთვის სასურველ დღეს დაისვენოს და ამის თაობაზე წლის დასაწყისში აცნობოს დამსაქმებელს.

რამდენი ხანია ასეთ რამეს ველოდები. ყველაზე კარგი იქნება ეგ მორწმუნე ამ დღეებს საუფლო დღესასწაულებს დაამთხვევს, სხვებს შეუძლია დაბადების დღეებზე და სხვა რამეებზე გამოიყენონ ოღონდ მთლად წლის დასაწყისში თუ არ მოგვთხოვენ მაგ უქმე დღეების დაგეგმვას კარგი იქნება. 2-3 დღით ადრე უნდა შეიძლებოდეს. ჩემს დას ჰქონდა მასე (უცხოელებთან მუშაობდა). "სიქ დეის" ერქვა და წელიწადში რამდენიმე შეგეძლო აგეღო, როცა გინდოდა.

ისე საუფლო დღესასწაულების უქმეებად გამოცხადებას მეორე მხარე აქვს. კი ძალიან მინდა, რომ ყველა დღესასწაულზე დავისვენო და წირვაზე წავიდე, მაგრამ ასეთი რამდენია? უმეტესობა წირვაზე კი არ წავა, მთელ დღეს უსაქმურობაში გაატარებს და საღამოს დათვრება ანუ ის მთავარი იდეა, რომ უქმე დღე უფალს შესწირო, იკარგება. ჰოდა, მასეთ შემთხვევაში ჯობია იმუშავო, რამე სასარგებლოს მაინც გააკეთებ