არამართლმადიდებლები ცხონდებიან?, რატომაც არა? ;) პარამეტრები

[Atman]

სადმე იქნება ალბათ ასეთი თემა მაგრამ თავიდან გავხსნი.

ვინმემ ვინც ერკვევა მართლმადიდებლურ დოგმატიკაში, ჩამოაყალიბოს: ცხონდება თუ არა არამართლმადიდებელი? არსებობენ თუ არა გამონაკლისები და რის მიხედვით ხდება გამონაკლისების დაშვება?

[blue night]

მე წამიკითხავს მამა გაბრიელის შეხედულება ამასთან დაკავშირებით. მისი აზრით, ეს დიდი უსამართლობა იქნებოდა, მხოლოდ მართლმადიდებლებს რომ ქონოდათ ცხონების შესაძლებლობა. შენ თუ მართლმადიდებლურ ქვეყანაში დაიბადე, სხვა- მუსულმანურში და ა. შ. დაახლოებით ეს იყო შინაარსი.

რომც გავიხსენოთ, ის ავაზაკი, რომელიც პირველი შევიდა სასუფეველში, ის არც მონათლული ყოფილა, მითუმეტეს არც ნაზიარები და არც კეთილი ცხოვრებით გამოირჩეოდა, პირიქით; მაგრამ ის ცხონდა, თან პირველი ყველა ადამიანს შორის..

ერთი ამბავიც მახსენდება. ერთი ეპისკოპოსი გემით მგზავრობდა. ნაპირზე დაინახა ადამიანი, რომელიც ხეზე ადიოდა, ხელებს აღაპყრობდა, ჩამოდიოდა, მერე ისევ ადიოდა. ეპისკოპოსმა კითხა, ასე რატომ იქცევიო. მან უპასუხა, რომ სამყაროს შემოქმედ ღმერთს ადიდებდა. ეპისკოპოსმა ასწავლა პირჯვრის გადაწერა და უთხრა, ღმერთი ასე უნდა ადიდოო. შემდეგ თავის გემზე დაბრუნდა. ცოტა ხანში ხედავს, მათკენ, ზღვაზე მორბის ის ადამიანი. მიუახლოვდა მათ და უთხრა, დამავიწყდა, პირჯვარი ჯერ რომელ მხარეს უნდა გადავიწეროო ...
საოცრებაა... მთავარია, ადამიანს შინაგანად უყვარდეს ღმერთი. მემგონი ეს არასწორი რწმენის ადამიანმაც შეიძლება მოახერხოს.

მე არ გამიგია მართლმადიდებლურ სწავლებაში დოგმატი, რომ მხოლოდ მართლმადიდებლები ცხონდებიან.
ვინ რისი ღირსია, მხოლოდ წმინდანებმა და ღმერთმა უწყის.

ხოლო შეუძლებელია ყველა რელიგია იყოს გზა ღმერთამდე, მათ ხშირად ურთიერთგამომრიცხავი დოგმატიკა და მორალი აქვთ. ამიტომ ეს აბსურდად მეჩვენება. ვერ ვხვდები, შენ, ატმან, რა ლოგიკით ასკვნი, რომ მათი არსი ერთია..
შეგიძლია მიმითითო ლინკები, სადაც სხვა რელიგიებია განხილული? ოღონდ ცოტა დაწვრილებით, შედარებით ზოგადად წაკითხული მაქვს. მინდა უფრო ღრმად გავეცნო.. მადლობა წინასწარ!