არამართლმადიდებლები ცხონდებიან?, რატომაც არა? ;) პარამეტრები

[Atman]

სადმე იქნება ალბათ ასეთი თემა მაგრამ თავიდან გავხსნი.

ვინმემ ვინც ერკვევა მართლმადიდებლურ დოგმატიკაში, ჩამოაყალიბოს: ცხონდება თუ არა არამართლმადიდებელი? არსებობენ თუ არა გამონაკლისები და რის მიხედვით ხდება გამონაკლისების დაშვება?

[newbie]

ზოგადად იმის კატეგორიული მტკიცება ვინ ცხონდება და ვინ არა ცოტა შეუძლებელია, რადგან ამას ღმერთი წყვიტავს, ღმერთი კი სიყვარულია რომელიც ყველა კანონზე მაღლა დგას.. ის ხედავს ადამიანის გულს ვის როგორ უყვარს, სწყურია იგი. ადამიანის გული შეხვდება რა უფალს , მერე იწყებს მის გამუდმებულ ძიებას, მასკენ ახლოს მისასვლელ გზებს ეძებს და პოულობს ჭეშმარიტებას..
მაგრამ მართლმადიდებლობაში გვაქვს სწავლება რომ მართლმადიდებლობაა ერთადერთი ჭეშმარიტი რელიგია და სწორი გზა უფლისკენ.
რომ სასუფეველში ნათლობის და უფლის გარეშე ვერავინ შევა "ჰრქუა მას იესუ: მე ვარ გზაჲ და მე ვარ ჭეშმარიტებაჲ და ცხორებაჲ; არავინ მოვიდეს მამისა, გარნა ჩემ მიერ."
" მიუგო იესუ და ჰრქუა მას: ამენ, ამენ გეტყჳ შენ: უკუეთუ ვინმე არა იშვეს წყლისაგან და სულისა, ვერ ჴელ-ეწიფების შესლვად სასუფეველსა ღმრთისასა"

სარწმუნოების ჭეშმარიტ გზას - ეკლესიის ისტორიის მანძილზე მუდამ ზედმიწევნით დაცულს - იმთავითვე ეწოდებოდა სწორი, მართალი (ბერძ. Óρθός), „მართლმადიდებლობა“, „ორთოდოქსია“, პეტრე მოციქულის სიტყვებით „ჭეშმარიტი მადლი ღმრთისაჲ“.
პავლე მოციქული ასწავლის ტიმოთეს: „ისწრაფე თაჳსა შენისა რჩეულად წარდგინებად წინაშე ღმრთისა, მუშაკად ურცხჳნელად, წარმართებად სიტყუასა მას ჭეშმარიტებისასა“ (2 ტიმ. 2,15). ადრექრისტიანულ ნაწერებში გამუდმებით საუბრობდნენ „სარწმუნოების კანონების“, „ჭეშმარიტების კანონთა“ დაცვაზე.

მართლმადიდებლობის ჭეშმარიტებას ადასტურებენ წმ მამებიც
წმინდა მართალი იოანე კრონშტადტელი
სიტყვა მართლმადიდებლობის კვირიაკეს

მართლმადიდებლობის გარდა არც ერთ რელიგიას არ ძალუძს ადამიანის ზნეობრივი სრულყოფა, ანუ წმინდანად ჩამოყალიბება და ღვთისათვის სათნოყოფა, რასაც ეკლესიის ისტორიაც, გვიდასტურებს; ასევე – ღვთის სათნომყოფთა უხრწნელი, საკვირველთმოქმედი ნაწილები და მართლმადიდებელ წმინდანთა განსაცვიფრებელი ღვაწლი, რითაც მოსაწონნი შეიქმნენ ღვთისთვის, იყვნენ რა სიცოცხლეშივე წინასწარმხედველნი და საღი აზრით სწორედაც რომ ასე უნდა ყოფილიყო: სრულყოფილებას მხოლოდ სრულყოფილმა სარწმუნოებამ შეიძლება აზიაროს ყოველგვარი ღვთიური ძალებით, ყოველივე ღვთიური საჭურველით ვნებიან ხორცსა, ამა სოფელსა და ეშმას წინააღმდეგ. თუკი ამჟამად მრავალი, მართლმადიდებელი ქრისტიანი მაჰმადიანსა და წარმართზე უარესად ცხოვრობს... ქრისტიანთა ასეთი უღირსი ცხოვრება ოდნავადაც არ შეიძლება მართლმადიდებლური სარწმუნოების განკითხვის საბაბად იქცეს, რომელიც თვით მაცხოვრის აღთქმისაებრ და ისტორიის მოწმობით ჭეშმარიტებისა და სიწმინდის საწყისებში ურყევია. ამგვარი ადამიანები, მართალია, ჩვენგან გამოვიდნენ, მაგრამ არსებითად ისინი ჩვენნი არ ყოფილან, არამედ მხოლოდ სახელით იწოდებოდნენ ასეთებად.

წმ. თეოფანე დაყუდებული
არც პაპისტები, არც პროტესტანტები, არც ანგლიკანები და არც ისინი, ვისაც მიეკუთვნება თქვენი დამსნეულებელი მყვირალათი, არ ფლობენ ღვთის ნამდვილ, სუფთასა და სრულ ჭეშმარიტებას. იგი მხოლოდ ერთიან მართლმადიდებელ ეკლესიაში სუფევს. ისინი, ხიბლში მყოფნი ფიქრობენ, რომ ჭეშმარიტებას ფლობენ, მაგრამ ჭეშმარიტება ძალიან შორს არის მათგან
http://www.orthodoxy.ge/apologetika/teofan...adagebeli_2.htm
აქ ახსნილი დაწვრილებით ტუ არ ვცდები http://www.orthodoxy.ge/apologetika/argumentebi.htm
და აქაც არის რაღაცეები თუ ამ კუთხით გაინტერესებს http://www.orthodoxy.ge/apologetika/osipov...madidebloba.htm

მე როგორც თავიდან ვთქვი შეუძლებელია ამაზე რამის მტკიცება, თუმცა ამ აზრს ვიზიარებ ძირითადში. ქრისტე ღვთის , ცისა და ქვეყნის შემოქმედის შვილი განკაცდა, მოვიდა დედამიწაზე ენითაღუწერელი, არაადამიანური ტანჯვა -წამება დაითმინა, ადამიანის სიყვარულისთვის გაიღო უდიდესი მსხვერპლი, და ეს გააკეთა იმისთვის რომ ადამიანმა შეძლოს მასთან დამკვიდება სასუფეველში.. და რისთვის იყო ეს საშინელი და შემაძრწუნებელი მსხვერპლი საჭირო?? თუ ასევე წარმატებით შეიძლება თურმე მასთან მისვლა მუჰამედის ან ბუდიზმის გზებით? .. ან რატომ იღვრებოდა საუკუნეების მანძილზე ჩვენი წინაპრების სისხლი, რომლებსაც მართლმადიდებლობის უარყოფას თხოვდნენ.. სისხლით აამტკიცებდნენ უფლის ერთგულებას, და გაბრწყინდნენ ღვთის წინაშე