გაცხადებული წინასწარმეტყველება, არის თუ არა დილემა? |
სტუმარს სალამი ( შესვლა | დარეგისტრირება )
გაცხადებული წინასწარმეტყველება, არის თუ არა დილემა? |
Otherguy |
Dec 15 2009, 01:23 AM
პოსტი
#1
|
Advanced Member ჯგუფი: Members პოსტები: 1,802 რეგისტრ.: 25-February 09 მდებარ.: Sorrow Hill წევრი № 6,554 |
გამარჯობათ, მაინტერესებს თქვენი აზრი ზოგადად წინასწარმეტყველებაზე და რამდენად ვდგებით დილემაში წინასწარმეტყველების მოსმენის მომენტში... და ამასთან ერთად არის თუ არა გაცხადებული წინასწარმეტყველება თავისუფალი ნების დაჩაგვრა?
ავიღოთ მარტივი შემთხვევა, ვთქვათ გამომეცხადა ღმერთი, ან ადამიანი წინასწარმეტყველი და მითხრა: "ხვალ შენ მანქანა დაარტყავს და მოკვდები..." მე ვთქვათ და არ მინდა სიკვდილი და ხვალ საერთოდ არ გავედი სახლიდან(იმედია მანქანა კორპუსის IV სართულზე არ შემოფრინდება)... ჰოდა რა გამოდის? მე არც მანქანა დამეჯახა და არც მოვკვდი... ესეგი წინასწარმეტყველება იყო ყალბი? თუ ღმერთმა ძალით გამიყვანა გარეთ მაშინ რა გამოდის? თავისუფალ ნებას შეეხო იმისთვის რომ წინასწარმეტყველება ასრულებულიყო? ეხლა ვთქვათ ავიღოთ ბიბლიიდან ეპიზოდი, იესო ეუბნება პეტრეს: "მამლის ყივილამდე სამჯერ უარყმყოფ მე!" პეტრემ იცის უკვე ეს, ეხლა მის მოტივაციებს გადავხედოთ: 1. თუ პეტრე გააზრებულად შეეცდება რომ არ უარყოს იესო - გამოდის იგი ცდილობს შეეწინააღმდეგოს იესოს წინასწარმეტყველებას, ჰოდა თუ მას ეს გამოუვიდა - იესო წინასწარმეტყველი აღარ ყოფილა... 2. თუ პეტრე მაინც შეეცდება და ვერ მოახერხებს(ძალით ათქმევინებს იესო) - თავისუფალი ნება წაურთმევია... 3. არის მესამე შემთხვევა, პეტრე დაიკიდებს და იტყვის- რაც მოსახდენია მოხდესო(ვაიდა გამომივიდეს და არ გავცე და იესო უხერხულობაში როგორ ჩავაგდოო? ), მაგრამ ამ შემთხვევას არ ვინხილავთ... რას ფიქრობთ ამ ყველაფერზე? პატივისცემით, ლაშა... -------------------- 43. ვინაიდან არ არის ვარგისი ხე, რომელმაც გამოიღოს უვარგისი ნაყოფი, და არც უვარგისი ხე, რომელმაც გამოიღოს ვარგისი ნაყოფი.
44. რადგანაც ყოველი ხე თავისი ნაყოფით იცნობა... 46. რად მეუბნებით: უფალო, უფალო! და ჩემს ნათქვამს კი არ ასრულებთ? |
maZiebeli |
Dec 15 2009, 05:55 PM
პოსტი
#2
|
დავითი ჯგუფი: Members პოსტები: 1,094 რეგისტრ.: 16-August 06 მდებარ.: თქვენთან წევრი № 67 |
Otherguy
ციტატა გამარჯობათ, მაინტერესებს თქვენი აზრი ზოგადად წინასწარმეტყველებაზე და რამდენად ვდგებით დილემაში წინასწარმეტყველების მოსმენის მომენტში... და ამასთან ერთად არის თუ არა გაცხადებული წინასწარმეტყველება თავისუფალი ნების დაჩაგვრა?ავიღოთ მარტივი შემთხვევა, ვთქვათ გამომეცხადა ღმერთი, ან ადამიანი წინასწარმეტყველი და მითხრა:"ხვალ შენ მანქანა დაარტყავს და მოკვდები..."მე ვთქვათ და არ მინდა სიკვდილი და ხვალ საერთოდ არ გავედი სახლიდან(იმედია მანქანა კორპუსის IV სართულზე არ შემოფრინდება)... ჰოდა რა გამოდის? მე არც მანქანა დამეჯახა და არც მოვკვდი... ესეგი წინასწარმეტყველება იყო ყალბი? თუ ღმერთმა ძალით გამიყვანა გარეთ მაშინ რა გამოდის? თავისუფალ ნებას შეეხო იმისთვის რომ წინასწარმეტყველება ასრულებულიყო? გაგიმარჯოს ლაშა. მოგახსენებ, რომ ჩემი აზრით გაცხადებული წინასწარმეტყველება არ არის თავისუფალი ნების დაჩაგვრა, რადაგან წინასწარმეტყველება არაა მხოლოდ ვინმეს განზრახვის წინასწარი გამჟღავნება ან მოვლენის პროგნოზირება ამა თუ იმ ალბათობით, არამედ იმ რეალობის წინასწარი გამჟღავნებაა, რომელიც ღვთის წინაშე არსებობს დროის მიღმა, დროში კი „მოსახდენია“. თუ რომელიმე სიტყვა არ ასრულდა, გამოდის, რომ ეს არ ყოფილა წინასწარმეტყველება. უფალი ადამიანის ნებაზე არ ძალადობს წინასწარმეტყველების აღსასრულებლად, რადგან უკვე აღსრულებულის შესახებ გვაუწყებს წინასწარ. თუმცა ეს ისეთი საკითხია, ლოგიკით ვერ გავიგებთ, როგორც კიდე ბევრ რამეს. აი, ადამიანის თავში რა შეიძლება ტრიალებდეს ასეთი წინასწარმეტყველების მოსმენის შემდეგ, ძალიან ბევრი ვარიანტია. ათასი საბაბით თუ მიზეზით შეიძლება გავიდეს ამ სიტყვების მიუხედავად გარეთ და მოხდება ის, რაც არსებითად უკვე მომხდარი იყო. რაც მთავარია, „მაშინ და იქ“, სადაც არსებითად მოხდა ის, რაც მოხდა, ის ადამიანი ისეთივე თავისუფალი ნების მქონე „იყო“, როგორც „ახლა“. ოღონდ, აქვე უნდა ვთქვათ, რომ „მაშინ“ და „ახლა“ პირობითი ცნებებია, არსებითად კი ერთია; ამ მთლიანობას ჩვენი ცნობიერება ვერ იტევს და იძულებული ვართ ასე გავანაწილოთ. უფლისთვის დრო ერთია. ციტატა 1. თუ პეტრე გააზრებულად შეეცდება რომ არ უარყოს იესო - გამოდის იგი ცდილობს შეეწინააღმდეგოს იესოს წინასწარმეტყველებას, ჰოდა თუ მას ეს გამოუვიდა - იესო წინასწარმეტყველი აღარ ყოფილა...2. თუ პეტრე მაინც შეეცდება და ვერ მოახერხებს(ძალით ათქმევინებს იესო) - თავისუფალი ნება წაურთმევია... უფალმა ის უთხრა პეტრე მოციქულს წინასწარ, რაც მისთვის, როგორც უფლისთვის მომხდარიც იყო (უკვე), ამ ხდომილებაში ისიც დევს, რომ უფალი ეუბნება იმ სიტყვებს და ისიც, რომ პეტრე თავისი ადამიანური უძლურების გამო მოიქცეოდა თავისუფალი არჩევანით ისე, როგორც მოიქცა. მოკლედ, წინასწარმეტყველება რეალობის ნაწილის განცხადებაა, ის რეალობა კი ამ განცხადებასაც გულისხმობს და განცხადების შემდგომ მომხდარსაც. გასაგებად დავწერე ნეტა ჩემი აზრი? -------------------- "...ეძიებდით და ჰპოოთ..." - მათე 7,7.
"...ეძიებდით პირველად სასუფეველსა ღმრთისასა და სიმართლესა მისსა..." - მათე 6,33. "აჰა ეგერა სასუფეველი ღმრთისაჲ შორის თქუენსა არს" - ლუკა 17,21. |
მსუბუქი ვერსია | ახლა არის: 15th June 2024 - 07:48 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი