ბჰაგავატ გიტა, აუდიო წიგნი პარამეტრები

[Atman]

მოგესალმებით აპოგელეტიკური კარცერიდან! ვაგრძელებ თქვენი გონების მოწამვლას ფუა-ფუა რაღაცეებით! "ბჰაგავატ გიტას" შესახებ ალბათ თითქმის ყველას გსმენიათ. ესაა ვედების ბრილიანტი. წიგნი რომელიც ყველა ინტელექტუალურ ადამიანს უნდა ჰქონდეს წაკითხული, მიუხედავად რელიგიისა და რწმენისა... (ეს იყო აინშტაინის სამაგიდო წიგნი ცხოვრების ბოლოს).
ესაა ტექსტური ვერსია: http://sss.vn.ua/bh_gita.htm, მაგრამ რადგანაც კითხვას (მითუმეტეს ეკრანიდან) მოსმენა ჯობია, შემოგთავაზებთ მის აუდიოვერსიას, თეატრალური შესრულებით და მუსიკალური გახმოვანებით (რუსულ ენაზე).
ესაა უშუალოდ ტექსტი კომენტარების გარეშე. ძალიან სასიამოვნო მოსასმენი. თავიდან იწყება მარტივი რაღაცეებით და ბოლოსკენ რთულდება... ბევრი მართლმადიდებელი ალბათ არ მოუსმენს (აკრძალულია ბევრი მამაოს მიერ), მაგრამ ვინც მყარია საკუთარ რწმენაში და სიახლეების არ ეშინია შეუძლია მოისმინოს (თუმცა ანტიპათიური განწყობით მოსმენას ჯობია საერთოდ არ მოუსმინოთ).
კურნავს ნებისმიერი სახის დეპრესიას და აპათიას! ასევე კურნავს მყარად ფესვებგადგმული ფანატიზმისგან!
უკუჩვენება: იწვევს მიჩვევას, ასევე ფანატიზმსაც (ოღონდ უფრო რაციონალურს ) და თავდაპირველად დროებით დაბნეულობას
მიღების წესი: უმჯობესია მოისმინოთ დილით ადრე ან ძილის წინ...

სულ 690 მეგაბაიტია და რამდენიმე ნაწილად ავტვირთავ, შეგიძლიათ ასევე ნაწილ-ნაწილ გადმოწეროთ და თან მოუსმინოთ. ხარისხი უმაღლესია. ტექსტი მარტივად და გასაგებადაა გადმოცემული.
ხანგრძლივობა: დაახლოებით 6 საათი.



http://bin.ge/file/96146/1.zip.html
http://bin.ge/file/96151/2.zip.html
http://bin.ge/file/96162/3.zip.html
http://bin.ge/file/96171/4.zip.html

[Atman]

რა ძნელია ასეთ მიუჯაჭველობამდე მისვლა! სწორედ ამიტომ კრიშნა მისი
მიღწევის მდაბალ გზებსა და მეთოდებზეც მიგვითითებს. ნებისმიერი ადამიანისთვის
ყველაზე ადვილი გზა საქმის კეთება, თან კი მის შედეგებზე
უარის თქმაა. ჩვენივე სურვილია ის, რაც გვბოჭავს. თუ საქმის ცუდ ან
კარგ ნაყოფზე უარს ვერ ვიტყვით, მისი ზურგით თრევა მოგვიწევს, ხოლო
თუ ჩვენი თავისთვის კი არა, ღვთის სადიდებლად ვიშრომებთ, ნაყოფი
თვითონ იზრუნებს თავის თავზე. `საქმის კეთების უფლება გაქვთ, მაგრამ
ნაყოფთან არა გაქვთ ხელი. ჯარისკაცი შედეგისთვის არ იბრძვის. ის
თავის მოვალეობას ასრულებს. დამარცხებაც და გამარჯვებაც მას კი არა,
გენერალს ეკუთვნის. ჩვენც ჩვენს საქმეს სიყვარულისთვის ვაკეთებთ, გენერლის
სიყვარულისთვის, ღმერთის სიყვარულისთვის. . . .
თუ ძლიერი ხარ, შეუდექი ვედანტას ფილოსოფიას და დამოუკიდებელი
იყავი. თუკი ეს გიმძიმს, ადიდე ღმერთი; თუ ესეც არ შეგიძლია, რაიმე გამოსახულებას
ეცი თაყვანი. თუ ამის ძალაც კი არ შეგწევს, რაიმე კარგი საქმე
გააკეთე და სარგებელზე არ იფიქრო. ყველაფერი, რაც გაგაჩნია, ღმერთის
მსახურებას შესწირე. ნუ დაიხევ უკან!