უკრაინის ეკლესიის ავტოკეფალია, რას ფიქრობთ? პარამეტრები

[კანონისტი]

უკრაინაში როგორც იცით სერიოზული დაპირისპირებაა უკრაინის ავტონომიურ ეკლესიასა (მოსკოვის საპატრიარქო) და უკრაინის ავტოკეფალურ ეკლესიას შორის (კიევის საპატრიარქო)

ავტოკეფალიის მომხრენი ამტკიცებენ, რომ ვინაიდან ანდრია მოციქულმა ქალაქ კიევის ადგილზე დაადგა ფეხი, ვინაიდან კიევო-პეჩორა არის ღვთისმშობლის წილხვედრი მიწა, ვინაიდან რუსთა ნათლობა მოხდა კიევში, კიევი უნდა იყოს საპატრიარქო კათედრა

მეორენი კი ამტკიცებენ, რომ რუსეთის ეკლესია ერთიანია და მისი გაყოფა არ შეიძლება

ამ დავაში "იჭყლიტებიან" მორწმუნე უკრაინელები, რადგან ავტოკეფალური ეკლესია, თავის პატრიარქ-სინოდ-მრევლიანად ანათემას გადასცა მოსკოვის საპატრიარქომ

ეგ კი არა და, გასულ კვირას, მართლმადიდებლობის ზეიმზე, კიდევ ერთხელ წაიკითხეს ანათემა ღვთისმბრძოლთა, რომელთა შორის უპირველესად კიევის ე.წ. პატრიარქი ფილარეტ დენისენკო დაასახელეს

თქვენ რას ფიქრობთ??

[მნათე]

სხვათა შორის ბასილ კობახიძე ეხლა რომ ასე თავგამოდებით უჭერს მხარ უკრაინის ეკლესიის ავტოკეფალიას, ადრე ფილარეტს ცუდად მოიხსენიებდა და მტერს ეძახდა საქართველოს ეკლესიისას

არ ვიცი ვინ როდის, რას ეძახდა, მაგრამ ისტორიას გვერდს ვერ ავუვლით

აი რას ამბობს თავად ფილარეტი:



ამჟამად ფაქტიურად მიმდინარეობს ომი პირველობისათვის მოსკოვისა და კონსტანტინოპოლის საპატრიარქოებს შორის. წელს “რუსი ხალხის მსოფლიო კრებაზე” სმოლენსკისა და კალინინგრადის მიტროპოლიტმა კირილემ (გუნდიაევი) განაცხადა, რომ მართლმადიდებელი ქვეყნები უნდა გაერთიანდნენ მოსკოვის საპატრიარქოს გარშემო, როგორც ისლამიური ქვეყნები ერთიანდებიან მსოფლიო ისლამურ კონფერენციაში. რომ მართლმადიდებელმა ეკლესიებმა უნდა შექმნან ფრონტი მოსკოვის გარშემო. დაახლოებით ხუთი წლის წინ, მოსკოვის პატრიარქმა ალექსი II განაცხადა, რომ არ არსებობენ არანაირი თეოლოგიური არგუმენტები, რათა მოსკოვის საპატრიარქოს არ ეკავოს პირველი ადგილი მართლმადიდებელ სამყაროში, რადგან ის ყველაზე მრავალრიცხოვანი ეკლესიაა, ხოლო ქალქი მოსკოვი კი მესამე რომს წარმოადგენს. პირველი და გაბატონებული ადგილის დასაკავებლად მოსკოვის საპატრიარქო რუსეთის სახელმწიფოს მითითებითა და დახმარებით მოქმედებს. ამ გზაზე დაბრკოლებას წარმოადგენს უკრაინის მართლმადიდებელი ეკლესია, სწორედ მასზეა დამოკიდებული ექნება თუ არა მოსკოვის საპატრიარქოს პრეტენზიები პირველ ადგილზე მართლმადედებელ სამყაროში. უკრაინის ეკლესია თითქმის უტოლდება რუსეთის ეკლესიას სამრევლოების რიცხვით. თუ უკრაინის ეკლესია მიიღებს ავტოკეფალიას და გამოვა მოსკოვის საპატრიარქოს დაქვემდებარებიდან, მაშინ მოსკოვის საპატრიარქო განახევრდება და დასუსტდება და ვეღარ ექნება გაბატონებული ადგილის დაკავების პრეტენზია. უკრაინის ეკლესიის ავტოკეფალია უზრუნველყოფს სტაბილურობას მართლმადიდებელ სამყაროში და კონსტანტინოპოლის საპატრიარქო ისევ დარჩება პირველი თანასწორთა შორის (პრიმუს ინტერ პარეს – ლათ.), როგორც ეს ყოველთვის იყო ტრადიციულად. უკრაინის ეკლესია იქნება დამბალანსებელი მართლმადიდებელი ეკლესიების ცხოვრებაში. მოსკოვი ჩემზე ავრცელებს ბინძურ ჭორებს ჩემი პიროვნების დისკრედიტაციისათვის. პრეზიდენტ ვიქტორ იუშჩენკოსა და კონსტანტინოპოლის პატრიარქ ბართლომეოსის შეხვედრისას ითქვა, რომ კონსტანტინოპოლის საპატრიარქო კიევში გამოგზავნიდა თავის წარმომადგენელს, რომელიც უნდა ყოფილიყო პორტუგალიაში მოღვაწე კონსტანტინეპოლის იურისდიქციის ეპისკოპოსი ილარიონი (რუდნიკი). იგი წარმოშობით უკრაინელია. ეპისკოპოსი ილარიონი ჯერ სტამბულში უნდა ჩასულიყო, მაგრამ საზღვარზე იგი თურქეთის პოლიციამ დააკავა იმ ბრალდებით, რომ ეპისკოპოსი ჩეჩენი ტერორისტია. თურქეთის პოლიციის განცხადებით მას ეს ინფორმაცია ФСБ –მ მიაწოდა. რუსეთის სახელმწიფო ყველაფერს აკეთებს, რათა არ მოხდეს უკრაინის ეკლესიის დამოუკიდებლობის აღიარება, რადგან კარგად ესმის მისი უდიდესი მნიშვნელობა. მოსკოვის პატრიარქმა ალექსიმ განაცხადა, რომ თუ კონსტანტინოპოლის პატრიარქი აღიარებს უკრაინის ეკლესიის დამოუკიდებლობას, მაშინ მოხდება დიდი განხეთქილება. მოსკოვის საპატრიარქო არ დასჯერდა იმას, რომ უკრაინის ეკლესია გაჰყო ორად, ახლა მართლმადიდებელი სამყარო უნდა რომ გაჰყოს. მაგრამ ამ შემთხვევაში მოსკოვს მხოლოდ სერბეთისა და შეიძლება ბულგარეთის ეკლესიები დაუჭერენ მხარს, ხოლო დანარჩენი მართლმადიდებელი ეკლესიები – არა.
თუკი საქართველოს კათოლიკოს-პატრიარქი ილია II მიმართავს კონსტანტინეპოლის პატრიარქ ბართლომეოსსა და სხვა მართლმადიდებელი ეკლესიების მეთაურებს მოწოდებით, რათა დარეგულირდეს უკრაინის მართლმადიდებელი ეკლესიის მდგომარეობა და კონსტანტინოპოლმა აღიაროს კიევის საპატრიარქო, ამას ექნება განუზომელი მნიშვნელობა. დრო მუშაობს მოსკოვზე. დროის გაწელვა მოსკოვს აძლიერებს. მოსკოვი ქმნის ალტერნატიულ “მართლმადიდებლურ კონფესიებს” უკრაინაში რათა ჩვენ დაგვასუსტოს, ხოლო მსოფლიო მასშტაბით აძლიერებს თავის გავლენას: იერთებს რუსეთის საზღვარგარეთის ეკლესიას, რომელსაც მთელს მსოფლიოში აქვს ეპარქიები, აპირებს დააარსოს სამიტროპოლიტო ოლქი დასავლეთ ევროპაში, უამრავ სახელმწიფოში თავის საელჩოებთან ხსნის ეკლესიებს, რათა მჭიდრო ურთიერთობაში შევიდეს ამ ქვეყნების მთავრობებთან და ა. შ. ცხადია, რომ ყველა ეს ინსტიტუციები რუსეთის პოლიტიკას გაატარებენ.
კონსტანტინოპოლის პატრიარქისაგან ჩვენ მოვითხოვთ ავტოკეფალიის ტომოსს (სიგელს). ჩვენ არ გვსურს არც მოსკოვის და არც კონსტანტინოპოლის დაქვემდებარებაში ყოფნა, არამედ ავტოკეფალია. დამოუკიდებელ უკრაინაში უნდა არსებობდეს დამოუკიდებელი მართლმადიდდებელი ეკლესია. როგორც კი მოხდება უმე-კპ-ს აღიარება, მაშინვე უმე-მპ-სა და უამეს უდიდესი ნაწილი ჩვენ შემოგვიერთდება და უმე-კპ-ს 8500-ზე მეტი სამრევლო ექნება. ეს კი უდიდესი ძალაა.
ვფიქრობთ, რომ თუ უკრაინის ეკლესიის დამოუკიდებლობის საკითხი განიხილა სრულიად მართლმადიდებელი ეკლესიების კრებამ, მოსკოვი წყლის ამღვრევას დაიწყებს, ჩართავს დიპლომატიურ არხებს კრებაზე ატმოსფეროს გასაფუჭებლად. სჯობს კონსტანტინოპოლის საპატრიარქომ პირდაპის აღიაროს ჩვენი ავტოკეფალია, მას ამის სრული უფლება აქვს. უამესთან ბრწყინვალე ურთიერთობა გვაქვს, მათ სამღვდელოებას ჩვენთან გაერთიანება სურს. ეპისკოპოსები კი გარეგანი პოლიტიკური ზეწოლების გამო ღია განცხადებების გაკეთებისაგან ჯერჯერობით თავს იკავებენ, თუმცა ტერნოპოლის ოლქში უკვე დაიწყო ასეთი გაერთიანება. ყველას ესმის, რომ უკრაინა უკვე დამოუკიდებელი სახელმწიფოა და არასოდეს დაუბრუნდება რუსეთს.
ძალიან სასარგებლო იქნება, თუ საქართველოს ეკლესია დააარსებს თავის საეკლესიო წარმომადგენლობას (პოდვორიე-რუს. მეტოქიონი-ბერძ.) კიევში, კიევის საპატრიარქოსთან. შეიძლება უკრაინაში საქართველოს საელჩოში დაინიშნოს მღვდელი, რომელსაც მნიშვნელოვანი როლის შესრულება შეუძლია უკრაინის ეკლესიის პრობლემების მოგვარებაში.”