არა კლა!, და არ ჭამო მოკლული! პარამეტრები

[Atman]

ჯერ ამას უყურეთ და მერე მიირთვით გემრიელად ხინკალი!

Земляне / Earthlings

http://www.earthlingsfilm.ru/files/video/earthlings.avi




ამასაც!

http://www.youtube.com/watch?v=9JYhlhw7zxw

ნებისმიერი პატარა ბავშვი, როცა დაინახავს ცხოველს როგორ კლავენ, არ შეჭამს მას, თუ არ მოატყუეს და არ დააძალეს. ჰოდა საკუთარი თავის მოტყებაა, როცა გვგონია რომ ამ სასაკლაოების არსებობაში ჩვენ არ ვიღებთ მონაწილეობას.

ხორცი ადამიანის საკვებად არაა განკუთვნილი ღმერთის მიერ. ვინც ვერ ძლებს და მაინც ჭამს, მათ გარკვეულ შეზღუდვებს უწესებს, მაგრამ თუ სულიერი განვითარება და ღმერთის სიყვარული გვინდა, ცხოველი არ უნდა მოვკლათ!

როცა რელიგია არ გიკრძალავს, ეს არ ნიშნავს რომ აუცილებელია ჭამო! მითუმეტეს მსხვერპლშეწირვაც კი აკრძალულია ჭეშმარიტი ქრისტიანობის მიერ. ჩვენი ქართული ტრადიციებიდან კარგი უნდა დავიტოვოთ, ცუდი კი გადავაგდოთ. ყველა ტრადიცია რომ კარგი იყოს, არც ქრისტეს მოსვლა იქნებოდა საჭირო და არც წმინდანები! მარტო ტრადიციებს გავყვებოდით და მიგვიყვანდა ეს სამოთხემდე!

თავს იმით ვიმართლებთ, რომ "ცხოველს სული არა აქვს" ეს ცალკე თემაა და ამაზე აქ არ ვიკამათებ. ნახეთ როგორ ტირის ძროხა როცა დასაკლავად მიჰყავთ. "საკუთარი ხელით გამოჭერი ყელი და მერე ჭამე თუ სინდისი არ შეგაწუხებსო" პითაგორა ამბობდა. ბუდას მთავარი მისიაც ცხოველთა კვლის შეჩერება იყო და არა ღმერთის სიყვარულის სწავლება, იმიტომ რომ ადამიანი, რომელიც ცხოველს საკუთარი სიამოვნებისთვის კლავს ღმერთს ვერ შეიყვარებს! მითუმეტეს უანგაროდ!

რად უნდა ამას ბუდიზმი და ვედები! ან ფრანცისკო ასიზელი, ან ბევრი სხვა? ვაჟა წაიკითხეთ! ვაჟას ლექსები და მოთხრობები მარტო მხატვრულობისთვის და სილამაზისთვის კი არაა დაწერილი. სწავლებაა ეს პირველ რიგში! გაიღვიძეთ!

როცა ცხოველებს კლავენ, შლაკები, რომლებიც ბუნებრივად გამოიყოფიან სისხლის მიმოქცევის საშუალებით, რჩებიან მასში. ის ვინც ჭამს ხორცს, ღებულობს თავის ორგანიზმში ტოქსინებს, რომლებიც უნდა გამოყოფილიყო ცხოველის ორგანიზმიდან შარდთან ერთად. ტექნიკურ განვითარებას მოჰყვა ისიც, რომ დღეს ცხოველის ხორცი შეიცავს ისეთ ქიმიკატებს, როგორიცაა დდტ (რომელიც ყველაზე ძნელად 20-21 დღის შიმშილის შემდეგ გამოიყოფა ორგანიზმიდან), ნატრიუმის სულფატი - იგი წარმოადგენს ერთ-ერთ კანცეროგენს, სინთეტიკური ჰორმონი (დეს), რომელიც აგრეთვე ითვლება კანცეროგენულ ნივთიერებად. საერთოდ ხორცის შემცველი პროდუქტები შეიცავენ ისეთ ნივთიერებებს, რომლებიც ადაბლებენ იმუნიტეტს და იწვევენ კიბოსა და მეტასტაზების განვითარებას.

ხორცისმჭამელობა პირდაპირ კავშირშია გულის დაავადებებთან. ხორცში არსებული ქოლესტერინი გროვდება გულის კუნთების მკვებავ მთავარ სისხლძარღვებში და აჩენს ათეროსკლეროზულ ფოლაქს, რომელიც წინაპირობაა ინფარქტისა. ხორცი შეიცავს 14-ჯერ უფრო ბევრ პესტიციდებს, ვიდრე მცენარეული პროდუქტი. ცხოველის ცილა ითვლება ერთ-ერთ ტოქსიურ პროდუქტად კვებისათვის.

საინტერესოა ის ფაქტი, რომ სიტყვა ვეგეტარიანელობა ბერძნული სიტყვიდან ვეგეტას-გან მოდის, რაც ნიშნავს "მთლიან სუნთქვას და სიცოცხლეს".

ბიბლიის დასაწყისში საკვების შესახებ ღმერთის ნება ასე გამოიხატება: "და თქვა ღმერთმა: და მოგეცით თქვენ ყოველგვარი ბალახი თესლის მქონე, რომელიც არის მთელს მიწაზე და ყოველგვარი ხე ნაყოფის მომცემი. ეს იქნება თქვენი საკვები..."

წმინდა ბონავენტურა წერდა წმინდა ფრანჩესკო ასიზელზე: "როცა ის ფიქრობდა ყველა სულიერის შემოქმედზე, ის როგორც არასდროს ივსებოდა მადლიერებით და ის უწოდებდა ღმერთის ყოველ შექმნილს, ყველაზე პატარასაც კი ძმას და დას, რამეთუ იცოდა რომ იგი შექმნა იგივემ, რომელმაც შექმნა იგი თვითონ".


"და როცა თქვენ გაამრავლებთ თქვენს ლოცვებს მე გეტყვით არ მესმის: თქვენი ხელები სავსეა სისხლით". (ისაია 1:15_

"საკუთარი დედა გვაჭმევს რძეს ერთი-ორი წელი და ელოდება როდის მოვემსახურებით მას როცა გავიზრდებით. დედა ძროხა არ ელოდება ჩვენგან არაფერს მარცვლეულისა და ბალახის გარდა." (მაჰატმა განდი)

"მანამდე სანამ ადამიანი ხოცავს ცხოველებს, მას შეუძლია მოკლას ადამიანიც. ჭეშმარიტად ის ვინც ჭამს დახოცილის თესლს და ტკივილს, ვერ შეიცნობს სიხარულს და სიყვარულს." (პითაგორა)

"ჩვენ მოსიარულე სასაფლაო ვართ! მე ჯერ კიდევ ადრეულ ახალგაზრდობაში უარი ვთქვი ხორციან საჭმელზე". (ლეონარდო და ვინჩი)

17. მაშინ ვთქვი გულში: ღმერთი განსჯის მართალს და მტყუანს, როცა ყველაფერს და ყოველ საქმეს დაუდგება იქ თავის ჟამი.

18. და ვთქვი ჩემს გულში: ასე გამოცდის თურმე ღმერთი ადამის ძეთა, რათა დარწმუნდნენ, რომ თავისთავად პირუტყვები არიან მხოლოდ.

19. რადგან კაცის და პირუტყვის ხვედრი ერთია - ერთის სიკვდილი მეორისას ჰგავს და ყველას ერთი სული უდგას, კაცი პირუტყვზე ვერაფრით ვერ უპირატესობს, რადგან ყველაფერი ამაოა.

20. ყოველივე ერთ ადგილს მივა; ყველაფერი მიწისგანაა და ყველაფერი მიწად იქცევა.

21. რომელი იტყვის, რომ კაცთა სული ზევით მიილტვის, ხოლო პირუტყვის ქვევით ჩადის, ქვესკნელისკენ?

(ეკლესიასტე. თავი მესამე)

ისმინეთ უფლის სიტყვა, თქვე სოდომის მთავრებო! ყურადიღეთ ჩვენი ღვთის რჯული, თქვე გომორელებო!

რას ვაქნევ თქვენს უზომო საკლავებს, ამბობს უფალი. გამძღარი ვარ თქვენი აღსავლენი ვერძებით და კურატების ქონით. აღარ მსურს მოზვრების, კრავებისა და ვაცების სისხლი!

(ესაია 1.10-11)

ხელებს რომ აღაპყრობთ, თვალს გარიდებთ; ლოცვებსაც რომ მიმრავლებთ, არ ვისმენ; ხელები სისხლითა გაქვთ სავსე!

(ესაია 1.15)


ვისაუბროთ ამ თემაზე, ოღონდ სერიოზულად და ხუმრობის გარეშე. ეს თემა არაა სახუმარო!

[Atman]

მხევალი ნინო

კაი ახლა სად დაინახე აქ რელიგია? ვედების ცოდნას რომ გადმოვცემ ეს რელიგია არაა. ბიბლია წმინდა წერილთა კრებულია მაგრამ ათასობით რელიგიაა ამ წიგნზე დამყარებული. ასევეა ვედებიც. მაგრამ იქ მეცნიერული ცოდნა გაცილებით მეტია ვიდრე ბიბლიაში. ჰოდა მეც ამ ცოდნას გადმოგცემთ. იმიტომაც გავხსენი მეცნიერების განყოფილებაში. რელიგია არაფერ შუაშია აქ, მითუმეტეს ვედური. ისევ ქრისტიანული კუთხით ვცდილობ რომ ეს დაგანახოთ...

ალბათ გეყოლებიან მიმდევრები. ალბათ კი არა, ბევრია მხოლოდ მცენარეული საკვებით რომ იკვებება, მაგრამ ამას რელიგიურ სარჩულს ნუ მისცემ, სხვა ყველაფერი შეგიძლია დაარქვა.

მხოლოდ მცენარეული არა! მცენარეული და რძის პროდუქტები აუცილებლად!

და მე სექტის გახსნას არ ვაპირებ!

ალბათ ბევრად მეტს იმიტომ იწველება, რომ დაბადებიდანვე ბალახზე და წაქზე გადაყავთ ხბო, თორემ 1 წელი რომ ძუძუზე იყოს ჩამოკიდებული ... რაც არ ვიცი არ ვიციისე არც რძეს არ ვსვამ, მაგრამ რძის ნაწარმს კი მივირთმევ ხოლმე (50%–ანი ზიზღით)კვერცხიც სადაოა – ჩანასახია ხშირ შემთხვევაში

რძეზეც ვიტყვი 1-2 სიტყვას. მეცნიერები ამბობენ რომ რძე მავნებელიც კია, რომ არ მოინელება და ა.შ. ეს ერთი მხრივ მართალია. ვედებში არის კონკრეტული მითითება, რომ რძე (თანაც ცხელი) უნდა დავლიოთ ღამე, ძილის წინ და არა დღისით, იმიტომ რომ დღისით კუჭის მჟავიანობა მომატებულია და რძე იშლება კაზეინებად, რომლებიც ტოქსიურია და ორგანიზმს წამლავს, მაგრამ ღამე ეს არ ხდება და რძე მთელი ღამის განმავლობაში სიმშვიდის (მთვარის) ენერგიას აძლევს ორგანიზმს. დოზებიც გასათვალისწინებელია. ზოგი ბევრ რძეს ვერ ითვისებს. ენერგეტიკულად 2 კოვზი რძეც კი საკმარისია. რაოდენობას დიდი მნიშვნელობა არ აქვს. ზოგს რძის ზიზღი და აუტანლობაც აქვს მაგრამ რძე თავად რძის აუტანლობისგანაც კურნავს ადამიანს (ესეც ვედებში წერია, ჩემი მოგონილი არაა. გამოცდილიცაა და დამტკიცებულიც).

რაც შეეხება მაწონს: დილით ძალიან სასარგებლოა და გონებას ხსნის, სასიცოცხლო ენერგიას გვაძლევს, ოღონდ საღამოსკენ ჯობია არ ჭამოთ. მოკლედ ყველა პროდუქტს აქვს თავისი ინსტრუქცია და თუ ამ ცოდნას ვფლობთ, ვიქნებით ჯანმრთელები და ბედნიერები

არსებობს ასეთი გამოთქმა:
"თუ საჭმელი ჩვენი წამალი არაა, მაშინ წამალი გახდება ჩვენი საჭმელი!"