ვედები პარამეტრები

[Atman]

თქვენის ნებართვით გავხსენი ცალკე თემა ვედურ ცოდნასთან დაკავშირებით. და ვეცდები მთელი ჩემი "სიბრძნის" კონცენტრაცია ამ ერთ თემაში მოვახდინო

პირველ რიგში განვმარტავ, რომ ვედები არის სანკრიტზე დაწერილი უძველესი წიგნები, რომლებიც ძველად სიტყვიერად გადაეცემოდა მოძღვრიდან მოწაფეს, დაახლოებით 5000 წლის წინ (ანუ კალი იუგის დასაწყისში) კი ჩაიწერა (რადგანაც ადამიანის გონება დეგრადირდა და მაგდენ ცოდნას ზეპირად ვერ დაიტევდა). ვედები როგორც ასეთი ერთი წიგნი არაა. იგი არის წიგნთა კრებული (ისევე როგორც ბიბლია) და მასზე დაფუძნებულია მრავალი რელიგია და მიმართულება.

თუ სურვილი იქნება ვედების წარმოშობის ისტორიას და მორფოლოგიას უფრო განვავრცობ. მანამდე კი დავდებ ილუსტრაციებს ვედური ლეგენდებიდან:

[Atman]

abo

როცა სამყარო საზღვრებში ექცევა, ცოტა არასერიოზული მეჩვენება, თუნდაც კვერცხის ფორმა ჰქონდეს. ნუთუ მასში ყველა ხილული ობიექტია ნაგულისხმევი, არახილულზე რომ არ არაფერი ვთქვათ? აბო.

ერთი მხრივ ეგრეა, მაგრამ სამყარო (მაკროკოსმოსი) ადამიანის მიკროკოსმოსის ანარეკლია. ადამიანშიც ზუსტად იგივე ელემენტები და შრებია, რომლებიც სულს ფარავს. ჩვენი გონება ვერ გაიგებს მაგდენს მაგრამ ინტუიციით და სხვა ვედურ ცოდნაზე ნდობით და დაყრდნობით ვფიქრობ რომ მართლა ეგრეა. შეგახსენებ რომ ეს მატერიალური სამყაროა მხოლოდ და არა მთლიანად სამყარო. და მატერიალური სამყარო ერთგვარი ციხეცაა.

მითუმეტეს რატომაა ჩვენს გარშემო სიბნელე კოსმოსში თუ გარსით არაა დაფარული? ვედებში წერია რომ სულიერ სამყაროში ისე ანათებს ყოველივე რომ ჩვენი თვალისთვის კი არა გონებისთვისაც წარმოუდგენელია. მოკლედ ამაზე ბევრი დავა შეიძლება. რწმენის საკითხია.

ikanosi

რა მინდა კიდევ გკითხო...ეგ ვედები როდის დაიწერა? ანუ თანდათანობით ივსებოდა თუ რაც პირველად დაიწერა ისაა შემორჩენილი ახლა?

ვედები ჩაწერა (და არა დაწერა, იმიტომ რომ ვედები მარადიულად არსებობს, როგორც ღვთაებრივი ცოდნა) ვიასადევამ, რომელიც ითვლება ღმერთის ერთ-ერთ ინკარნაციად. მერე დაამატეს თუ არა რამე არ ვიცი. თუმცა ალბათ დაამატებდნენ, წმინდანთა წერილებიც ხომ არსებობს, მაგრამ ვიასადევას მიერ რაცაა დაწერილი კონკრეტულად განსაზღვრულია.