დავით ამაშუკელის სექტა?, განვაზოგადოთ შესაძლო მიზეზები პარამეტრები

[კანუდოსელი]

ამას წინათ აღმოვაჩინე საიტი http://elia.ucoz.com, სადაც პოლიტექნიკური უნივერსიტეტის საღვთისმეტყველო ფაკულტეტის ღვთისმეტყველების ყოფილი ლექტორის "გენიალური" აზრებია მოცემული.

ახასიათებს ძალიან კარგად ცნობილი ისტერია მასონიზმის ნიადაგზე და გამოირჩევა კაბალისტიკისადმი მიდრეკილებითაც. ასე მაგალითად, ერთ თავის ვიდეო ჩანაწერში ამბობს, რომ გვარი "შიოლაშვილი" რომ გადაიყვანო რიცხვებში და შეკრიბო, გამოვა 666, რასაც ხსნის იმით, რომ საპატრიარქოში საქმეები მთლად ვერააო (თითქოს ამის გარეშე არ შეიძლება ამისი მიხვედრა )

სუბიექტურად ამ ფაქტმა შემძრა, რადგან მრავალი წლის შემდეგ ვნახე ეს ადამიანი, აბსოლუტურად სხვა, არადა ვიცნობდი საკმაოდ კარგად, მიუხედავად იმისა, რომ ჰქონდა ტიპიური "მრევლის" ზოგიერთი თვისება, მაინც გამოირჩეოდა აზროვნების უნარით

ობიექტურად კი დამაფიქრა იმ მიზეზებმა რასაც შეიძლება ამ შედეგებამდე მივეყვანეთ. მან დაამთავრა აკადემია, მიიღო დიპლომი და არავის გასჩენია ეჭვი მის პროფესიონალიზმში...უფრო მეტიც, დიპლომის დაცვის შემდეგ მიიღეს პოლიტექნიკურ უნივერსიტეტში და მუშაობდა თეოლოგიის ლექტორად კაი ხანს, სანამ არ გამოუშვეს ბოლო დროს.

რაშია საქმე? ისე ხომ არაა, რომ რაღაც პერიოდიდან მთელს ეკლესიაში მასიურად შემოვიდა გადაბრუნებული გაგება მართლმადიდებლობისა, რამაც სამწუხაროდ აკადემიაშიც შეაღწია და კარგა ხანს აკადემიის მეშვეობით ხდებოდა იმ იდეების რეკლამირება-გაპიარება, რასაც ეს ადამიანი თავის ვიდეო ჩანაწერებში გვთავაზობს?

ვისაუბროთ

[ნონა]

გამარჯობა ზაზა

ძალიან გთხოვ ამიხსენი რას მოაზრებ ცნების-მრევლი- ქვეშ?

გამოცდა გვქონდა და ერთი ძალიან აქტიური მრევლი, (მართლა ძალიან კარგი ადამიანი) რომელიც ცუდად იყო მომზადებული და შიშობდა რომ გადამეორება ვერ მასწრო რაღც საკითხის, გამოცდამდე ორი საათით ადრე შეუდგა დაუჯდომელის კითხვას შემეწიოსო.
არადა ამ 2 საათში თავისუფლად შეეძლო ის ერთი საკითხი (თანაც ისტორიაში) გადაეკითხა, სულ სამი გვერდი იქნებოდა.

აიღო ბილეთი და სწორედ ის საკითხი მოუწია
მიიღო ცხადია მისთვის არასასურველი შეფასება

ეს კონკრეტული შემთხვევა კი მოვიყვანე მაგრამ საზოგადო სურათიც ამას გავს ძალიან
უფალს ჩვენს მაგივრად საქმის გაკეთებას ვთხოვთ

პრობლემა კი ამ კონკრეტული მაგალითიდან გამომდიარე მგონია ის რომ არ გვიყვარს კითხვა და მოვალეობის მოხდის მიზნით ხდება ე.წ. საგამოცდო სამზადისიც.
ცოდნის მიღების წყურვილი ცოტა სხვა რამეა, სხვა მუხტს აძლევს ადამიანს.
თუ ადამიანი იღებს განათლებას რაიმე ტიპის, ეს ავტომატურად უნდა ნიშნავდეს რომ მას ამოძრავებს ცოდნის წყურვილი.
მაგრამ ეს ურთიერთგამომდინარეობა დარღვეულია.
პრობლემა ჩვენს ტვინებშია, ჩვენს უხერხემლობაში და მცონარებაში

ახლა ეს მამაოს ბრალია?
მეც მყავს მამაო და მეც ვარ მაზიარებელი
მორჩილება ცოტაარ იყოს ფარდობითი ცნებაა , მაგრამ ვერ დავიბრალებ იმას რომ კურთხევას არ ვასრულებ, არადა ჩემს მამაოს შეზღუდვები აზროვნებაში არასოდეს დაუწესებია.
მე ვიყენებ აზროვნების თავისუფლებას და გამოხატვისასაც.

შესაძლოა ჩემი მამაო განსხვავებული სტილის მოძღვარია და იმითაა ეს დამოკიდებულებაც განპირობებული (მგონი ჩემს მეტი სემინარიელი მრევლი არც ყავს მამაოს), სხვის აღსარებებზე კიდე მე არ ვიცი, მაგრამ დავიჯერო აზროვნებას უკრძალავენ?!
არა მგონია!

[კანუდოსელი]

დავიჯერო აზროვნებას უკრძალავენ?!

ასე პირდაპირ, არა, თუმცა ასეთებიც მინახავს, ვინც ხისტან აკეთებს ასე, მაგრამ მატი რიცხვი მაინც მცირეა.

უფრო სერიოზული პრობლემა არის:
1. მორჩილების არასწორი გაგება და ასევე ქადაგება ამბიონიდან, როცა ყველა უმნიშვნელო რამეზე უნდა აიღო კურთხევა მოძღვრისგან. ეს მართლა დიდ ნაწილშია და ამას თავად კლერიკალური საზოგადოება მიესალმება დიდ ან საგრძნობ წილად. სხვათა შორის ამერიკის მართლმადიდებელი ეკლესიის მეთაურმა წინა წელს საინტერესო განცხადება გააკეთა, მან თქვა, რომ საჭიროა აღმოიფხვრას მორჩილების ის სრულიად არამართმადიდებლური და უკუღმართი წესი, რაც ასე დამვიდრდა ეკლესიაშიო

2. ზოგადად სამღვდელოების განათლების დაბალი დონე, ისევე როგორც საზოგადოების დონეა საკმაოდ დაბალი და თეოლოგიის უბრალოდ ნულოვანი დონე (რადგან აკადემია სამწუხაროდ ვერ ამზადებს სპეციალისტებს ვერც ერთ სამეცნიერო საფეხურზე - ბაკალავრი, მაგისტრი, დოქტორი)