საქმიანი იდეები, ხელი შევუსწოთ დადებიტ ცვლილებებს ქვეყანაში პარამეტრები

[neo]

მოკლედ მეგობრებო მომინდა ასეთი სათაურით თემის გახსნა.
არსებობს ისეთი ინტერნეტ გვერდები სადაც საქმიანი იდეები იწერება ხოლმე. ერთ-ერთ მათგანზე მეც ვწერ.

მოკლედ გამიჩნდა მოსაზრება რომ, კარგი იქნება თუ ასეთ იდეებს ერთმანეთს გავუზიარებთ. მე გადმოვიტან იქ დაწერილ ისეთ იდეებს რომელში ჩემი წვლილია. დანარჩენს ლინკს დავდებ და ვისაც გსურთ შეგიძლიათ ეწვიოთხოლმე.

[neo]

კიდევ ერთი იდეა:

როგორ შევამციროთ ავტოკატასტროფათა რიცხვი დღესასწაულებზე ?


აღდგომის დღესასწაულზე მძიმე ავარია მოხდა ჩემს უბანში. სამი ადამიანი დაიღუპა. ამბობენ ნასვამი იყო ერთ-ერთი ავტომობილის მძღოლიო…

ამასწინათ ერთ ჟურნალს წავაწყდი სახლში. ავტოკატასტროფის სტატისტიკა ვნახე. მიზეზთა 40%-ზე მეტი ალკოჰოლია დასახელებული…

პირველად ჩემი ავტომობილით ავტოკატასტროფაში რომ მოვყევი ნასვამი ვიყავი და სიჩქარის გადაჭარბებით მოძრაობის გამო წყნეთის გზაზე ამოვტრიალდი… მანქანა ჯართში ჩავაბარე… მადლობა ღმერთს მე და ჩემი მგზავრი უვნებელნი დავრჩით.

——————————–

რა შეუძლია სახელმწიფოს გააკეთოს იმისათვის რომ ბოლო მოეღოს ამას. ან მინიმუმამდე მაინც დავიდეს ალკოჰოლის მსხვერპლთა რაოდენობა ?

1.მოხდეს საჯარიმო ტარიფების მკვეთრი გაზრდა. პირველი ბიჯი მინიმუმ 500 ლარით დაიწყოს;

ავარიის შემდეგ დიდი ხანი ნასვამი აღარ ვმართავდი მანქანას. მაგრამ ადამიანი რის ადამიანია რომ თავისი შეცდომა მეორედ არ გაიმეოროს ? ერთი წლის შემდეგ ისევ გავაგრძელე მოტივით ,,150 ლარის გარისკვა ღირს”… უფრო ცუდზე ალბათ არცერთი მძღოლი არ ფიქრობს… ჰოდა ერთხელაც დამაჯარიმეს. 150 ლარის შემდეგ მომდევნო ბიჯი 300 ლარია… თქვენ წარმოიდგინეთ ეს თანხა საკმარისი აღმოჩნდა იმისათვის რომ ნასვამი საჭეს აღარ მივუჯდე…არა იმიტომ რომ თანხმა თავისთავად დიდია არამედ მოტივით: ,,300 ლარის გარისკვას 30 ლარი ტაქსში მივცე აჯობებს” აღარ ვმართავ მანქანას ნასვამი. თუნდაც ერთ ბაკალ ლუდზე იყოს საუბარი…

2. მოხდეს საჯარიმო ტარიფების რესტრუქტურიზაცია ავტომობილის ასაკისა და ძრავის კუბატურის მიხედვით:

საქმე იმაშია რომ სხვადასვხა შემოსავლების დონის მქონე ადამიანებისათვის სხვადასხვა ტარიფია ყურადსარები. ზოგს ურჩევნია 500 ლარი გარისკოს და თავისი მანქანით იმგზავროს ვიდრე მანქანა სადმე დატოვოს.

გამომდინარე აქედან აუცილებელი მგონია რომ საჯარიმო ტარიფების სტრუქტურირება მოხდეს მანქანის ასაკისა და ძრავის კუბატურის მიხედვით. ისევე როგორც ეს განბაჟებისას არის. სამართლიანიც იქნება და შედეგების მხრივ უფრო ეფექტურიც;

3. დღესასწაულებზე მოხდეს კონტროლის გამკაცრება და მისი წინასწარი პიარი ტელევიზიით:

იმისათვის რომ მძღოლმა არ გარისკოს რაციონალური რისკის ფორუმულის კიდევ ერთ პარამეტრს, – რისკის რეალიზაციის ალბათობას უნდა მივაქციოთ ყურადღება. თუ ჩვენ გავამკაცრებთ კონტროლს ქრისტეს აღდგომის, ქრისტეს შობის და სხვა მნიშვნელოვანი დღესასწაულებისას, ამასთან მოსახლეობას გავაბრთხილებთ რომ კონტროლი გამკაცრებული იქნება მაშინ გაცილებით უფრო მცირე რაოდენობის მძღოლი გარისკავს ნასვამი საჭესთან ჯდომას.