აბორტის კანონით აკრძალვა გამოსავალია? |
სტუმარს სალამი ( შესვლა | დარეგისტრირება )
აბორტის კანონით აკრძალვა გამოსავალია? |
lutecia |
Jun 2 2010, 12:02 PM
პოსტი
#1
|
Newbie ჯგუფი: Members პოსტები: 29 რეგისტრ.: 19-May 10 წევრი № 8,861 |
გამარჯობათ, ალბათ ყველამ იცით რომ აბორტი უმძიმესი ციდვაა რომ აგარაფერი ვთქვათ მის მორალურად მძიმე მხარეზე... აბორტი (აბორტუს) ლათინური სიტყვაა და ნიშნავს ორსულობის ხელოვნურ შეწყვეტას. იგი მსოფლიოს 193 ქვეყნიდან 119 ქვეყანაშია ლეგალიზებული. მათ შორის აშშ-ი, კანადაში, შვეიცარიაში, ავსტრიაში, ჩინეთში, რუსეთსა და ასევე საქართველოშიც. აბორტის ლეგალიზაცია გულისხმობს, რომ იგი ნებადართულია კანონით განსაზღვრულ შემთხვევებში. (საქართველოში ეს შემთხვევები დადგენილია ჯანმრთელობის დაცვის შესახებ საქართველოს კანონით).ამ შემთხვევაში სისხლის სამართლებრივი დაცვის ობიექტია მხოლოდ ორსული ქალის სიცოცხლე და ჯანმრთელობა და სამართლებრივი დაცვის მიღმა რჩება ჩანასახის სიცოცხლე...
ჯანმრთელობის დაცვის შესახებ საქართველოს კანონის 136-ე მუხლის მიხედვით, საქართველოს ყველა მოქალაქეს აქვს უფლება დამოუკიდებლად განსაზღვროს შვილების რაოდენობა და დაბადების დრო. სახელმწიფოს პრიორიტეტული ამოცანაა ქალის ჯანმრთელობის დაცვა აბორტების შემცირების გზით (მ139.პ.1). ორსულობის ნებაყოფლობით შეწყვეტა ნებადართულია მხოლოდ ლიცენზირებული ექიმის მიერ, თუ ა) ორსულობის ხანგძლივობა არ აღემატება თორმეტ კვირას და ბ) ორსულს სამედიცინო დაწესებულებაში ჩაუტარდა წინასწარი გასაუბრება და გასაუბრებიდან გასულია 3 დღის მოსაფიქრებელი ვადა. ამასთან გასაუბრების დროს ექიმი ვალდებულია უპირატესობა მიანიჭოს ნაყოფის სიცოცხლის დაცვას და ყველანაირად შეეცადოს დაარწმუნოს ქალი ნაყოფის შენარჩუნების აუცილებლობაში. თუმცა ყველა შემთხვევაში “არჩევანი დედის პრეროგატივაა.” ბიბლიაში სიტყვა „აბორტი“ ან მისი სინონიმი არ გვხვდება, მაგრამ ამ დამღუპველ მოვლენასთან დაკავშირებით ჩვენ სრულიად ნათელი დასკვნების გამოტანა შეგვიძლია,ქვემოთ მოცემული ბიბლიური ციტატებიდან. ბიბლიაში სრულიად ცხადად და არაორაზროვნად განცხადებულია, რომ ადამიანის სიცოცხლე იწყება არა დაბადების წამიდან, არამედ მისი ჩასახვიდან: „ასე ამბობს უფალი, შენი შემქმნელი და დედის საშოში შენი გამომსახველი, რომელიც შეგეწევა შენ“ (ესაია 44, 2). „რამეთუ შენ დაჰბადენ თირკუმელნი ჩემნი და შემიწყნარე მე დედის მუცლით ჩემითგან. აღგიარო შენ, რამეთუ საშინელად საკვირველ იქმენ; საკვირველ არიან საქმენი შენნი, და სულმანცა ჩემმან უწყის ფრიად“ (ფსალმ. 138, 13-14). „ვიდრე მუცელში გამოგსახავდი, გამოგარჩიე; ვიდრე საშოდან გამოხვიდოდი წმიდა გყავი, ხალხების ქადაგად დაგადგინე“ (იერემია 1, 5). „...უფალმა მუცლიდან მომიწოდა, დედის წიაღიდან ახსენა ჩემი სახელი... ახლა ამბობს უფალი, მუცლიდანვე ჩემი გამომსახველი თავის მორჩილად...“ (ისაია 49, 1-5). მოციქული პავლე ამბობს: „...ღმერთმან, რომელმან გამომირჩია მე დედის მუცლით ჩემითგან და მიწოდა მე მადლითა მისითა“ (გალატ. 1, 15). „განა ვინც მე შემქმნა მუცელში, მანვე არ შექმნა იგი? განა ერთმა არ გამოგვსახა საშოში?“ (იობი 31, 15). მიუხედავად იმასა,რომ აბორტი დიდი ცოდვაა იგი არა არის დასჯადი კანონით გარკვეული გარემოებების არსებობისას. თქვენი აზრით, შეამცირებს თუ არა ამ დიდ ცოდვას კანონის გამკაცრება. რას დაუმატებდით ან რას შეცვლიდით დღეს მოქმედ კანონში.ან საერთოდ თუ მიიჩნევთ აბორტს ცოდვად? მიმაგრებული სურათ(ებ)ი |
lutecia |
Jun 4 2010, 01:22 AM
პოსტი
#2
|
Newbie ჯგუფი: Members პოსტები: 29 რეგისტრ.: 19-May 10 წევრი № 8,861 |
ციტატა აბორტი უნდა ისჯებოდეს კანონით... სანამ ლოგინში კოტრიალს დაიწყებენ მანამდე უნდა იფიქრონ...გამოსავალს კი ადვილად ნახულობენ ხოლმე... აბორტი რომ კანონით შეიზღუდოს მგონი კარგი იქნება და უფრო წინდახედულნი იქნებიან... არ ვეთანხმები ამ აზრს.არასასურველი ორსულობა ყოველთვის იქნება და ყოველთვის ყველა წინდახედულობას ვერ გამოიჩენს...აბორტი კანონით ვერ აიკრძალება იმიტომ რომ ყველა დემოკრატიულ სახელმწიფოში ეს უფლება აღიარებული და დაცულია საერთაშორისო კონვენციებით რომელსაც საქართველო მიერთებულია და ამ კონვენციების საწეინააღმდეგო დებულებებს კანონში ვერ ჩაწერს... კონვენციებით პირველ რიგში დაცულია დედის ჯანმრთელობა ამაზეა უმთავრესი აქცენტი. და მაინც რომ ავკრძალოთ აბორტი უკანონოდ იგი მაინც იქნება და გაცილებით ცუდი შედეგების მომტანი...იქნებიან ექიმები ვინც ამას გარკვეულ საფასურად გააკეთებენ არა სავადმყოფოში არამედ მის გარეთ,უფრო ცუდ პირობებში.ამით კი დამიჯერეთ დიდ საფრთხეში ჩააგდებენ ქალის ჯანმრთელობას სხვათაშორის იმდღეს ვკითხულობდი ნეტში და მომეწონა ეს სტატია.მინდა თქვენც გაგიზიაროთ,კომენტარებს ნუ დაიშურებთ))) აი, განცხადება: "იტალიის ჩრდილოეთით მდებარე ლომბარდიის ადმინისტრაციული რეგიონის ხელისუფლება იმ ფეხმძიმე ქალბატონებს, რომლებიც უარს იტყვიან აბორტის გაკეთებაზე 5 ათას ევროს გადაუხდის. იდეის ავტორი ლომბარდიის გუბერნატორი რობერტო ფორმიგონია. მას მიაჩნია, რომ ეკონომიკურმა სიდუხჭირემ ქალს აბორტის გაკეთება არ უნდა აიძულოს. დახმარების მისაღებად ლომბარდიის მკვიდრ ქალბატონებს იმის დასაბუთება მოუწევთ, რომ ისინი ნამდვილად რთულ ეკონომიკურ მდგომარეობაში იმყოფებიან. თუმცა ისინი მთელი თანხის ერთბაშად მიღებას ვერ შეძლებენ: ფულს მათ ნაწილ-ნაწილ (თვეში 250 ევრო) გადაურიცხავენ. ამ მიზნით ლომბარდიაში უკვე დაარსდა ფონდი, რომლისთვისაც რეგიონის ბიუჯეტიდან 5 მლნ ევრო გამოიყო. " მემგონი სწორი კურსია ხომ? პრობლემას რეალისტურად უნდა მივუდგეთ და არა მხოლოდ პირადი აზრით და ემოციებით |
მსუბუქი ვერსია | ახლა არის: 26th September 2024 - 06:36 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი