სპორტის სახეობები, ყველა საჭირო რჩევით პარამეტრები

[კანუდოსელი]

ამ თემის გახსნის იდეა გამიჩნდა მოზარდების ძალადობის თემასთან კავშირში. მოკლედ, მე ვთვლი, რომ ძალადობას უნდა ვებრძოლოთ ორი ძირითადი მიმართულებით - სკოლაში სასწავლო დისციპლინების დონის აწევით და შეჯიბრების-კონკურენციის გაზრდით და აგრეთვე სპორტისადმი ინტერესის გაღვივებით

მე ვხსნი ძალოსნობის მიმართულებით თემას.

მოკლედ თუ ვინმეს უნდა რომ ფიზიკურად იყოს ჯანმრთელი არსებობს რამდენიმე უმთავრესი ვარჯიში, რომელსაც თავისი სისტემა გააჩნია.

ვინაიდან დიდ დრო არ მაქვს, ნაწილობრივ დავდებ თითოეული კუნთის განვითარების ვარჯიშებისთვის სისტემას.

მკერდის კუნთის განვითარებისთვის უმთავრესია ე.ი. წოლჭიმის ვარჯიში (იხ. სურათი)

წვები ჰორიზონტალურ სკამზე, იღებ შტანგას სადგამიდან, ხელებს ჰკიდებ ოდნავ უფრო განივად ვიდრე მხრების ზომაა და მკერდამდე ჩამოტანით და აზიდვით იმეორებ 15-ჯერ

პირველი მისვლა არის კუნთებისთვის გასახურებელი, ამიტომ წონა უნდა შეარჩიო ისე, რომ 15 აზიდვა შეძლო თავისუფლად

მეორე მისვლაზე ირჩევ წონას ისე, რომ განახორციელო უკვე 8 აზიდვა და მერვე იყოს რთულად მიღწევადი. შეიძლება რომ დაიხმაროთ მეწყვილე, რომ ბოლო აზიდვაში ოდნავ დაგეხმაროთ

იგივეს იმეორებთ მეორედ, ოღონდ უკვე 6 აზიდვით. აქაც მეექვსე უნდა იყოს რთულად მიღწევადი - შესაბამისად წონას ზრდით

იგივეს იმეორებთ მესამედ...

დამწყებთათვის სამი მისვლა საკმარისია (გახურება ძირითად მისვლაში არ ითვლება), თუმცა შეიძლება აგრეთვე მეოთხედ მისვლა და უკვე ან ისევ 6 აზიდვას განახორციელებთ, ან წონას მოუმატებთ და 4 აზიდვას შეასრულებთ - ისე, რომ მეოთხე იყოს რთულად ასაწევი

ანუ სისტემა ასეთია: 15, 8, 6, 6 (6, ან 4)
შეიძლება ასეც: 15, 8, 8, 6, (6 ან 4)
ან ასე: 15, 10, 8, 6, (6 ან 4)

ზოგადად იდეოლოგია ასეთია: პირველი სამი მისვლა არის იმ წონებზე გავარჯიშება, რისი აწევაც ასე თუ ისე შეგიძლია და ერთგვარად კუნთების იმ წონებზე შეჩვევაა (რაც გამოიხატება კუნთის მოცულობის ზრდაში)...ბოლო მეოთხე მისვლა არის ისეთი წონის არჩევა, რაც გარკვეულ წილად ახალია, ანუ ყველაზე დიდია და კუნთის ამტანობაზე მუშაობას გულისხმობს



გაგრძელება იქნება

[Giorgi-]

კანუდოსელი

ყოჩაღ გიოჯან...მაგრად მიგყავს თემა

რას ამბობ კანუდოს, ამათ ისევ ცოდვა გონიათ ვარჯიში ვერავინ ავიკოლიეთ ხომ ხედავ?

მართლმადიდებლებს უყვართ წმინდა ადგილების მოლოცვა და ქართული რესტორნები ამავე თანმიმდევრობით

დღეს ბოლი ავადინე ასფალტს იმდენი ვირბინე

ჰო, სირბილი შეუდარებელია, მაგრამ რაღაც პულსის ამბები არ მახსოვს კარგად. რამდენზე უნდა "ავუშვა"? როცა ფორმაში ჩადგები პულსი დასვენებულზე, არასპორტულ მდგომაერეობაში რაღაც ნორმაზე ქვემოთ უნდა ჩამოვიდეს, როგორც ვიცი რაც უფრო ნელია მით უკეთესია. ჰოდა რაღაცნაირად არეგულირებენ ვარჯიშებით

დაბალი და ძლიერი პულსი სიმშვიდეს და ნეტარებას ნიშნავსო მსმენია ხომ ვერ დაწერ ამ საკითხზე რამეს?



თქვენ კიდევ, ხალხნო, დაარღვიეთ ერთხელ ურბენლობის აღთქმა, და სახმართმოყვარეობაში ჩავარდით - შეიძინეთ 5 ლარიანი კეტები. ერთად გავაკაჟოთ სხეული თუნდაც კვირაში ერთი დღე და ხორცზე ზრუნვის ცოდვა გვექნება ჩასაბარებელი. არ მოგბეზრდათ სულ მუსიკალურ საკრავთა სმენას რომ ინანიებთ ერთხელ არ გაინტერესებთ ვარჯიში როგორია?


ასევე ფეხით გასვლები მოვაწყოთ, ბეთანია, კოჯრის ციხე, უძოს მთა... ზაფხულია და გამოვიყენოთ... ფეხით დიდ მანძილზე სიარული ყველაზე სასარგებლოა ჩვენნაირი ჰამბურგერისტი, კომპიუტერთან მიჯაჭვული ხალხისთვის

[ikanosi]

ნუ ახლა მე აქტიურად დავკავდი მუცლის პრესის ვარჯიშებით: ახლა კი შემოგთავაზებთ ზოგადად მათ წესებს თუ როგორ უნდა შესრულდეს ვარჯიშები:

მუცლის პრესის სწორი ვარჯიში

იმისათვის რომ სწორად ვივარჯიშოთ, საჭიროა ვიცოდეთ რომელი ვარჯიში, რომელ კუნთს ავარჯიშებს. პრესის ვარჯიშის დროს დატვირთვა მოდის მუცლის არეში მდებარე სამი სახის კუნთზე, მათ ზოგადად მუცლის კუნთები დავარქვათ. ესე სამი ნაწილია – მუცლის სწორი კუნთი, გვერდითი კუნთები და ნეკნთაშუა შიგნითა კუნთები.

წელში მოხრას ჩვენ მუცლის სწორი კუნთის საშუალებით ვახერხებთ, როდესაც ეს კუნთები კარგად არის განვითარებული მათი დატვირთვისას, ეს კუნთები ”კუბიკის” სახეს იღებენ.

მეორე სახის კუნთი, რომელზეც დატვირთვა მოდის ეს არის გვერდითი კუნთები, რომლებიც განლაგებულია მუცლის სწორი კუნთის გვერდით, სტრუქტურით ეს კუნთები ორი შრისგან შედგება, ესენია გარე და შიგნითა. ეს კუნთები უზრუნველყოფს ტანის გვერდით გადახრას, ამ დროს კი ერთ მხარეს კუნთი იკუმშება, ხოლო მეორე მხარეს იშლება.

გვერდითი კუნთების ზემოთ არის ნეკნთაშუა შიგნითა კუნთები, იგი მკერდის კუნთებამდეა ასული და ეს მუცლის კუნთების შემადგენელი მესამე ნაწილია. ეს კუნთები საშუალებას გვაძლევს მოვატრიალოთ ტანი სასურველი მიმართულებით.

აუცილებელია ვიცოდეთ:
1) ყველაზე ხშირი შეცდომა, რომელიც მუცლის პრესის ვარჯიშის დროს ხდება არის ინერციის გამოყენება. სავარჯიშოს ბოლო ფაზაში მოვარჯიშე ხშირად იხმარიებს გაქანებისას წარმოქმნილ ინერციას, იმის მაგივრად რომ დატვირთვა მოვიდეს კუნთზე. ამ შეცდომის აღმოსაფხვრელად საჭიროა ვარჯიში შევასრულოთ ნელი ტემპით, რომ ვიგრძნოთ კუნთის დაჭიმვა.

2) სწორად ვარჯიშისთვის საჭიროა მივხვდეთ, თუ როგორ უნდა მოქმედებდეს კუნთი ვარჯიშის სხვადასხვა ფაზაზე, ასევე ტანის განლაგებაც უნდა ვაკონტროლოთ. დროთა განმავლობაში თავად შეძლებთ, რომ უბრალოდ შეიგრძნოთ ეს ყველაფერი და მიხვდეთ, რომ ყვეაფერს სწორედ აკეთებთ, მაგრამ ამისთვის საჭიროა დაწყებისას ვარჯიში გავწმინდოთ ხარვეზებისგან.

3) პრესის კუნთის მაქსიმალური გავარჯიშებისთვის აუცილებელია სუნთქვის რიტმი გამოიყურებოდეს ასე: დაწყებისას ჩავისუნთქოთ, აწევის დასრულებისას კი სრულიად ამოვისუნთქოთ ჰაერი.

4) იმისათვის, რომ ვარჯიშისას არ დაგვეღალოს კისერი, ხელების თავს უკან წაღებისას, სასურველია კეფა ხელებზე კი არ დავაყრდნოთ, არამედ ხელის თითებზე.

5) პრესს აქვს რთული კუნთოვანი განლაგება, ამიტომ თითოეული კუნთის ვარჯიშისათვის საჭიროა შევასრულოთ სხვადასხვა ვარჯიშები და მოვახდინოთ მათზე დატვირთვის გადანაწილება. ამასთანვე ერთი და იგივე ვარჯიშის დიდი ხნის განმავლობაში შესრულებისას, ორგანიზმი ეჩვევა მას და კუნთი ნელა იზრდება, ამიტომ სასურველი შედეგის მისაღწევად, ზემოთ ხსენებულ ყველაფერთან ერთად, საჭიროა შევცვალოთ ვარჯიშებიც და მოვახდინოთ მათი ჩანაცვლება ახალი ვარჯიშებითაც.

პ.ს შემდეგში ვარჯიშებსაც დავდებ