ომში კაცის კვლა ცოდვაა? პარამეტრები

[lutecia]

გთხოვთ, დაწეროთ ყველამ თქვენი აზრი ამ თემის შესახებ ძალიან მაინტერესებს და ჭეშმარიტება ახსნას ვერ მივაგენი.
ბიბლიაში ვერსად ვერ ვნახე რომ ომში კაცის კვლა ცოდვა არ არის.ჩემი აზრით ცოდვაა და არ აქვს მნიშვნელობა რატომ მოკლავ ადამიანს.უფლის მიერ მინიჭებული სიცოცხლის წართმევის უფლება არ გვაქვს..მითუმეტეს თუ ჩვენთვის არაფერი დაუშავებია და მაინც ვკლავთ.იეღოველებსაც ასე წამთ.
გთხოვთ, მჭირდება ბიბლიური არგუმენტაცია ამ ცოდვის გასამართლებლად.

[+ვახტანგი+]

"რასაც ვაკეთებთ, უპირველესად საკუთარ თავს ვუკეთებთ. ამიტომ აუცილებელია ისე წარვმმართოთ ცხოვრება, ქცევა, რომ გული მოლბეს. ქრისტეანებს ზოგჯერ გვიხდება დაცვა სამშობლოსა და სიწმიდეების. ეს არ არის პიროვნული ბრძოლა, არამედ თავდადება მათ გადასარჩენად, ვინც არის ზურგს უკან, ოჯახში, ქვეყანაში. სხვაა პიროვნული მტრობა. ამას არ აქვს გამართლება და მკაცრად ისჯება სჯულით.
მთიულური ჩვეულებები არასდროს იყო მისაბაძი და გასამართლებელი, რადგან არა ჭეშმარიტი რწმენის, არამედ კერთპთაყვანისცემიდან მომდინარეობდა. ვერა და ვერ მოხერხდა მთაში ქრისტეანობის დანერგვა და სისხლის აღება დღესაც გრძელდება, უფრო სვანეთში. არ დაგაბნიოს მათმა სიტყვამ, ვისაც ერის გამოჩენილი ადამიანები ეწოდება. ყველაფერი შეადარე ღმრთის სიტყვას. ერში მამაკაცის მრუშობაც ღირსებად ითვლება, მაგრამ ქრისტეანები ამას სასიკვდინე ცოდვას ვუწოდებთ.
თავის ჩაღუნვა მაშინ არ არის სიმდაბლე, როცა სიმხდალის გამოვლინებაა. ჩვენ კი უნდა ვეცადოთ ვისწავლოთ სიმდაბლე. რათქმაუნდა, ყველას არ აქვს ერთნაირი რწმენა და, შესაბამისად ერთნაირი ძალა, მაგრამ რამდენადაც შეგვიძლია, უნდა ვეცადოთ. ერთი სიტყვით, არ ვიყენებთ ძალას იქ, სადაც სხვას არაფერი ერგება, ან სადაც ზიანი მეტია, ვიდრე სარგებელი. ჩვენი მთავარი ღირსება არის ღმრთის ხატება, რომელიც იბილწება ცოდვით. ამაზე უნდა ვიფიქროთ უპირველესად." (დეკ.ანდრია კემულარია)