ჭეშმარიტება პარამეტრები

[Molen]

საუკუნეთა განმავლობაში მრავალი უბრალო ადამიანი, მეცნიერი თუ ფილოსოფოსი სვამდა კითხვას თუ რა არის ჭეშმარიტება, მაგრამ მისთვის პასუხი არავის არასდროს გაუცია.

თუმცა:

იოანეს სახარება, თავი 18.

37. ...იმიტომ დავიბადე და იმიტომ მოველ ამ ქვეყნად, რომ ჭეშმარიტება ვიმოწმო. ყველა, ვინც ჭეშმარიტებისაგან არის, ყურს უგდებს ჩემს ხმას.
38. უთხრა მას პილატემ: რაარის ჭეშმარიტება?



თქვენი აზრით რას გულისხმობდა იესო ჭეშმარიტებაში?

ჩემი მოკრძალებული აზრით ჭეშმარიტება სწორედ ის მოძღვრება და გზაა, რომელიც იესომ დაგვიტოვა და სახარება გვამცნობს. აღნიშნული ჭეშმარიტებით ცხოვრება კი აუცილებლად მიგვიყვანს აბსოლუტურ გამარჯვებამდე - სულით ხორცამდე ხსნასა და ღმერთთან მიახლოებამდე, რაც არავის არ მოეჩვენოს (ძალიან ბევრის აზრით ღმერთთან მიახლოება არაფერია, არადა "მიახლოება" ვგონებ სანტიმეტრული გაგებით არის აღქმული ), რომ ცოტაა.

[elusia]

ერესი_რელიგიური მოძღვრება, რომელიც ეწინააღმდეგება გაბატონებული რელიგიის საეკლესიო დოგმატებს; მწვალებლობა. გაბატონებული ან საყოველთაოდ მიღებული შეხედულებისაგან, წესისაგან გადახვევა, განდგომა; ცდომილება.
დოგმატი_ღვთისმეტყველებაში: ძირითადი დებულება, რომელსაც უკრიტიკოდ, ბრმად, იღებენ. 2. იგივეა, რაც დოგმა.
თეოლოგია_მოძღვრება ღვთისა და რელიგიური დოგმატების შესახებ; ღვთისმეტყველება.
ეხლა მე გეკითხებით არის თუ არა ამ სამივეში ცდომილება.?
ერთი კანონებს ეწინააღმდეგება, მეორე ბრმად იღებს, მესამე კი სხვასაც ატყუებს...
თU მე ვცდები?
ოი ღმერთო მხოლოდ შენ ხარ ჭეშმარიტი.. :)

[dzvelmartlmadidebeli]

ერესი_რელიგიური მოძღვრება, რომელიც ეწინააღმდეგება გაბატონებული რელიგიის საეკლესიო დოგმატებს; მწვალებლობა. გაბატონებული ან საყოველთაოდ მიღებული შეხედულებისაგან, წესისაგან გადახვევა, განდგომა; ცდომილება.
დოგმატი_ღვთისმეტყველებაში: ძირითადი დებულება, რომელსაც უკრიტიკოდ, ბრმად, იღებენ. 2. იგივეა, რაც დოგმა.
თეოლოგია_მოძღვრება ღვთისა და რელიგიური დოგმატების შესახებ; ღვთისმეტყველება.
ეხლა მე გეკითხებით არის თუ არა ამ სამივეში ცდომილება.?
ერთი კანონებს ეწინააღმდეგება, მეორე ბრმად იღებს, მესამე კი სხვასაც ატყუებს...
თU მე ვცდები?
ოი ღმერთო მხოლოდ შენ ხარ ჭეშმარიტი..

თქვენს მიერ არასწორად არის განმარტებული არა მარტო დოგმატის არსი, რომელზეც, ვფიქრობ, დამაკმაყოფილებელი პასუხები უკვე გაგცეს, არამედ ერესის, ანუ მწვალებლობისაც.

ერესი არის ჭეშმარიტების საწინააღმდეგო, მისი დამარღვეველი და შემრყვნელი მოძღვრება და არა ისეთი შეხედულება, რომელიც "გაბატონებული ეკლესიის საეკლესიო დოგმებს ეწინააღმდეგება".

გაუგებარია, რა შუაშია საერთოდ "გაბატონებული ეკლესია"?

წარმოვიდგინოთ, რომ სადღაც გაბატონებულია თვით მწვალებლობა, იგივე ერესი, მაშინ როგორღა იქნება? თანაც ყველა ქვეყანაში სხვადასხვა აღმსარებლობა და რელიგიაა გაბატონებული და თქვენი კრიტერიუმის მიხედვით "მწვალებლობის" აღმოჩენა პრაქტიკულად შეუძლებელი იქნება.

ამათუიმ სწავლების მწვალებლობად გამოცხადებისთვის სულაც არ არის საჭირო გავარკვიოთ რომელი რელიგია ან სწავლებაა გაბატონებული ამათუიმ ადგილზე. საჭიროა გავარკვიოთ რომელია თვით ჭეშმარიტი სარწმუნოება, რომლის შემდეგ, სხვა დანარჩენი ავტომატურად ცრუდ უნდა გამოცხადდეს, რადგან არ შეიძლება იყოს ორი ერთმანეთის გამომრიცხავი ჭეშმარიტი სარწმუნოება.

და ჭეშმარიტება რაღაა? ჭეშმარიტება არის ჩვენგან დამოუკიდებლად არსებული ობიექტური რეალობა. მაგალითად, დედამიწა მრგვალია, ორჯერ ორი ოთხია და ა. შ. ეს არის მატერიალურ სამყაროში გამოხატული ისეთი ჭეშმარიტებები, რომელთა წვდომა ადამიანის გონებასაც ძალუძს და ცდისეულადაც წვდომადია.

კარგად ამბობს წმ. იოანე დამასკელი თავის "მართლმადიდებლური სარწმუნოების ზუსტ გადმოცემაში", რომ არსებობენ საგნები (ჩემი სიტყვებით გადმოვცემ), რომელთა წვდომა შესაძლებელია და გამოთქმადია, მაგრამ ბევრი რამ მიუწვდომელია და გამოუთქმელი.

ის რაც მიუწვდომელი და გამოუთქმელია არის რწმენის საგანი, რაც ღმრთისგან გვეცხადება.

ღმერთი არავის უხილავს, მაგრამ გვწამს მისი არსებობა და გვწამს, რომ ის არის მამა, ძე და სულიწმიდა. და ეს თავად ღმერთმა გამოგვიცხადა წმიდა გადმოცემისა და წმიდა წერილის მეშვეობით.

ამრიგად, ჭეშმარიტება არის ის, რაც ობიექტურად არსებობს და ჩვენს აღიარებაზე დამოკიდებული არაა.

მნიშვნელოვანია, ამ ობიექტურად არსებულ რეალობას ვინ როგორ აღიქვამს.

სარწმუნოებრივი ჭეშმარიტებები აუცილებლად ღმრთივგამოცხადებული უნდა იყოს (ამიტომაც არის ყველა რელიგიის ნიშანი ზეგარდმო გამოცხადება. მაგ. იუდაიზმი, ქრისტეანობა, ისლამი რელიგიებია, რადგან მათი ბუნება გამოცხადებითია, ხოლო ბუდიზმი, უფრო ფილოსოფიური შეხედულებათა სისტემაა, ვიდრე გამოცხადება და ამიტომაც მას რელიგიის სტატუსი არ შეიძლება ჰქონდეს).

სხვა საკითხია, ამ ღვთითგამოცხადებულ ჭეშმარიტებებს ვინ როგორ აღიქვამს. აქედან უნდა გავარკვიოთ ჭეშმარიტი რელიგიის ვინაობა და მწვალებლობებისაც.