ოთარ ჭილაძე აღარ გვყავს, დღეს დილით გარდაიცვალა პარამეტრები

[ochokochi]

http://www.interpressnews.ge/ge/index.php/...l&hd_line=1



გარეთ ისევ წვიმს და ჯერ ადრეა.
გარეთ ისევ წვიმს და სულ იწვიმებს.
მე ვგრძნობ რომ მცივა და მენატრები,
მაგრამ ვერ გხედავ, როგორც სიცივეს.

გარეთ კი წვიმით სველი აბრები
აშიშინებენ შერჩენილ სიცხეს.
მეც აღარ მინდა, რომ სხვებს დაბრალდეს
ჩემი სიჩუმე და ხმაურს ვიწყებ.

გათავდა! აღარ ჩამოგეხსნები,
არ მახსოვს, ვის რა ვუთხარი გუშინ
და ვაფათურებ სიცხიან ლექსებს
შენს თმებზე, მხრებზე, მუხლებზე ...... სულში.

ნარბენი კაცის გულივით ფეთქავს
საათიც, ქუჩაც, ფოთოლიც , წვეთიც....
შენ ხარ- აქამდე რაც უნდა მეთქვა,
შენ ხარ ოთახში ჰაერზე მეტი.

[სოფი]

არტკაფე “ქარავანში” ოთარ ჭილაძის ჩანაწერების პრეზენტაცია გაიმართა.
ახალი წიგნი - ”ცა მიწიდან იწყება” მწერლის გარდაცვალებიდან ერთი წლისთავზე გამოიცა. მასში შესულია ყველა ის ჩანაწერი, რაც აქამდე არ გამოცემულა და მხოლოდ მწერლის პირად დღიურებში ინახებოდა.


ჩანაწერები შედგენილია ოთარ ჭილაძის ძმის, მწერალ თამაზ ჭილაძის მიერ, ხოლო წიგნში გამოყენებულია თავად ოთარ ჭილაძის ნახატები, რომელიც მის განწყობას და სულიერ მდგომარეობას ასახვას.
როგორც “ინტერპრესნიუსს” თამაზ ჭილაძემ განუცხადა, ოთარ ჭილაძეს აუარებელი საარქივო მასალა დარჩა, რომელიც მთლიანადაა გადასამუშავებელი და ეს ჩანაწერების კრებული არის ძალიან მწირი ნაწილი, იმ უბის წიგნაკებიდან, რომლიდანაც ამ წიგნისთვის მასალა ამოიკრიფა.
“მე ვთვლი, რომ ეს წიგნი თამამად დაიდება ოთარ ჭილაძის რომანების გვერდით. ამ წიგნს აქვს იგივე წონა და იგივე ფუქნცია, მე ასე მიმაჩნია ყოველშემთხვევაში. ეს არის ძალიან მცირე ნაწილი იმ ჩანაწერებისა, რაც ოთარს დარჩა. ძალიან ბევრი ნაწილი არის გადასამუშავებელი, ვინაიდან ეს ყველფაერი არის კალიგრაფიით, მისივე ხელით ჩაწერილი, ამიტომ არის დასაზუსტებელი ტექსტები. ალბათ მომავალში კიდევ გამოიცემა ოთარ ჭილაძის ჩანაწერები. ახლა გამოვეცით მხოლოდ ის, რაც ჩავთვალეთ რომ ამ დროის შესაფერისი იქნებოდა”, – აღნიშნა თამაზ ჭილაძემ.