ტერენტი გრანელი, ლექსები.მოგონებები,ისტორიები პარამეტრები

[Terenti_Graneli]

ტერენტი სამსონის ძე გრანელი (ნამდვილი გვარი კვირკველია), (დ. 25 ნოემბერი, 1897, ახლანდელი ქ. წალენჯიხა ― გ. 10 ოქტომბერი, 1934, თბილისი), ქართველი პოეტი.
უფრო დაწვრილებით იხილეთ აქ > http://ka.wikipedia.org/wiki/%E1%83%A2%E1%...%83%9A%E1%83%98

გაზაფხულის საღამოა მშვიდი,
ხიდან ხეზე გადაფრინდა ჩიტი.
სული საზღვარს გადასცდება ფრენით,
ახლაც მახსოვს მისამართი შენი.
ცამდე სწვდება ღამეების სიგრძე,
რაღაც დიდი სიხარული ვიგრძენ.
წინ მეშლება სხვა ოცნების არე,
მიწის ცქერით დაიღალა მთვარე.
გაზაფხულის საღამოა მშვიდი,
ხიდან ხეზე გადაფრინდა ჩიტი.


http://publish.dlf.ge/vaxtangvi/terentigraneli/ ძალიან საინტერესო საიტია

[მახოროგა]

ახლანდელი ქ. წალენჯიხა

მაშინაც წალენჯიხა იყო...

წალენჯიხა

მოდის საღამო, ეს დღე ილევა
და ირგვლივ სოფლის თეთრი სივრცეა.
აღარ ეტყობა სოფელს ცვლილება
და წალენჯიხა ისევ ისეა.
მწვანეა ველი ახლო მდებარე
და გზაზე შეშა მიაქვთ ვიღაცებს.
ქრიან ბავშვობის მოგონებანი
და მიმაქვს ფიქრი წალენჯიხაზე.
ახლოს მტერია დაუნდობელი
და მოდის წვიმა, სუფევს ავდარი.
ჩანს წალენჯიხა - ჩემი სოფელი,
ჩანს წალენჯიხის ძველი საყდარი.
და ქარიშხალი სოფელს არ აცდა,
ამნაირ იღბალს არც მე ავცდები.
კვლავ ჭადრებია ეკლესიასთან
და იქვე ახლო დგანან ცაცხვები.
მოდის საღამო, ეს დღე ილევა
და ირგვლივ სოფლის თეთრი სივრცეა.
აღარ ეტყობა სოფელს ცვლილება
და წალენჯიხა ისევ ისეა

დიდ პატივს ვცემ გრანელის პოეზიას და მეამაყება რომ ის წალენჯიხელი იყო...

ასევე მეამაყება ისიც, რომ მამაჩემის ბაბუას, კიდევ 2 სხვა წალენჯიხელთან ერთად მიუძღვის წვლილი ტერენტის თბისისშ სასწავლებლად გაშვების გადაწყვეტილების მიღებასა და შემდგომ დაფინანსებაში...

ხო, სხვათა შორის წალენჯიხა ახლაც "ისევ ისეა"