![]() |
სტუმარს სალამი ( შესვლა | დარეგისტრირება )
![]() |
მნათე |
![]()
პოსტი
#1
|
![]() Advanced Member ![]() ![]() ![]() ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4 ![]() |
მოკლედ გვერდზე თემაში, წამოიჭრა საკითხი - რამდენად შეიძლება ცხოველთათვის არსობრივად ლოცვა?
აქ ორი მომენტია: I. როდესაც შენ ლოცულობ, მაგ; ვენახისთვის, ან მანქანისთვის, ან საქონლისთვის, რათა მათი დაუზიანებლობით ადამიანს მიენიჭოს ნაყოფიერება, ისევე როგორც მაცხოვარმა თევზთა და პურთა სიუხვე აკურთხა-რათა ხალხი 'განეძღო'. და II. როცა შენ, მისი კურნების მიზნით ლოცულობ, ზეთს ცხებ, ნაკურთხ წყალს ასხურებ და ა.შ - საინტერესოა, ამ კუთხით ცხოველებზე მადლმოქმედება ![]() პატერიკი ამ შემთხვევაში საინტერესო არ არის, რადგან ჩვენ მამათა პრიმატები არ გვაქვს, მნიშვნელოვანია საღვთისმეტყველო ასპექტი. -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
![]() ![]() |
KAIROS |
![]()
პოსტი
#2
|
![]() იხარეთ! ![]() ![]() ![]() ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 ![]() |
ჰმ, საინტერესოა, ასეთ თემას არ ველოდი...
მაკვირვებთ ხანდახან, მაგრამ თქვენ რას გერჩით, როცა ასეთი კურიოზები, თვითონ ეკლესიაშიც ხდება... ვფიქრობ, ჩემი ბრალიცაა, უფრო სწორედ ჩემი დაკავებულობის, რომ ისე საჭირო თემა, როგორიცაა "საეკლესიო საიდუმლოებანი" არ განვავრცე და ცოტა არ იყოს, უყურადღებოდაა, მივხედავ აუცილებლად... ახლა ამ თემაზე ვფიქროთ... მოდით დალაგებულად მივყვეთ, პირველი კითხვა, რა არის ეკლესიის საიდუმლო? რაა მისი ბუნება და რითი განსხვავდება ის სხვა რელიგიური ქმედებებისაგან? უპირველესად უნდა ითქვას, რომ საიდუმლო უნდა განსხვავდეს ლოცვისაგან, მოდით ვნახოთ რას წერს პომაზანსკი ( ამ პოსტში მხოლოდ ქართულად არსებულ წყაროებს მოვიყვან,ახლა ისინიც საკმარისია): " ძველ ქრისტიანულ ლიტერატურაში ზეთის კურთხევის საიდუმლოზე შეიძლება არაპირდაპირი მოწმობების მოძიება წმ. ირინეოს ლიონელსა და ორიგენესთან. მოგვიანებით უფრო გარკვეული მონაცემები მოჰყავთ წმ. ბასილი დიდსა და წმ. იოანე ოქროპირს, რომლებმაც დაგვიტოვეს სნეულის განკურნების ლოცვები (მოგვიანებით ისინი ზეთის კურთხევის ტიპიკონში შეიტანეს) და, აგრეთვე, წმ. კირილე ალექსანდრიელს. პაპი ინოკენტი I (V ს.) ზეთის კურთხევის საიდუმლოსთან დაკავშირებულ შეკითხვებზე პასუხში მიუთითებდა: ა. იგი უნდა შესრულდეს „მორწმუნე სნეულზე" მოდით ამ "ა" პუნქტზე შევჩერდეთ, რას ნიშნავს ეს? ნიშნავს, იმას რომ საიდუმლოს ბუნება და დანიშნულება არის ციტატა არის მღვდელმოქმედება, რომლის დროსაც მორწმუნის სულს ხილული სახით გადაეცემა უხილავი საღვთო მადლი ასე რომ ობიექტი ყოფილა ადამიანი, და არა მარტო, არამედ ნათლისღებული, და არა მხოლოდ ასევე მორწმუნეც, ისე პომაზანსკი "...საიდუმლო სრულდება ავადმყოფებზე (შეიძლება ბავშვებზეც), რომლებსაც შეუძლიათ შეგნებულად მიიღონ იგი და მონაწილეობდნენ მათთვის ლოცვაში. ეს მღვდელმოქმედება შეიძლება შესრულდეს ტაძარში ან შენობაში, სადაც ავადმყოფი იმყოფება. ზეთისცხების საიდუმლოს ჩვეულებრივ წინ უსწრებს აღსარება და იგი მთავრდება ზიარების საიდუმლოთი. " ახლა მეორე საკითხი მაშ რა არის ის რომ წმიდა გიორგიმ ხარი გაუცოცხლა ქვრივს? ან ვინმემ ილოცა ფრინველზე? ან ცხოველზე? აქ რათქმაუნდა მაშინვე უნდა ითქვას, რომ მხოლოდდამხოლოდ საჭიროების შემთხვევაში (ქვრივისათვის ხარი არსებობის აუცილებელი წყარო იყო) შეიძლება ადამიანი გაკადნიერდეს რომელიმე წმიდანს სთხოვს ცხოველის ( ფრინველის) განკურნება... მაგრამ მაშინვე დიდი ყურადღება სჭირდება რომ ეს ლოცვა და ღვთის ნებაზე მინდობა მკრეხელობაში არ გადავიდეს, და ცხოველ-ფრინველ არ მიაკარონ ის წმ. ზეთი, რომლის უპირველეს დანიშნულებათა შორის ითქმის:" ციტატა ზეთის ცხება იმ ზეთითვე სრულდება, რომლითაც იცხეს მეფეებმა, მღვდლებმა, წინასწარმეტყველებმა. ქრისტემაც, როგორც მეუფემ და მღვდელმა, ხორცშესხმის საცხებლით მიიღო ცხება. იგი აბრკოლებს ეშმაკს, და კიდევ ციტატა წმინდა ზეთიც გადმოცემულია, როგორც სამღვდელო საიდუმლო და საღვთო წყალობის სახე, რაც ებოძებათ ცოდვისგან მოქცეულთ გამოსახსნელად და განსაწმენდად. ამიტომაა, რომ ცოდვათაგან გათავისუფლებასაც გვანიჭებს იგი, უძლურებათაგანაც აღვგმართებს და სიწმინდითაც გვავსებს მაშ რა ესაქმება თუთიყუშთან ( ![]() ![]() მაშ ასე ზეთისცხებას (ზოგადად) რწმენის შემთხვევაში მოაქვსსხვა დანარჩენებთან ერთად კურნება, სხეულისა, ქვემოთ ნახავთ, რომ წმ. სვიმონ თესალონიკელი აზუსტებს კიდევ ვის სხეულზეა და რის განწმედაზეა საუბარი:"წმინდაეყო ჩვენი სხეულები " აქ ასე ითქმის : " უ კ ო მ ე ნ ტ ა რ ო დ " ![]() მაშ ლოცვა და არა მღვდელმსახურება, ვფიქრობ გაუნათლებლობამ შეიძლება ხანდახან კურიოზებმადის მიგვიყვანოს, მახსოვს თუშეთში ერთმა "მორწმუნე ცხვარი" ორზე დააყენა და პირჯვარი გადააწერინა ![]() ნუ მაცინებთ მეგობრებო! ![]() შეიძლება ვინმემ თქვას კარგი არ ვაცხოთ თუთიყუშ "მარჩელოს" ( ![]() ![]() ა. ადამიანი ბ. ნათელღებული გ. მორწმუნე სამწუხაროდ თუთიყუში "მარჩელო" არცერთ ამ მოთხოვნას არ აკმაყოფილებს, ამიტომ ვეტექიმი შესანიშნავი გამოსავალია... აი თქვენ მცირე ამონარიდი "ზეთის ცხების" შესახებ ( აქ ზოგადად ზეთის ცხების შესახებ შეგიძლიათ იფიქროთ, რადგან აქ შიგა ქმედებებზეა საუბარი ცოდვათა მიტევება, განკურნება...) პროტოპრესვიტერი მიქაელ პომაზანსკი დოგმატური ღვთისმეტყველება 8. ეკლესიის საიდუმლონი. ეკლესიის ცხოვრება სულიწმიდაში საიდუმლოებებში ლოცვანი ამა თუ იმ ფორმით გაერთიანებული არიან კურთხევებთან და განსაკუთრებულ ქმედებებთან. კურთხევანის სიტყვები, წარმოთქმული სამღვდელო გარეგნულ ქმედებათა თანხლებით, თითქოს სულიერი ჭურჭლებია, რომლებითაც იღებენ სულიწმიდის მადლს და მას შეუორგულებელ მორწმუნეებს - ეკლესიის წევრებს, ურიგებენ. ამრიგად, საიდუმლო არის მღვდელმოქმედება, რომლის დროსაც მორწმუნის სულს ხილული სახით გადაეცემა უხილავი საღვთო მადლი წმ. გერმანე კონსტანტინეპოლელი საეკლესიო თხრობა და საიდუმლო ჭვრეტა ნათელღებულისათვის ზეთის ცხება იმ ზეთითვე სრულდება, რომლითაც იცხეს მეფეებმა, მღვდლებმა, წინასწარმეტყველებმა. ქრისტემაც, როგორც მეუფემ და მღვდელმა, ხორცშესხმის საცხებლით მიიღო ცხება. იგი აბრკოლებს ეშმაკს, რომელიც ვეღარ დაგვძლევს მომაკვდინებელი ცოდვის ძალით! ადამის ურჩობამ რომ მოაწია ჩვენზე. წმ. სვიმეონ თესალონიკელი წმინდა ზეთის შესახებ: წმინდა ზეთიც გადმოცემულია, როგორც სამღვდელო საიდუმლო და საღვთო წყალობის სახე, რაც ებოძებათ ცოდვისგან მოქცეულთ გამოსახსნელად და განსაწმენდად. ამიტომაა, რომ ცოდვათაგან გათავისუფლებასაც გვანიჭებს იგი, უძლურებათაგანაც აღვგმართებს და სიწმინდითაც გვავსებს. ყოველივე ეს გადმოგვცა იესო ქრისტემ, ჩვენმა ღმერთმა, და მის მიერ მისმა საღვთო მოწაფეებმა, რადგან ვართ რა ორმაგნი, სულისაგან და სხეულისა, ესეც ორმაგადვე გვებოძა ჩვენ, ისევე როგორც ჭეშმარიტად ორმაგი გახდა იგი ჩვენს გამო , იყო რა ჭეშმარიტად ღმერთი და შეირაცხა რა ჭეშმარიტ კაცად, რომ, ერთი მხრივ, სულიწმინდის მადლით გონისეულად განეწმინდა მას ჩვენი სულები, მეორე მხრივ კი გრძნობადთა მიერ, კერძოდ წყლით, ზეთით, პურით, სასმისითა და სხვა დანარჩენთ, რაც განწმენდილია სულიწმინდისგან, - წმინდაეყო ჩვენი სხეულები და მოენიჭებინა მთელსრული ცხონება. -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
![]() ![]() |
მსუბუქი ვერსია | ახლა არის: 25th June 2024 - 03:08 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი