სამღვდელოებას ცოლი ადრე არ ჰყავდა? პარამეტრები

[Believer]

ნიკეის I მსოფლიო საეკლესიო კრების კანონები

დიდი კრება გამონაკლისის გარეშე აწესებს, რომ არც ეპისკოპოსს, არც ხუცესს, არც დიაკონს და საერთოდ არავის სამღვდელოთაგანს არ მიეცეს უფლება თანასახლეულად იყოლიოს დედაკაცი, გარდა დედისა, ან დისა, ან დედისა და მამის დისა, ან ისეთი პირებისა, რომლებიც ყოველი ეჭვისაგან თავისუფალი იქნებიან.

(მოც. 5,26; ტრულ. 5,12,13; VI მსოფ. 18,22; ანკვირ. 19; კართ. 3,4,25,38,70; ბასილი დიდი 88)



აქ ცოლი არ არის ნახსენები, მხოლოდ- დედა, დეიდა, და, მამიდა არიან ნახსენები...


ამ პერიოდში როცა ეს კანონი შეიქმნა სამღვდელოება უცოლოები იყვნენ?

[კანონისტი]

Believer
მაშინ ეს?

ან ისეთი პირებისა, რომლებიც ყოველი ეჭვისაგან თავისუფალი იქნებიან.

კრება საუბრობს იმაზე, რომ არ შეიძლება უცხო ქალი ცხოვრობდეს სასულიერო პირთან, რამაც შეიძლება ეჭვები აღძრას მის წინააღმდეგ. შენს მიერ მოყვანილი კანონის ქვემოთ მითითებულია ის კანონები, რომლებიც ამ საკითხებს აწესრიგებენ, მათ შორის ნიკეის კრებამდელი (მოციქულთა 5; 26; ანკვირიის 19) და კრების შემდგომი (სხვა დანარჩენი) კანონები.

ორივე შემთხვევაში დგინდება, რომ სასულიერო პირებს ცოლები ჰყავდათ:

მოციქულთა მე-5 კანონი
ეპისკოპოსი, მღვდელი, დიაკონი ნუ განიშორებს თავის მეუღლეს ღმრთისმოსავობის მომიზეზებით.

მოციქულთა 26-ე კანონი
იმ უქორწინებლებს, რომლებიც მღვდლობას აპირებენ, ვუბრძანებთ, რომ თუ სურთ ქორწინება, იქორწინონ.

ამ პერიოდში როცა ეს კანონი შეიქმნა სამღვდელოება უცოლოები იყვნენ?

პასუხი: არა, არ ყოფილან.