საქართველოს პარლამენტის მიერ მიღებული გადაწყვეტილება პარამეტრები

[afxazi]

მინდა ცალკე თემა მივუძღვნა ამ მოვლენას, რათა უფრო ცხადი გახდეს მიღებული გადაწყვეტილების ავ-კარგიანობა.

როგორც ცნობილია საქართველოს პარლამენტმა 5 ივლისს მხარი დაუჭირა სამოქალაქო კოდექსის 1509 მუხლში შესატან ცვლილებებს.

ვნახოთ როგორ გამოიყურებოდა აქამდე აღნიშნული მუხლი:

მუხლი 1509. კერძო და საჯარო სამართლის იურიდიული პირები (06.04.2005 N 1233)

1. სამოქალაქო კოდექსით გათვალისწინებულ საჯარო სამართლის იურიდიულ პირებად ითვლებიან:

ა) სახელმწიფო;

ბ) თვითმმართველი ერთეული; (14.12.2006 N3867)

გ) სახელმწიფოს მიერ კანონმდებლობის ან ადმინისტრაციული აქტის
საფუძველზე შექმნილი იურიდიული პირები, რომლებიც არ არიან ჩამოყალიბებული
სამოქალაქო კოდექსის ან მეწარმეთა შესახებ კანონით განსაზღვრული
ორგანიზაციულ-სამართლებრივი ფორმით;

დ) სახელმწიფო დაწესებულებები და სახელმწიფო ფონდები, რომლებიც არ
არის შექმნილი სამოქალაქო კოდექსის ან მეწარმეთა შესახებ კანონის შესაბამისად;

ე) საჯარო მიზნების მისაღწევად კანონმდებლობის საფუძველზე შექმნილი
არასახელმწიფოებრივი ორგანიზაციები (პოლიტიკური პარტიები და სხვა);

ვ) კონსტიტუციური შეთანხმებით აღიარებული საჯარო სამართლის
იურიდიული პირი.

2. კერძო სამართლის იურიდიულ პირებს განეკუთვნება... (ამ შემთხვევაში ჩვენ ეს არ გვაინტერესებს)

ამ მუხლში შევიდა შემდეგი ცვლილებები და იგი ამგვარად ჩამოყალიბდა:


მუხლი 1509. კერძო და საჯარო სამართლის იურიდიული პირები (06.04.2005 N 1233)

1. სამოქალაქო კოდექსით გათვალისწინებულ საჯარო სამართლის იურიდიულ პირებად ითვლებიან:

ა) სახელმწიფო;

ბ) თვითმმართველი ერთეული; (14.12.2006 N3867)

გ) სახელმწიფოს მიერ კანონმდებლობის ან ადმინისტრაციული აქტის
საფუძველზე შექმნილი იურიდიული პირები, რომლებიც არ არიან ჩამოყალიბებული
სამოქალაქო კოდექსის ან მეწარმეთა შესახებ კანონით განსაზღვრული
ორგანიზაციულ-სამართლებრივი ფორმით;

დ) სახელმწიფო დაწესებულებები და სახელმწიფო ფონდები, რომლებიც არ
არის შექმნილი სამოქალაქო კოდექსის ან მეწარმეთა შესახებ კანონის შესაბამისად;

ე) საჯარო მიზნების მისაღწევად კანონმდებლობის საფუძველზე შექმნილი
არასახელმწიფოებრივი ორგანიზაციები (პოლიტიკური პარტიები და სხვა);

ვ) კონსტიტუციური შეთანხმებით აღიარებული საჯარო სამართლის იურიდიული პირი საქართველოს სამოციქულო ავტოკეფალური მართმადიდებელი ეკლესია".

ზ) ამ კოდექსის 15091 მუხლით გათვალისწინებული რელიგიური გაერთიანებები.

"მუხლი 15091. რელიგიური გაერთიანებების რეგისტრაციის წესი:

1. რელიგიური გაერთიანებები შეიძლება, დარეგისტრირდნენ საჯარო სამართლის იურიდიულ პირებად.

2. ამ მუხლის პირველი პუნქტი არ ზღუდავს რელიგიური გაერთიანებების უფლებას, დარეგისტრირდნენ, როგორც ამ კოდექსით გათვალისწინებული არასამეწარმეო (არაკომერციული) იურიდიული პირები, აგრეთვე ეწეოდნენ საქმიანობას, როგორც ამ კოდექსით გათვალისწინებული არარეგისტრირებული კავშირი.

3. რელიგიური გაერთიანებების რეგისტრაციას ახორციელებს საჯარო რეესტრის ეროვნული სააგენტო.

4. საჯარო რეესტრის ეროვნული სააგენტო უფლებამოსილია, საჯარო სამართლის იურიდიულ პირად დაარეგისტრიროს საქართველოსთან ისტორიული კავშირის მქონე რელიგიური მიმდინარეობა, ან ის რელიგიური მიმდინარეობა, რომელიც ევროპის საბჭოს წევრ ქვეყნებში კანონმდებლობით მიჩნეულია რელიგიად.

5. საჯარო სამართლის იურიდიული პირის ფორმით რეგისტრირებული რელიგიური გაერთიანებების მიმართ არ ვრცელდება საჯარო სამართლის იურიდიული პირის შესახებ" საქართველოს კანონი.

6. ამ მუხლის პირველი ნაწილით გათვალისწინებული რელიგიური გაერთიანებების რეგისტრაციის მიმართ მოქმედებს არასამეწარმეო (არაკომერციული) იურიდიული პირების რეგისტრაციისთვის დადგენილი წესი და მათი უფლებამოსილება განისაზღვრება ამ კოდექსის მე-2 თავით.



როგორც ვხედავთ ამ მუხლის "ვ" და "ზ" ქვეპუნქტები მოიხსენიებს საქართველოს მართლმადდიებელ ეკლესიას და "სხვა რელიგიურ გაერთიანებებს" (სომხური, კათოლიკური...)

ის რომ მართლმადიდებელი ეკლესია ცალკეა მოხსენიებული, ეს, ცხადია, არაფერს ცვლის.

სად არის ძაღლის თავი დამარხული:

ახალ მუხლში (15091) ნათქვამია:

5. საჯარო სამართლის იურიდიული პირის ფორმით რეგისტრირებული რელიგიური გაერთიანებების მიმართ არ ვრცელდება საჯარო სამართლის იურიდიული პირის შესახებ" საქართველოს კანონი.

შეგიძლიათ იხილოთ აღნიშნული კანონი:

http://www.mof.ge/show_law.aspx?id=197

ვნახოთ რა წერია ამ კანონში საჯარო სამართლის იურიდილი პირის შესახებ:

მუხლი 2. საჯარო სამართლის იურიდიული პირის ცნება (21.11.2008 N 542)

1. საჯარო სამართლის იურიდიული პირი არის შესაბამისი კანონით, საქართველოს პრეზიდენტის ბრძანებულებით ან კანონის საფუძველზე სახელმწიფო მმართველობის ორგანოს ადმინისტრაციული აქტით შექმნილი, სახელმწიფო მმართველობის ორგანოებისაგან განცალკევებული ორგანიზაცია, რომელიც სახელმწიფოს კონტროლით დამოუკიდებლად ახორციელებს პოლიტიკურ, სახელმწიფოებრივ, სოციალურ, საგანმანათლებლო, კულტურულ და სხვა საჯარო საქმიანობას, აგრეთვე ავტონომიური რესპუბლიკის უმაღლესი აღმასრულებელი ორგანოს ნორმატიული აქტით შექმნილი, სახელმწიფო მმართველობის ორგანოებისაგან განცალკევებული ორგანიზაცია, რომელიც სახელმწიფოს კონტროლით დამოუკიდებლად ახორციელებს სოციალურ, საგანმანათლებლო, კულტურულ და სხვა საჯარო საქმიანობას.

შესაბამისად ის რაც აქაა ნათქვამი არ ვრცელდება იმ რელიგიურ გაერთიანებებზე, რომელთაც მიენიჭათ საჯარო სამართლის იურიდიული პირის სტატუსი.

შესაბამისად ვთქვათ სომხურ ეკლესიას ისევე აქვს განახორციელოს ნებისმიერი სახის ქმედება, როგორც საქართველოს მართლმადიდებელ ეკლესიას, ამაში მას ვერავინ შეზღუდავს.

და მივადექით ყველაზე საინტერესოს.

მართლმადიდებელი ეკლესიის შესახებ ამ მუხლში ნათქვამია:

ვ) კონსტიტუციური შეთანხმებით აღიარებული საჯარო სამართლის იურიდიული პირი საქართველოს სამოციქულო ავტოკეფალური მართმადიდებელი ეკლესია".

ანუ მართლმადიდებელ ეკლესიასთან ურთიერთობას სახელმწიფო ახორციელებს 2002 წელს მიღებული კონსტიტუციური შეთანხმებით. ხოდა მაინტერესებს რით განახორციელებს სახელმწიფო სხვა რელიგიურ გაერთიანებებთან ურთიერთობას. ნიშნავს თუ არა ეს იმას, რომ აღნიშნული რელიგიური გაერთიანებები აბსოლუტურ უკონტროლო სიტუაციაში არიან ჩაყენებული?

იქნებ მე სხვანაირად დავინახე ეს კანონი და ვინმემ ამიხსნას სწორად.

ეს არის სრული საგიჟეთი. მე არ მესმის ვის მოუვიდა თავში ამგვარი რამ.

[თერალ ი]

http://www.facebook.com/event.php?eid=198201493561804


http://www.facebook.com/event.php?eid=129817973768771#
ნახეთ