ოტია იოსელიანი გარდაიცვალა პარამეტრები

[სოფი]

ხანგრძლივი ავადმყოფობის შემდეგ, 81 წლის ასაკში, ცნობილი ქართველი მწერალი ოტია იოსელიანი გარდაიცვალა.
"ბევრი ვაკეთე და ვაშენე, მეყოფა, აწი სხვებმა აშენონ და აკეთონო, რომ იტყვი და ხელებს დაიბან, იცოდე, იმ დღიდან ანგრევ, თუ რამე აგიშენებია" _ ამ სიტყვების ავტორს, მწერალს, დრამატურგს, კინოსცენარისტსა და საზოგადო მოღვაწეს, ოტია იოსელიანს 81 წელი 16 ივნისს შეუსრულდა.

ოტია იოსელიანის თხზულებები პირველად 1954 წელს გამოქვეყნდა. მოთხრობების პირველი კრებული "კარის მეზობლები" მწერალმა 1957 წელს გამოსცა.
იოსელიანი ინტენსიურად მუშაობდა საბავშვო მწერლობის დარგში (კრებულები "ცხრა მთას იქით", 1969; "დაჩის ზრაპრები", 1973; "ცაგამთენია", 1973 და სხვა). ავტორია ათამდე პიესისა, რომელთაგან რამდენიმე ("ადამიანი იბადება ერთხელ", "როცა სიყვარული მოვა", "სანამ ურემი გადაბრუნდება", "ექვსი შინაბერა და ერთი მამაკაცი") დაიდგა საქართველოს და საკავშირო თეატრების სცენაზე. ავტორია კინოსცენარებისა "ჩქარი მატარებელი", "მალე გაზაფხული მოვა", "თეთრი ქალიშვილი" და სხვა. იოსელიანის ცალკეული თხზულებანი თარგმნილია მრავალ უცხო ენაზე. დაჯილდოებულია "საპატიო ნიშნის" ორდენით.


უფალმა აცხონოს!

[damiane80]

ამ ადამიანს მე აღვიქვამდი "ვით საქართველოს სინდისს და ნამუსს".

ყველაზე მეტად დამამახსოვრდა, ერთი რაღაც რაც ბ-ნმა ოტიამ თქვა: მამაო ჩვენოს რომ ვამბობ ღმერთს ვთხოვთ, პური ჩვენი არსობისა მოგვეციო და არა ძღომისა.

მანამდე არ ვიყავი დაკვირვებული ამას და პირველად, ამის შემდეგ აღვიქვი ღრმა შინაარსი საუფლო ლოცვის ამ ადგილისა.