მეფე ნაბუქოდონოსორ მეორე პარამეტრები

[georgios]

დანიელის წიგნის კითხვისას, როდესაც დავაკვირდი იმ თავებს, სადაც მეფე ნაბუქოდონოსორზეა საუბარი, შემექმნა ასეთი შთაბეჭდილება: ეს მეფე სულაც არ არის ისეთ "საშინელ" პიროვნებად გადმოცემული ბიბლიის მიერ, როგორადაც მას ზოგიერთი წარმოაჩენს...

ხომ არ ფიქრობთ, რომ ნაბუქოდონოსორი, გარდა იმისა, რომ იყო ძლიერი მმართველი და დიდი მეფე, იყო ასევე განდობილი საღვთო საიდუმლოებებში, ინიცირებული? თავისი სიქველით გამორჩეული პიროვნება...

[georgios]

აღსანიშნავია კიდევ ერთი:

სანამ სამი ებრაელი გამოიცდებოდა და ჩაყრიდნენ ცეცხლში, ყაზარია ამბობს ასეთ რამეს:

" შენ ყველაფერში ჭეშმარიტი სამართალნი აღასრულე ჩვენზე და ჩვენი მამა-პაპის წმიდა ქალაქზე - იერუსალიმზე, რადგან ჭეშმარიტებისა და სამართლის მიხედვით მოგვივლინე ყოველივე ჩვენი ცოდვების გამო;

რადგან ცოდვა ჩავიდინეთ და უკანონოდ მოვიქეცით შენგან განდგომილნი; ყველაფერში ვცოდავდით და ყურს არ ვუგდებდით შენს მცნებებს;

არ ვიცავდით მათ და არ ვასრულებდით ისე, როგორც შენ გვიბრძანე, რათა სიკეთე მოგვნიჭებოდა.

ყველაფერი, რაც კი ჩვენ შეგვამთხვიე და ყველაფერი, რაც გვიყავი, ჭეშმარიტი სამართლის მიხედვით მოგვიზღე;

ჩაგვყარე ურჯულო მტრების, უბილწეს განდგომილთა, უსამართლო და მთელს ქვეყანაზე უბოროტესი მეფის ხელში."


შეიძლება ვიფიქროთ, რომ როგორ მოხდა, იერუსალიმის ტაძარი რომ განადგურდა, ის ხომ ღვთის სახლი არის. მაგრამ ყაზარიას სიტყვებიდან და წინასწარმეტყველების წიგნებიდანაც ჩანს, რომ ებრაელი ხალხი მხოლოდ მაშინ ითვლება დამსახურებულად ატაროს რჩეული ერის სახელი, სანამ ის სავსეა საღვთო სწავლებით. ხოლო როდესაც ივიწყებენ, ბოროტ ძალებს ერთვებიან და ამის შედეგი და დაბოლოვება აღმოჩნდა ნაბუქოდონოსორი. ის არის ერთგვარი იარაღი ებრაელი ხალხის ისტორიის წარმართვაში და მისით აღსრულდება რაც მოიწიეს თავის თავზე ებრაელებმა.

ასევე ზოგი მკვლევარი ფიქრობს, რომ თუკი მეფეს მაინც რამე დაავადება ჰქონდა, ეს შეიძლებოდა ყოფილიყო ლიკანტროფია, პორფირია ან სიფილისის გართულებული მდგომარეობა.