დაცემული ანგელოზები, ამ თემაში ვისაუბრებთ ანგელოზებზე რომლებიც ადამიანებს შორის არიან პარამეტრები

[gigia]

გამარჯობათ.რამდენიმე წიგნის წაკითხვის შემდეგ დავეჭვდი იმაში რომ ჩვენ შორის ცხოვრობენ ანგელოზები,მართალია ისინი არ არიან მდიდრები და მუშაობენ უბრალო სამსახურებში (ტაქსისტი,ნაყინის გამყიდველი) მაგრამ ზოგმა ადამიანმა მაინც შეიტყო მათ შესახებ.თუ შეიძლება დაწერეთ თქვენი მოსაზრებები რა დავალება უნდა ჰქონდეთ ამ ანგელოზებს დედამიწაზე

[afxazi]

ხოლო ის, რომ არ დაგვწამოს პატივცემულმა სიმართლისთვის მდევნითო, თქვენს სულელურ დოგმატებს ვამხილებო და ამიტომო, ორ ციტატას მოვიტან სახარებიდან და ჩემს სათქმელს ამ საკითხზე აქ დავასრულებ. არა იმისთვის, რომ კამათი და პოლემიკა არ მინდა, არამედ იმიტომ, რომ ოპონენტი არ ხელმძღვანელობს ბიბლიით, არამედ გაურკვეველი წარმომავლობის ლიტერატურით (აქა იქ ბიბლიურ ციტატებსაც ურთავს):

მაშ რა ციტატებზეა საუბარი:

მათეს სახარების XXII თავში გადმოცემულია თხრობა, სადაც ნათქვამია, რომ მაცხოვართან მიდიან სადუკვევლები (რომლებსაც არ სწამდათ მკვდრეთით აღდგომისა) და მათი აზრით მაცხოვარს ჩამჭრელი კითხვით მიმართავენ:

იმ დღეს მიადგნენ მას სადუკეველნი, რომელნიც ამბობენ, რომ არ არსებობს აღდგომა, და ჰკითხეს:

მოძღვარო, მოსემ თქვა: თუ კაცი უშვილოდ გადაეგო, დაე, მისმა ძმამ მოიყვანოს მისი ცოლი, რათა აღუდგინოს თავის ძმას მისი თესლი. იყო ჩვენს შორის შვიდი ძმა: პირველმა ცოლი შეირთო და უშვილოდ მოკვდა, ხოლო ცოლი თავის ძმას დაუტოვა. ასევე მეორემაც და მესამემაც თვით მეშვიდემდე. ყველაზე ბოლოს კი ქალიც მოკვდა. მერედა, აღდგომისას, ამ შვიდთაგან ვისი ცოლი იქნება იგი? ვინაიდან შვიდივეს ცოლად ესვა. (მათე 22, 24-28).

და უფლის პასუხი:

იესომ პასუხად მიუგო მათ: სცდებით, რადგან არც წერილს იცნობთ და არც ღმრთის ძალას. ვინაიდან აღდგომისას არც ცოლს ირთავენ და არც თხოვდებიან, არამედ არიან როგორც ანგელოზები ცაში. (29-30).


ცხადზე უცხადესად არის ნათქვამი, რომ აღდგომილი სხეული (პავლე მოციქულის მიხედვით "სხეული სულიერი", I კორ. 15,44) არ საჭიროებს ქორწინებას, არამედ არიან, როგორც ანგელოზები ცაში. კვლავ მოვუსმინოთ ციტატას:

"ვინაიდან აღდგომისას არც ცოლს ირთავენ და არც თხოვდებიან, არამედ არიან როგორც ანგელოზები ცაში."

გიორგი მთაწმინდელთან:

"რამეთუ აღდგომასა მას არცა იქორწინებოდიან, არცა განჰქორწინებდენ, არამედ, ვითარცა ანგელოზნი ღმრთისანი, იყვნენ ცათა შინა."


დასკვნა ერთადერთია აღდგომილი ადამიანი ანგელოზთა მსგავსად არც იქორწინებს და არც განქორწინდება, არამედ არის ანგელოზურ მდგომარეობაში, რომლისთვისაც სრულიად უცხოა ქორწინება.

ეხლა ეს ციტატა შევადაროთ შესაქმის განსახილველ მუხლს:

"დაინახეს ღვთისშვილებმა, რომ მშვენიერნი იყვნენ ადამიანთა ასულები და მოჰყავდათ ცოლად".

რა გამოდის, ბიბლია ეწინააღმდეგება თავის თავს (ნუ იყოფინ).


ეხლა ვნახოთ იგივე ადგილი როგორაა გადმოცემული ლუკას სახარებაში:

"იესომ პასუხად მიუგო მათ: ამ სოფლის მკვიდრნი ირთავენ ცოლს და თხოვდებიან; ხოლო საუკუნო ცხოვრებისა და მკვდრეთით აღდგომის ღირსად შერაცხილნი არც ცოლს ირთავენ და არც თხოვდებიან; თვით სიკვდილსაც კი ხელი არა აქვს მათთან, ვინაიდან ანგელოზთა სწორნი და ღმრთის ძენი, აღდგომის ძენი არიან." (ლუკა 20, 34-36).