რელიგიური საუბრები პარამეტრები

[George Leluashvili]

მოგესალმებით

ასეთი თემა მგონი არ არსებობს და ამიტომ მე აუცილებლად მივიჩნიე ისეთი თემის არსებობა, სადაც ერთმანეთს სხვადასხვა რელიგიურ საკითხებზე გავესაუბრებოდით და ჩვენს შინაგან სულიერ მდგომარეობას, განცდებს გავუზიარებდით ერთმანეთს.

დავწეროთ ხოლმე თუნდაც ჩვენი ყოველდღიური რელიგიური ცხოვრებიდან რაიმე განსაკუთებული შემთხვევები და საერთოდ, ვისაუბროთ იმაზე, რაც რელიგიას შეეხება.

[George Leluashvili]

crazy_priest
რაზეც ახლა შენ გესაუბრები, ამ საკითხზე ვრცლად ვისაუბრეთ მე და ერთმა იუზერმა "ხახაბოელმა", კერძოდ ცხონების შესახებ.
თუ არ დაგეზარება, შეგიძლია ამ თემაში ნახო 278 პოსტიდან 290-მდე.
http://church.ge/index.php?showtopic=8817&st=260
თუ წაიკითხავ, მანდ ვრცლად მაქვს გამოხატული ჩემი აზრი ცხონების შესახებ და ალბათ შეხედულებებიც შეგეცვლება ჩემზე. ალბათ მწარე დოგმატიკოსი მართლმადიდებლის სტატუსი მიჭირავს, მაგრამ არა, მე მხოლოდ იესოს სიტყვებს ვიმოწმებ.

შენ გინახავს ადამიანი რომელიც არ დასცინის, არ განიკითხავს, არ შურს, არ წყინს, იმიტომ რომ მოყვასი უყვარს მთელი არსებით უყვარს... მე ვიცნობდი ასეთ ადამიანს რომელიც ეკლესიაში არასოდეს შესულა და არც მონათლული ყოფილა. ეს ადამიანი დღეს ცოცხალი აღარ არის მაგრამ მისი ცხოვრება იყო ქრისტეს სიყვარულით სავსე....განა შეიძლება ეს ადამიანი ქრისტემ არ მიიღოს? განა მისი ცხოვრება არ იყო ქრისტეს დიდება? წამოდი წავიდეთ სხვა კონფესიების ადამიანებთან და არ შევხედოთ რომ ისინი ღმერთს ჩვენგან განსხვავებულად აღიქვამენ. მოდი დავაკვირდეთ როგორ ექცევიან მოყვასს, თუ არის მათ თვალებში სიყვარული. მე შენ გარწმუნებ რომ არაერთს ვიპოვით ასეთს... ცოტა ბანალურად კი გამომივიდა მაგრამ ასე ვფიქრობ. ეს აზრი გამიჩნდა ცხოვრებიდან და არა წიგნებიდან

მოდი ახლა ლოგიკურად ვისმჯელოთ ამ საკითხზე.
პიროვნება, რომელიც შენ ახლა ახსენე, იგი დაახასიათე, როგორც იესოს უზომოდ მოყვარული. კარგი, ეს გასაგებია. ალბათ დამეთანხმები, რომ რადგან ამ ადამიანს ძლიერ უყვარდა უფალი, მის სიტყვასაც უნდა გაცნობოდა; ვგულისხმობ ბიბლიას - სახარებას.
სწორედ სახარებაში ამბობს უფალი, რომ ვინც ჩემს სისხლსა და ხორცს არ მიიღებს, მას ჩემთან წილი არ ექნებაო.
როგორ და სად უნდა მიიღოს მორწმუნემ ქრისტეს სისხლი და ხორცი? როგორ და, ეს უნდა მოხდეს მოძღვრის ლოცვა-კურთხევით, მართლმადიდებელი ეკლესიის წიაღში, რომელიც თავად მაცხოვრის მიერაა დაარსებული.

აქედან დასკვნა – ცხონებისთვის მადლია საჭირო, სად მიიღებ მას ეკლესიის გარეთ? მადლი მოგეცემა წმიდა საიდუმლოებების მეშვეობით, ხოლო ისინი წმიდა ეკლესიაში ინახება. საიდუმლოთა შესასრულებლად საჭიროა სამღვდელოება: ჭეშმარიტი სამღვდელოება კი მხოლოდ ეკლესიაშია. გამოდის რომ, ვინც ეკლესიის გარეშეა, არც სამღვდელოება გააჩნია, არც საიდუმლოებები და არც მადლი.