კონსტანტინე გამსახურდია, მე ვფიქრობ, სწორად შევარჩიე განყოფილება, სადაც უნდა გამეხსნა თემა... ა პარამეტრები

[artless]

გამარჯობა! როგორც თემის აღწერაშივე ვთქვი, მინდა აქ კონსტანტინე გამსახურდიასთან დაკავშირებით ვისაუბროთ. გამოვთქვათ აზრები (იქნებ გავლანძღოთ კიდეც ერთმანეთი, თუ ეს უკანასკნელნი ურთიერთსაპირისპირო იქნება) და როგორმე ერთ დასკვნამდე მივიდეთ... მიზეზი, რის გამოც გადავწყვიტე ეს თემა გამეხსნა, გახდა მამა თეოდორე გიგნაძის სიტყვები, რომელიც მოვისმინე "იუთუბში": http://www.youtube.com/watch?v=Yo66tHFyn3U&feature=feedlik
როგორც თქვენც ნახავთ (და, იქნებ, უკვე ნანახიც გაქვთ), აქ ეს სასულიერო პირი კონსტანტინე გამსახურდიას მართლმადიდებლობის მტერს უწოდებს. ხოლო, ასევე, შეგიძლიათ ნახოთ კომენტარებიც, სადაც თავად მამა თეოდორეს უწოდებენ ეშმაკის მოციქულს (ერთობ საინტერესოა).
ბოლოს და ბოლოს, რაღაცებზე უნდა ვთქვათ სიმართლე! კონსტანტინე გამსახურდია, ჩემი აზრით (და შევეცდები ეს დავამტკიცო), არათუ ქრისტიანი არაა, არამედ რამდენადმე საპირისპირო პოზიციაც უჭირავს.
როგორც ცნობილია, მოდერნიზმი (ლიტერატურული მიმდინარეობა) შთაგონებულია, ნასაზრდოებია გამოჩენილი გერმანელი ფილსოფოსის, ფრიდრიხ ნიცშეს იდეებით. ამ ადამიანის ხსენებაზე, პირველ რიგში, რაც გაგვახსენდება, ალბათ მისი ცნობილი სიტყვებია: "ღმერთი მოკვდა". აღსანიშნავია ისიც, რომ ის ლაპარაკობს არა, ვთქვათ, ბუდიზმზე, ზოროასტრიზმზე, არამედ სწორედ ქრისტიანობაზე (თუმცა, ალბათ, რაღაც პარალელების გავლება შეიძლება ამ რელიგიებს შორის). ნიცშე უპირველეს ყოვლსა, სწორედ ქრისტიანობაზე ლაპარაკობს - მაშასადამე, ნიცშე "ანტიქრისტიანია".
ახლა, მოდით, მოდერნიზმი, გამსახურდია და ნიცშე ერთმანეთს დავუკავშიროთ: მოდერნიზმი ნასაზრდოებია ფრიდრიხ ნიცშეს იდეებით - კონსტანტინე გამსახურდია მოდერნისტია - (დასკვნა) - კონსტანტინე გამსახურდია ნასაზრდოებია ნიცშეს იდეებით.
მამა თეოდორე გიგნაძე სწორად შენიშნავს კონსტანტინე გამსახურდიაზე "მართლმადიდებლობის მტერიაო", რომ ამბობს... თუ ჩვენ თავისუფალი ვიქნებით ამის შემჩნევა ჩვენც შეგვიძლია - არის რამდენიმე სცენა "დიდოსტატის მარჯვენაში", სადაც, თუ ძალით არ იბრმავებ თავს, რაღაც სიტყვები გეხამუშება.
კარგი, ვთქვათ, როდესაც კონსტანტინე გამსახურდია რომელიმე გმირის სახელით ლაპარაკობს იესო ქრისტეზე (თუ არ ვცდები, მამამზეს სახელით), დაღმეჭილი სახე ჰქონდაო... ვთქვათ, რომ ეს არ არის თავად მწერლის აზრიც (ნიცშეს ხომ არ უყვარდა ქრისტე!). მაგრამ რას ვიტყვით სხვა მომენტებზე - სადაც, მაგალითად, ჯვრის სასწაულმოქმედებას დასცინის? აქ ხომ მარტო კონკრეტულ ფაქტებთან დამოკიდებულება კი არა, ზოგადად, სასწაულებთან, ქრისტიანობასთან დამოკიდებულებაც იკვეთება? კონსტანტინე გამსახურდია, მე ვიტყოდი, დასცინის სასულიერო პირებსაც - მაგალითად, მელქისედეკ კათალიკოსს და, თუ უფრო ჩავუღრმავდებით, არ მოსწონს მისი პიროვნება. მოკლედ რომ ვთქვათ, ბევრი ისეთი მომენტია "დიდოსტატის მარჯვენაში", რომელიც ქრისტიანის ყურს ეხამუშება, არ ესიამოვნება.
და თუ ასეთი რამე არსებობს, მაშინ რატომ ვფიქრობთ, რომ კონსტანტინე გამსახურდია დიდი მწერალია? მოდით, ამაზე ვისაუბროთ

[A.V.M]

აი ანტიმართლმადიდებელი რატო იყო?
მე მგონია, უბრალოდ მღვდლებს დასცინოდა და არა ქრისტეანობას

არანაირი სხვაობა არაა...
ისეთი სიტუაციაა-,,ღმერთიმ მწამს , მღვდელი არაო..."

უყურე მღვდლების შეურაცხყოფაზე როგორი წანამძღვარი მაქვს:
,,აწ უკუე რომელმან შეურაცხ-ყოს , არა კაცსა შეურაცხ-ყოფს ,არამედ ,ღმერთსა.“(1 თეს.3-8)
,,ვინც ნახატს დასცინის , ის მის მხატვარს ,,დასცინის“, ვინც საპყარს დასცინის , მის შემოქმედს შეურაცხყოფს.“ (იგავები. 17-5)

quote]მე მგონია, უბრალოდ მღვდლებს დასცინოდა და არა ქრისტეანობას[/quote]
იგი შეურაცხყოფას აყენებდა წმიდა ზიარებას.
არის ეს საკმარისი საბაბი?
(სასულიერო პირებზე არაფერს ვამბობ)

მაგრამ მისი გამოცხადება მართლმადიდებლობის მტრად არაგონივრულია,

მე მტრად არ გამომიცხადებია , მაგრამ მისი ნაწარმოები-დიდოსტატის მარჯვენა(სხვას ამ ეტაპზე არ ვეხები) არის ა-ნ-ტ-ი-მ-ა-რ-თ-ლ-მ-ა-დ-ი-დ-ე-ბ-ლ-უ-რ-ი

არ გვყვავს ჩვენ ბევრი მწერალი რომ ვიღაც ვიღაცეები ანტიმართლმადიდებლების სიაში ჩავწეროთ,

მართლმადიდებლურობა რაოდენობით კი არ გამოიხატება,არამედ საქმით.
სულ რომ გაწყდენ (ღმერთმა ნუ ქნას)საქართველოსი მწერლები და დარჩეს ერთი ძალიან განათლებული ვინმე , ვინც ანტიმართლმადიდებლურად აზროვნებს ის მაინც ანტიმართლმადიდებელი იქნება ჩემთვის.
და მილიონი მწერალი რო იყოსდა ყველა მათგანი მართლმადიდებლურად აზროვნებდეს მილიონივე მართლმადიდებელი იქნება ჩემთვის.

საუსლიერო პირებს მეტი სიბრძნე მართებთ, საერთოდ არ იყო ამ თემაზე საუბარი საჭირო,

მაგალითად მამა თეოდორეს არა?

არაა საჭირო ხელოვნურად არარსებული, გარდაცვლილი ადამიანის მტრად გამოცხადება,
მითუმეტეს როდესაც ის საკმაოდ ნიჭიერი მწერალი იყო,

მოიცა ორიგენეზე ნიჭიერი იყო?
ორიგენე როდესაც დაგმეს წმიდა მამებმა ცოცხალი იყო?
მართლმადიდებლობა სიმართლეზე გადის და არა ლაქუცზე.(გინდ მკვდრისა და გინდ ცოცხალის)
კიდევ ერთხელ ვიმეორებ განათლებულობა და ნიჭიერობა არ ნისნავს მართლმადიდებლობას...რადგან როგორც დავით მეფსალმუნე ამბობს:
,,დასაბამი სიბრძნისაი შიში უფლისაი"