ID ბარათის მფლობელები, ერთწლიანი უზიარებლობით დაისჯებიან პარამეტრები

[benediqt]

ID ბარათის მფლობელები ერთწლიანი უზიარებლობით დაისჯებიან

სიონისა და ყორანთის წმინდა გიორგის სახელობის ტაძრის მღვდელმსახურმა დეკანოზ ბასილ ახვლედიანმა ID ბარათის მფლობელები ერთწლიანი უზიარებლობით დასაჯა.



„ID ბარათის მფლობელები ასევე, ვალდებულები იქნებიან, იმ შემთხვევაში თუ ჩემს მრევლში დარჩებიან, ყოველდღიურად ერთი წლის განმავლობაში ერთი კანონი წაიკითხონ, ხოლო მათ ვისაც ეს შეზღუდვა არ უნდათ, შეუძლიათ სხვა მრევლში გადავიდნენ და ამ კურთხევას მათ, ყველას მე ვაძლევ,“ – ბრძანა მამა ბასილმა ქადაგებისას.



როგორც მან თქვა, ID ბარათის შემოტანა დღეს უკვე დაძალებით და აგრესიულად ხორციელდება, რასაც რთულ პრობლემამდე მიჰყავს ერი.



„ID ბარათის თემა არის საკითხი, რომელიც პირდაპირ კავშირშია აპოკალიფსთან. ჯერ კიდევ 2000 წლის წინ გვაფრთხილებდა უფალი იოანე ღვთისმეტყველის მეშვეობით ამის შესახებ და დღეს, 21–ე საუკუნეში ვაი ქრისტიანს ვევაჭრები „იქნებ არ აიღო“, „იქნებ ცხონდე რა“, აი, ასეთ პრიმიტიულ დონეზე დავედით,” - აღნიშნა მამა ბასილმა.



მისივე თქმით, ის ადამიანები, რომლებიც თავიანთ შვილებს უნივერსიტეტისთვის ამზადებენ და აქვთ ID ბარათები, იმიტომ რომ ცივილიზაცია ითხოვს ამას, შესაბრალისები არიან.



„ეს არის ზომბირებული საზოგადოების დაკვეთა. როგორ შეიძლება, ხალხი რას იტყვის, მაგრამ არავინ არ ფიქრობს, რას იტყვის ღმერთი და არავინ ემზადება პასუხის გასაცემად, როცა ღვთის წინაშე წარსდგება,“ – ბრძანა დეკანოზმა ბასილ ახვლედიანმა და დასძინა, რომ დღეს თუ კონკრეტული და მკვეთრი პოზიციების დაფიქსირება არ დაიწყო, ხალხი დაიღუპება.



„მინდა ვუთხრა ასეთ ადამიანებს, ვინც სამსახურში დასარჩენად და უმაღლესში ჩასაბარებლად ID ბარათს იღებს. იუდა უფრო მსუბუქ პოზიციაში იყო, ვიდრე ახლა ეს ხალხია. იუდამ არ იცოდა ღმერთს, რომ ღალატობდა, ეს ადამიანები კი თავისი ნებით, კეთილდღეობისთვის ღმერთს ღალატობენ,“ – აღნიშნა მამა ბასილმა.



მისივე თქმით, ინგლისმა ID ბარათის გასაუქმებლად ერთი მილიარდი ფუნტი გაიღო.


„უამრავლა ცივილურმა ქვეყანამ აკრძალა ID ბარათი. მათ შორის, ინგლისმაც, რომელსაც ერთი მილიარდი ფუნტი დასჭირდა შეცდომის გამოსასწორებლად,“ – ბრძანა მამა ბასილმა.

http://tribuna.ge/index.php?option=com_con...=10235&Itemid=1

http://www.myvideo.ge/?video_id=1751446&fb...7920#f357c8ced4

[აკაკი]

ასეთი შინაარსის თემები რომ იხსნება ფორუმზე, ჩვენ რა? ჩვენ უნდა ვქნათ? დამცინავი პოსტები ვწეროთ? თუ "გული გვეტკინოს?!"... ასეთ რამეებზე ყურადღების გამახვილების შემდეგ რა ემართება ადამიანს სულს უფალთან მიმართებაში... განა გაუცხოება არ ჩნდება, განა ლოცვა არ რთულდება? განა სულიერი საგნების განცდა არ იკარგება? ერთი სიტყვით, განა უფლისადმი ურთიერთობა არ ფუჭდება? მოდით, პირველად ჩემს თავს ვეუბნები, ცოცხალი ღმერთი ვეძიოთ და მის ჩვენს გულში დამკვიდრებას ვესწრაფოდეთ... დამიჯერეთ მსგავს რამეებზე ყურადღებას აღარ გავამახვილებთ და წინსვლას უფლისკენ აღარ შევაფერხებთ...

ეს იმას კი არ ნიშნავს, რომ არავინ არ უნდა იფიქროს ასეთ შემთხვევებზე, არა! უბრალოდ ჩვენნაირ, უბრალოდ ერის ადამიანებს, მართალია ეკლესიის შვილებს, მაგრამ შვილებს და არა ეკლესიის მწყემსებს, ასეთ რამეებზე ზრუნვა არ გვევალება... მით უმეტეს "ზუნვა", მით უმეტეს რაღაცეების წარმოჩენა, დაცინვა და ა.შ