მიაფიზიტები, თუ მონოფიზიტები???? პარამეტრები

[დათიკო]

ხალხნო, მოკლედ ამას წინათ ერთ ადამიანს ვესაუბრებოდი და ჩემდა გასაკვირად აღმოვაჩინე რომ თურმე სომხები თავის თავს მიაფიზიტებს უწოდებენ. ზოგადად ეს ორი ტერმინი ერთნაირად იტარგმნება, მაგრამ თუმე სწყინთ როცა მათ მონოფიზიტებად იხსენიებენ, რადგან მონოფიზიტური სწავლება თავადაც ანათემაზე გადაუციათ.
კი ვიცოდი რომ ისინი თავს სომხეთის სამოციქულო ეკლესიას უწოდებენ და მართლმადიდებლებადაც მიაჩნიათ თავი, მაგრამ ეს ტერმინი პირველად გავიგე.
მინდა რომ ამ თემაში უფრო დეტალურად ვისაუბროთ მონოფიზიტობისა თუ ორიენტალ ორთოდოქსიის შესახებ.

ანუ როგორც დიალოგისას შევიტყვე:
მიაფიზიტებს მართლაც ქრისტეს ერთი ბუნების სწამთ, მაგრამ მონოფიზიტებისგან განსხვავებით, მათ სწამთ, რომ ეს ერთი ბუნება სრული ღვთიური და სრული ადამიანური ბუნების თანაბარი მონაწილეობით არის შექმნილი, მათი ერთმანეთთან შერევის, ერთმანეთისგან განცალკავების და რომელიმე მათგანის ცვლილების გარეშე.


მოკლედ, ვისაუბროთ ამაზე.

[afxazi]

konstantin Logos

მიაფიზიტობა - თვითონ ეს სახელწოდება არის ხელოვნურად შემოღებული

საერთოდ ეს ტერმინი მხოლოდ მოგვიანებით აღმოვაჩინე და მას არც ვიყენებ მე პირადად ამა თუ იმ საუბარში. ერთბუნებიანობის აღმსარებელი ყველა მონოფიზიტია. მათ შორის შესაძლებელია იყოს სხვაობები და იყო კიდეც. ცნობილია რომ მონოფიზიტები უამრავ განშტოებად განცალკევდნენ.

თვითონ ტერმინი მია-ფიზის ეფუძნება კირილე ალექსანდრიელის ფორმულას: "ერთიანია განხორციელებული სიტყვა-ღმერთის ბუნება"... თქვენ შეგიძლიათ თქვათ რომ კირილე ალექსანდრიელი მონოფიზიტი იყო?

ევტიქიც კირილე ალექსანდრიელის ამ გამონათქვამს იყენებდა თავისი უკუღმართი მოძღვრების ვითომცდა განსამტკიცებლად, თუმცა ის, რომ კირილე აქ სრულიად სხვა რამეს, უფრო სწორად მართლმადიდებლურ სწავლებას გამოთქვამს, ეს თავად მანაც და მოგვიანებით წმ. იოანე დამასკელმაც ცხადად აჩვენა და სხვანაირად არც შეიძლებოდა ყოფილიყო, რადგან წმ. კირილე ალექსანდრიელი მკვეთრად მართლმადიდებელია, ანუ ორბუნებოვნების აღმსარებელია.

თუმცა ეს ყველაფერი იქით იყოს და რისი თქმა გინდა ვერ ვხვდები. ვინმეს ან რამეს ამართლებ? ზემოთ სომხური ეკლესია ახსენე. ანუ იმას ამბობ, რომ სომხური ეკლესია ჭეშმარიტების აღმსარებელია?

იმ ლოგიკით რომ ნესტორიანელობაც და ქალკედონიტობაც(მართლმადიდებ�
��
��ობა) აღიარებს ქრისტეში ორ ბუნებას ანუ არის დიოფიზიტური, შესაბამისად თუ მიაფიზიტობას და მონოფიზიტობას ვაიგივებთ, რატომ არ უნდა გავაიგივოთ ნესტორიანელობა და ქალკედონიტური მართლმადიდებლობაც?

რაღაც აბსურდზე მელაპარაკები. ზემოთ დავწერე, რომ იმას რასაც მიაფიზიტობას ეძახი, არის იგივე მონოფიზიტობა, ანუ ერთბუნებიანობა. ეს უკანასკნელი ტერმინი ფართო მნიშვნელობისაა. ასე ძნელია ამის მიხვედრა. ყველა ვინც განკაცებული ძე ღმერთის მხოლოდ ერთ ბუნებას აღირებს (არ აქვს მნიშვნელობა როგორს, მხოლოდ კაცობრივს, თუ მხოლოდ საღვთოს, ანდა ამ ორივესგან შედგენილ ერთს) არის მონოფიზიტი. რაც შეეხება ნესტორიანიზმს, ეს უკანასკნელი მართლმადიდებლობას ეთანხმება იმაში, რომ აღიარებს ორ ბუნებას, თუმცა ეწინააღმდეგება როგორც ორი ძის აღმსარებელი. რაც შეეხება ტერმინს დიოფიზიტი, ის დამკვიდრდა ზოგადად მართლმადიდებლობის შინაარსით და თქმა იმისა, რომ ნესტორიანელობა დიოფიზიტურია, რბილად რომ ვთქვა უხერხულია.

თუმცა როგორც ვთქვი არ ვიცი რისი თქმა გინდა და ჯობს რომ თქვა.