კონტრაცეპტივები და ცოლქმრული ურთიერთობა პარამეტრები

[kokhi]

მაინტერესებს რატო არ შეიძლება კონტრაცეპტივების ხმარება? ან ორსულობისგან თავი როგორ უნდა დაიცვა(თუ ბავშვის გაჩენა არ გინდა)? ანუ თუ არ დაიცავი თავი გამოდის ყოველი ურთიერთობისას შეიზლება დაორსულდეს ჰო? გამოდის მხოლოდ ბავშვის გაჩენის მიზნით უნდა გქონდეს ურთიერთობა(ანუ თავი უნდა შეიკავო მთელი ცხოვრების მანძილზე, ამან შეიძლება პრობლემებიც შეგიქმნას არა?)? თუ როგორ არის? ვერაფრით ვერ გავერკვიე
კითხვაც ვერ დავალაგე

რამე ვიდეო ქადაგება არის კონტრაცეპტივებზე?

[A.V.M]

ikanosi

მე კი მგონია რომ არა ვნება და სიამოვნების მიღება, ბევრი არავინ შეიწუხებდა გამრავლებაზე ზრუნვით თავს

მეორე უკიდურესობაშიც არ უნდა ჩავვარდეთ და ცოლქმრობა მხოლოდ გამრავლების მიზნით არ შემოვფარგლოთ.
ეს ოჯახია და არა ქარხანა , კოლმეურნეობის გეგმა რომ შეასრულოს .
ოჯახში უნდა ჰქონდეს განსაზღვრული დოზა გამრავლებასაც და სიამოვნებასაც. სხვაგვარად არ შეიძლება.

რაც შეეხება დამოკიდებულებას კონტრაცეპრივების მიმართ. ოდნავ ვრცლად ჩამოვაყალიბებ.
აქაც რამდენიმე რამეა გასამიჯნი. დავიწყოთ იმით თუ რა სახის საშუალებასთან გვაქვს საქმე. თუ ვგულისხმობთ სხვადასხვა საშუალებებს , რომლებიც უკვე განაყოფიერებულ კვერცხუჯრედს (ზიგოტას) ,,აცილებენ'' მშობლებს . ეს დედისთვის იგივე აბორტის ტოლფასია , რადგან ჩასახვის წამისთანავე არსებას ეძლევა უკვდავი სული და არანაირი მნიშვნელობა არ აქვს ამ მხრივ 4 დღის ბავშვს მოკლავ თუ 4 კვირისას.
ცოტა სხვა ვითარებაა საშუალებებზე რომლებიც განაყოფიერებამდე მოქმედებენ. საუბარი დავიწყოთ წმ.წერილით რა თქმა უნდა. განვიხილოთ იუდას შვილის-ონანის ეპიზოდი.

,,6. მოუყვანა იუდამ ყერს, თავის პირმშოს, ცოლი, სახელად თამარი.

7. არ მოსდიოდა თვალში უფალს ყერი, იუდას პირმშო, და მოაკვდინა იგი უფალმა.

8. უთხრა იუდამ ონანს: შედი შენი ძმის ცოლთან, ექმრე მას და თესლი აღუდგინე შენს ძმას.

9. იცოდა ონანმა, რომ მისი არ იქნებოდა ეს თესლი, და როცა შედიოდა ძმის ცოლთან, მიწაზე ღვრიდა მას, რომ ძმისთვის არ მიეცა თესლი.

10. არ მოეწონა უფალს მისი საქციელი და ისიც მოაკვდინა.'' (დაბ.38-ე თავი)
ყურადღებას ვამახვილებ მე-9 მუხლზე სადაც წერია:,,
9. იცოდა ონანმა, რომ მისი არ იქნებოდა ეს თესლი, და როცა შედიოდა ძმის ცოლთან, მიწაზე ღვრიდა მას, რომ ძმისთვის არ მიეცა თესლი.''
რაში მდგომარეობდა ონანის დანაშაული?ამაზე აზრი იყოფა თუმცა პირადად მე გარკვეული დოზით ორივეს ვემხრობი.
1-ის რომ არ ცდილობდა ,,თესლის აღდგენას.'' რაც დანაშაული იყო
2-მეორე კი ის რომ ,,არაბუნებრივ სიძვას'' ასრულებდა. ანუ მასტრუბირებდა.(სწორედ აქედან წარმოიშვა ტერმინი -,,ონანიზმი.'')

ვნახოთ საშჯელი ონანისა-,,10. არ მოეწონა უფალს მისი საქციელი და ისიც მოაკვდინა.''

საინტერესოა (თუმცა არ ვიცით) ეს სასჯელი რომელი დანაშაულის გამო მოუვიდა ონანს.

აგრეთვე გვაქვს სჯულისკანონის განჩინებები ,,მუცლის მოშლის'' შესახებ.
რა თქმა უნდა კონტრაცეპტივის (დავკონკრეტდები -კონდომის) გამოყენება ძალიან ცუდია.(როგოც ფიზიოლოგიური აგრეთვე სულიერი დანიშნულებით) თუმცა აუცილებელია მისი გამიჯვნა მოვახდინოთ აბორტისგან და აგრეთვე არ მოვახდინოთ იგნორირება იმ აზრისა , რომ შესაძლებელია აუცილებელი იყოს მისი გამოყენება და ამას არაერთი მოძღვარი გაგებით ეკიდება.
(მაგალითად საკეისრო კვეთის შემდეგ)