როგორი სხეულით აღდგა იესო? პარამეტრები

[Otherguy]

სულ მეგონა, რომ ქრისტიანული აზრი ზოგადად იყო ის, რომ იესო განსხვავებული, სულიერი სხეულით აღდგა.

მაგრამ ახლახანს ვკითხულობდი მეცნიერულ სტატიას, სადაც განხილული ხატმებრძოლეთა არგუმენტები და ძველი ეკლესიის მამების მიდგომა.

როგორც ჩანს აზრთა სხვადასხვაობა იყო ამ საკითხზე სულ ეკლესიაში. ორიგენე ალექსანდრიელისგან დაიწყო "განსხვავებული, სულიერი სხეული"-ს აღქმა. თეოდორე მოფსუესტიელიც, რომელიც აჩვენებს ანტიოქიური სკოლის მიდგომას, ამბობს, რომ სულიერი სხეულით არ აღდგა იესო, მაგრამ მაინც განსხვავებული ხორცით აღდგა, უკვდავი ხორცით.

VI საუკუნეში, როცა წმ. იუსტინიანე დიდს აბრალებდნენ დოკეტიზმს, პატრიარქი წმ. ევტიქე ამბობდა, რომ განსხვავებული ხორცით აღდგა ქრისტე. მაგრამ პაპი, წმ. გრიგოლ დიალოღოსი წმ. ევტიქის მაგ ფრაზას ერესად აღიქვამს და ციტირებს წმ. კირილესა და წმ. იოანე ოქროპირს რათა დაამტკიცოს ის, რომ ქრისტე ჩვეულებრივი, ადამიანური სხეულით აღდგა.

როგორია დღევანდელი ეკლესიის აზრი? დაიგმო თუ არა საბოლოოდ "განსხვავებული სხეულით აღდგომა"?

[აკაკი]

ვის როგორ ესმის ტერმინი "სულიერი სხეული", თუ მასში იგულისხმება ის, რომ ფიზიკური აღარ არის, მაშინ, ვფიქრობ, მიუღებელია. რადგან უფალი მოწაფეებს ეუბნება აღდგომის შემდეგ, "შეხედეთ და ნახეთ, რომ სულს ხორცი არ ასხია, მოყავით ხელი და შემეხეთ", "საჭმელი გაქვთ რაიმე?". თუ იმას ნიშნავს, რომ ფიზიკურმა სხეულმა სულიერი თვისებები შეიძინა, ანუ როგორც აფხაზი ამბობს, რომ გარდაიქმნა, ფერიცვალება განიცადა, მაშინ ასე უნდა იყოს. ანუ "განსულიერებული სხეული".