როგორი სხეულით აღდგა იესო? პარამეტრები

[Otherguy]

სულ მეგონა, რომ ქრისტიანული აზრი ზოგადად იყო ის, რომ იესო განსხვავებული, სულიერი სხეულით აღდგა.

მაგრამ ახლახანს ვკითხულობდი მეცნიერულ სტატიას, სადაც განხილული ხატმებრძოლეთა არგუმენტები და ძველი ეკლესიის მამების მიდგომა.

როგორც ჩანს აზრთა სხვადასხვაობა იყო ამ საკითხზე სულ ეკლესიაში. ორიგენე ალექსანდრიელისგან დაიწყო "განსხვავებული, სულიერი სხეული"-ს აღქმა. თეოდორე მოფსუესტიელიც, რომელიც აჩვენებს ანტიოქიური სკოლის მიდგომას, ამბობს, რომ სულიერი სხეულით არ აღდგა იესო, მაგრამ მაინც განსხვავებული ხორცით აღდგა, უკვდავი ხორცით.

VI საუკუნეში, როცა წმ. იუსტინიანე დიდს აბრალებდნენ დოკეტიზმს, პატრიარქი წმ. ევტიქე ამბობდა, რომ განსხვავებული ხორცით აღდგა ქრისტე. მაგრამ პაპი, წმ. გრიგოლ დიალოღოსი წმ. ევტიქის მაგ ფრაზას ერესად აღიქვამს და ციტირებს წმ. კირილესა და წმ. იოანე ოქროპირს რათა დაამტკიცოს ის, რომ ქრისტე ჩვეულებრივი, ადამიანური სხეულით აღდგა.

როგორია დღევანდელი ეკლესიის აზრი? დაიგმო თუ არა საბოლოოდ "განსხვავებული სხეულით აღდგომა"?

[afxazi]

■გიორგი■

კაი, გავანებოთ ამას თავი.

რას გავანებოთ თავი, ამას?

შენ კი არა, ეკლესიის წმინდანებმა ვერ უპასუხეს მაგ კითხვას ამომწურავად.

თუ შეიძლება განმარტე რას ვერ უპასუხეს. ეს უაზრო ცილისწამებები მოდაშია?

მიდი აბა გვითხარი როგორ გესმის სიტყვები "პიროვნება" და "ბუნება". არ დამიწყო ეხლა შენებური ზღაპრები.

რატომ ვერ იცნობდნენ მაცხოვარს, თუკი იმავე სხეულში აღდგა?

მაგრამ მაინც რომ ცნობენ? ამას რა ვუყოთ. შენი ლოგიკით საერთოდ ვერ უნდა ეცნოთ, მაგრამ დიდი გაჭირვების შემდგომ მაინც ცნობენ.

გარეგნულად თუ სხვანაირად გამოიყურებოდა მისი სხეული, იმავე სხეულში არ აღმდგარა.

მე არ ვამბობ რომ იმავე სხეულში აღდგა, დაუკვირდი თითოეულ სიტყვას და ისე წერე. მე ვამბობ, აღდგა იმავე სხეულით, მაგრამ სხეული უკვე არის უხრწნელ და უკვდავ მდგომარეობაში და ეს რომ განსხვავებული იქნებოდა მანამდელი მდგომარეობისგან ეს გასაკვირი არ უნდა იყოს და აღქმის თვალსაზრისით რომ პრობლემა შეიქმნებოდა ესეც არ უნდა იყოს გასაკვირი.

აი მაგალითად, როცა თომას ეცხადება, თომა მას სცნობს. სხვები ვერ სცნობენ. რატომ? ვერ ხსნი.

თომას ეცხადება სხვებთან ერთად და უკვე იქ ცნობილია მაცხოვრის შესახებ, ამიტომ თომამ იცნო და სხვებმა ვერ იცნეს, ეს არასწორია.

მოციქულებს უჭირთ ცნობა მაცხოვრისა და კვლავ გავიმეორებ, რომ ეს ბუნებრივია (სხველი განსხვავებულ მდგომარეობაშია), მაგრამ მცირე ხნის შემდეგ მას ცნობენ, ამგვარი ვითარება გვაქვს მარიამ მაგდალინელის შემთხვევაში, თუნდაც ლუკას და კლეოპას ეპიზოდში.