"მამაო ჩვენო"-ს შესახებ პარამეტრები

[dimitri28]

დამლოცეთ მამაო.

შეკითხვა მაქვს "მამაო ჩვენო"-ს ლოცვის შესახებ.

შეგიძლიათ მითხრათ ლოცვანში რატომ არ არის ეს ლოცვა სრულად?
ანუ მათეს სახარებაში ეს ლოცვა მთავრდება ასე: "რამეთუ შენი არს სუფევა, ძალი და დიდება საუკენეთა მიმართ, ამინ!"

რა გამოდის ამით? არასრულად და არასწორად ვლოცულობთ ყოველთვის? უფალმა დაგვიბარა ასე ილოცვიდეთო.

[damiane80]

კითხვაზე პასუხს არ ვცემ, უბრალოდ შევსებისათვის მამაო ჩვენო სახარებაში არის ორ ადგილას: 1) მათესთან - იმ სახით როგორც თქვენ ამბობთ და 2) ლუკასთან თავი 11 მუხლი 2-4.

ლუკას სახარებაში მამაო ჩვენოს ბოლოს ასამაღლებელი არ არის მითითებული:

„მამაო ჩუენო, რომელი ხარ ცათა შინა, წმიდა იყავნ სახელი შენი, მოვედინ სუფევაჲ შენი, იყავნ ნებაჲ შენი, ვითარცა ცათა შინა, ეგრეცა ქუეყანასა ზედა. 3. პური ჩუენი არსობისაჲ მომეც ჩუენ დღითი-დღედ. 4. და მომიტევენ ჩუენ ცოდვანი ჩუენნი, და რამეთუ ჩუენცა მიუტევებთ ყოველთა თანა-მდებთა ჩუენთა, და ნუ შემიყვანებ ჩუენ განსაცდელსა, არამედ მიჴსნენ ჩუენ ბოროტისაგან“.

ასე რომ მინიმუმ ლუკას სახარების მიხედვით ვლოცულობთ.

თუმცა პირადად მე ხშირად ასამაღლებელსაც ვამბობ. ვფიქრობ ასამაღლებელის გამოტოვება ეკლესიაში ლოცვის სტილმა გამოიწვია, რადგან ასამაღლებელს ყოველთვის ამბობს მღვდელი და არა მრევლი. ამგვარად, ასამაღლებელი ეკლესიაში ლოცვის დროს ჩვეულებრივად არის ლოცვის ნაწილი, რომელსაც მღვდელი ამბობს, ხოლო მრევლი ისმენს და იმეორებს.