ტრაპეზთან შეხება, ვიმსჯელოთ პარამეტრები

[G_saxva]

თქვენი აზრი მაინტერესებს უნდა ეხებოდეს თუ არა, ტრაპეზს ერის კაცი. თუ კი რატომ თუ არა მაინც რატომ?

[A.V.M]

მოკრძალებასა და მორიდებაზე რომ არ იყოს დამოკიდებული აღნიშნული მოსაზრების სიზუსტე , ეკლესიის სწავლებასაც მოვიტან თქვენის ნებართვით . სრულყოფილი პასუხი რომ გამომივიდეს , ამის გამო კი მცირე , ისტორიულ ექსკურსს შემოგთავაზებთ .

გავიხსენოთ ძველი აღთქმის ეკლესია და ამ პერიოდის ტაძარი . რისგან შედგებოდა იგი :


0 - ეზო წინ მდებარე ტერიტორია , რომელიც რეალურად არც ითვლებოდა ტაძრის ადგილად .
1- ეზო .
2-წმიდა .
3-წმიდათა წმიდა .

ახლა გავიხსენოთ თუ ვინ და სად იმყოფებოდა ამ პერიოდში .

0 - ეზო წინ მდებარე ტერიტორია , რომელიც რეალურად არც ითვლებოდა ტაძრის ადგილად . - აქ იმყოფებოდნენ გარეშე პირები .
1- ეზო - აქ იმყოფებოდნენ უბრალო ხალხი . (იყო კაცების ეზო და იყო ქალების ეზო . )
2-წმიდა - აქ იმყოფებოდნენ სასულიერო პირები . (მაგ : როდესაც იოანეს მამა - ზაქარია აკმევდა და ამ დროს გამოეცხადა ანგელოზი , სწავლების მიხედვით სწორედ წმიდაში იყო . )
3-წმიდათა წმიდა - აქ საერთოდ არავინ შედიოდა .

ახლა თქვენის ნებართვით განვიხილოთ ის , თუ როგორ გადმოვიდა ძველი აღთქმის ტაძარი , ახალი აღთქმის ეკლესიაში .

წმინდა - ანუ ტაძრის ყველაზე დიდი ადგილი . აქ ერთად იმყოფებიან კაცები და ქალები .

წმიდათა წმინდა - ანუ საკურთხეველი , სადაც იმყოფებიან სასულიერო პირები .

უბრალო დაკვირვებაა საჭირო , იმის დასანახად , რომ ახალ აღთქმაში , ერთი ნაბიჯით წინ წავიწიეთ ყველამ . (მღვდლიდან დაწყებული , მრევლით დამთავრებული . )
ჩვენ , მრევლმა , ეზოდან წმიდაში გადავინაცვლეთ , სასულიერო პირებმა კი ,,წმიდადან'' ,,წმიდათა წმინდაში.'' ყველანი ველოდებით იმ დროს , როდესაც უფლის მეორედ მოსვლა იქნება , რადგან კიდევ ერთი საფეხურით წინ გადავინაცვლოთ და წმიდათა-წმიდაში დავმკვიდრდეთ . იქამდე კი დავჯერდეთ იმ ადგილს სადაც ვდგავართ და ის საქმსე რაც წმიდათა-წმინდას განეკუთვნება და რაც მღვდლის აღსასრულებელია , ჩვენ ნუ ავასრულებთ .