ძველი აღთქმიდან დღემდე, დეტალური განმარტებები პარამეტრები

[ნათია]

როგორც შევთანხდით ვიწყებთ ძველი აღთქმიდან დეტალურ განხილვას, განმარტებებს წმ. მამების მიხედვით

თითო-თითო თავი განვიხილოთ, სანამ შეკითხვები არ ამოიწურება მანამდე ნუ გადავალთ მომდევნო თავზე

დაბადება

თავი პირველი

1. თავდაპირველაღ ღმერთმა შექმნა ცა და მიწა.

2. მიწა იყო უსახო და უდაბური, ბნელი იდო უფსკრულზე და სული ღვთისა იძვროდა წყლებს ზემოთ.

3. თქვა ღმერომა: იყოს ნათელი ! და იქმნა ნათელი.

4. და ნახა ღმერთმა, რომ ნათელი კარგი იყო, და გაჰყარა ღმერთმა ნათელი და ბნელი.

5. ნათელს ღმერთმა უწოდა დღე და ბნელს უწოდა ღამე. იყო საღამო, იყო დილა - პირველი დღე.

6. თქვა ღმერთმა: იყოს წყალთა შორის მყარი და გაჰყაროს წყლები.

7. გააჩინა ღმერთმა მყარი და გაჰყარა ერთმანეთისგან წყალი, რომელიც არის მყარს ქვემოთ, და წყალი, რომელიც არის მყარს ზემოთ. და იქმნა ასე.

8. მყარს ღმერთმა უწოდა ცა. იყო საღამო, იყო დილა - მეორე დღე.

9. თქვა ღმერთმა: შეგროვდეს ერთგან ცისქვეშეთის წყალი და გამოჩნდეს ხმელეთი. და იქმნა ასე.

10. ხმელეთს ღმერთმა უწოდა მიწა და შეგროვილ წყალს უწოდა ზღვა. დაინახა ღმერთმა, რომ კარგი იყო.

11 . თქვა ღმერთმა: აღმოაცენოს მიწამ მცენარეული - ბალახი, თესლის მთესველი, ხე ნაყოფიერი, თესლოვანი ნაყოფის მომტანი მიწაზე თავისი გვარისდა მიხედვით. და იქმნა ასე.

12. წარმოშვა მიწამ მცენარეული - ბალახი, თესლის მთესველი თავისი გვარისდა მიხედვით, და ხე, თესლოვანი ნაყოფის მომტანი, თავისი გვარისდა მიხედვით.

13. იყო საღამო, იყო დილა - მესამე დღე.

14. თქვა ღმერთმა: იყოს მნათობები ცის მყარზე დღისა და ღამის გასაყრელად, დროჟამის აღმნიშვნელად - დღეებისა და წელიწადებისა;

15. იყვნენ მანათობლებად ცის მყარზე რომ გაანათონ მიწა. და იქმნა ასე.

16. გააჩინა ღმერთმა ორი მთავარი მნათობი, - დიდი მნათობი დღის განმგებლად და მცირე მნათობი ღამის განმგებლად - და ვარსკვლავები.

17. დასხა ისინი ღმერთმა ცის მყარზე, რომ გაენათებინათ მიწა,

18. განეგოთ დღე და ღამე, გაეყარათ ნათელი და ბნელი. დაინახა ღმერთმა, რომ კარგი იყო.

19. იყო საღამო, იყო დილა - მეოთხე დღე.

20. თქვა ღმერთმა: აფუთფუთდეს წყალში სულდგმული; მიწის ზემოთ კი, ცის მყარზე, ფრინველმა იფრინოს. და იქმნა ასე.

21 . შექმნა ღმერთმა დიდი თევზები და ყოველი სულდგმული, მცურავი თავ-თავისი გვარისდა მიხედვით, რაც-კი წყალში ფუთფუთებს, და ყველა ფრთოსანი თავ-თავისი გვარისდა მიხედვით. დაინახა ღმერთმა, რომ კარგი იყო.

22. აკურთხა ღმერთმა ისინი და თქვა: ინაყოფიერეთ და იმრავლეთ, აავსეთ ზღვები. ფრინველებმა იმრავლონ მიწაზე.

23. იყო საღამო, იყო დილა - მეხუთე დღე.

24. თქვა ღმერთმა: წარმოშვას მიწამ სულდგმული თავთავისი გვარისდა მიხედვით - პირუტყვი, ქვემძრომი და მიწის მხეცები თავ-თავისი გვარისდა მიხედვით. და იქმნა ასე.

25. გააჩინა ღმერთმა ნადირი თავ-თავისი გვარისდა მიხედვით, საქონელი თავ-თავისი გვარისდა მიხედვით და ქვემძრომი თავ-თავისი გვარისდა მიხედვით. დაინახა ღმერთმა, რომ კარგი იყო.

26. თქვა ღმერთმა: გავაჩინოთ კაცი ჩვენს ხატად, ჩვენს მსგავსებად. ეპატრონოს ზღვაში თევზს, ცაში ფრინველს, პირუტყვს, მთელს დედამიწას და ყველა ქვემძრომს, რაც კი მიწაზე დახოხავს.

27. შექმნა ღმერთმა კაცი, თავის ხატად შექმნა იგი, მამაკაცად და დედაკაცად შექმნა ისინი.

28. აკურთხა ღმერთმა ისინი და უთხრა: ინაყოფიერეთ და იმრავლეთ, აავსეთ დედამიწა, დაეუფლეთ მას, ეპატრონეთ ზღვაში თევზს, ცაში ფრინველს, ყოველ ცხოველს, რაც კი დედამიწაზე დახოხავს.

29 . თქვა ღმერთმა: აჰა, მომიცია თქვენთვის ყოველი ბალახი, თესლის მთესველი, რაც კი დედამიწის ზურგზეა, და ყოველი ნაყოფიერი ხე, თესლის მთესველი. ეს იყოს თქვენი საზრდო.

30. მიწის ყველა მხეცს, ცის ყველა ფრინველს, ყველა ქვემძრომს, რასაც კი სიცოცხლის სული უდგას, მწვანე ბალახი ჰქონდეს საჭმელად. და იქმნა ასე.

31. დაინახა ღმერთმა ყოველივე, რაც გააჩინა, და აჰა, ძალიან კარგი იყო. იყო საღამო, იყო დილა - მეექვსე დღე.

ვისაუბროთ ამ თავის გარშემო...


აბა შეკიხვები, გთხოვთ კომპეტენტურმა პირებმაც დაგვეხმარონ, თორემ მარტო ვერაფერს გავხდებით

[azazeli]

აბიმელექის შეთქმულება.

როგორც მოგეხსენებათ აბიმელექი გახლავთ იერუბაყალის ძე შექემელი ხარჭისგან გაჩენილი. აბიმელექი მიემართება შექემში და ასეთ რაღაცას ამბობს რა გირჩევნიათ შექემელებო გედეონის მთელმა 70–ათმა ძემ იმეფოს თქვენზე თუ მე ერთმა რომელიც თქვენი ხორცი და თქვენი ძვალი ვარ? და შექემელებს შეასმინა აბიმელექის დედის ძმებმა და ყველამ ერთხმად დაიწყო ღაღადი რომ შენ ერთი გვირჩევნიხარ მეფეთ ვიდრე გედეონის 70–ძეო. და მისცეს აბიმელექს 70 ვერცხლი ბაყალ–ბეთერის სახლიდან და ამ ფულით მან დაიქირავა უღირსი და თავზე ხელ–აღებული ხალხი, რომლებიც გაჰყვნენ აბიმელექს. და გაემართა აბიმელექი თავისი მამის სახლში, ყოფრაში და ერთ ქვაზე დაკლა თავისი ძმები მხოლოდ იოთამი იერობაყალის უმცროსი ძე გადარჩა რადგანაც გადაიმალა იგი. თავი მოიყარა ყველა შექემელმა და გაამეფეს აბიმელექი მუხასთან აღმართულ სვეტთან რომელიც შექემშია. როგორც უკვე ვახსენეთ ყველაზე უმცროსი( იოთამი) გადარჩება. გადმოდგება სერზე და იტყვის: მისმინეთ სიქემელებო, აგრემც უფალი მოგისმენთ, უთხრეს ხეებმა ლეღვის ხეს გახდი მეფეო, ლეღვის ხემ უთხრა: დავთმო სიმსუყე, რომელიც ჩემშია კაცთაგან და ღვთისაგან ქებული და ხეებს გადავეგო? და უარი თქვა– შემდეგ უთხრეს ვაზს. ვაზმა, დავთმო წვენი რომლის სიტკბოც ჩემშია, ღვთისაგან და კაცთაგან პატივდებული და თქვენ გადმოგეგოთ? და უარი განაცხადა.შემდეგ უთხრეს ძეძვს იმეფე ჩვენზე, და დათანხმდა ერთი პირობით უთხარით ყველა ხეს რომ მე შემომეფარონ რადგან ამოვარდება მისგან ცეცხლი და გადაედება სხვებსაც და დაიწვებიან ისინი. ეს გახლავთ პირველი იგაური თხრობა წმ.წერილში. აბა სწორად და პატიოსნად მოიქეცით აბიმელექი რომ გაამეფეთ? განა გედეონს ღვაწლისამებრ მოექეცით? განა სწორად მოიქეცით აბიმელექი რომ გაამეფეთ და მამაჩემის ძეები ერთ ქვაზე რომ დაკალით? და თუ სწორად მოიქეცით მაშინ იხარეთ აბიმელექით და მანაც იხაროს თქვენით. და მთავრობდა აბიმელექი ისრაელზე სამი წელი. ღმერთმა ბოროტი სული გამოგზავნა აბიმელექსა და შექემელებს შორის მტრობის ჩამოსაგდებათ რადგანაც აბიმელექიცა და შექემელებიც დასჯილიყვნენ სათანადოთ აბიმელექი იმიტომ რომ 70 ძე გედეონისა ერთ ქვაზე დაკლა და შექემელები იმისთვის რომ მათ ხელი გაუმაგრეს აბიმელექს. თხრობა რომ არ გაგვიგრძელდეს ჩამოვარდა მტრობა აბიმელექსა და შექემელებს შორის. შექემელებმა მიიღეს ზებული და უჯერებდნენ მას. ხოლო გაყალი ასევთქვათ მთავარსარდლად ედგა შექემელებს. გაიხედა გაყალმა და რა დაინახა აჰაა ხალხია ჩასაფრებული და ეშვება მთიდან. მთების ჩრდილია და გეჩვენება უთხრა ზებულმა. და კვლავ ალაპარაკდა გაყალი აჰაა მართლა ეშვება ხალხი მთიდან და უთხრა ზებულმა: სად არის შენი ბაგე რომლითაც თქვი, ვინ არის აბიმელექი რომ ვემსახუროთ მას. აგერ აბიმელექი აი ეს ხალხია რომლებიც მოიძულე შენ გადი და შეები. გაუძღვა გაყალი შექემელებს და შეება აბიმელექს. დაედევნა აბიმელექი და უკუ იქცა მისგან გაყალი, დაეცაო მრავალი დახოცილი კარიპჭის შესასვლელთან. განდევნა ზებულმა გაყალი და მისი ძმები შექემიდან. მეორე დღეს შეატყობინეს აბიმელექს ეს ამბავი. მან კი თავის რაზმი სამ ნაწილად დაჰყო და ველზე დააბანაკა. ქალაქიდან გამოსული ხალხი რომ დაინახა თავს დაესხა აბიმელექის სამ ნაწილიდან დაყოფილი ორი რაზმი ხოლო აბიმელექმა და ერთმა რაზმა შეუტია უშვალოდ ქალაქს. ამ ბრძოლამ მთელი დღე გასტანა და საბოლოვო ჯამში გაწყვიტა ამ ქალაქში მყოფი მოსახლეობა. და შეიტყო შექემის გოდლის ყველა მკვიდრმა და შეცვივდნენ ელ–ბერითის სახლის გოდოლში. ეს შეიტყო აბიმელექმა და ცალმონის მთაზე ასულმა ხის ტოტები მოჭრა იგივე გაიმეორა მისმა თანხლებმა პირებმა და ეს ტოტები შემოუწყვეს იმ გოდოლს რომელშიც შექემელები იყვნენ. ცეცხლს მისცეს ის გოდოლი სადაც შექემელები იყვნენ და ამოწყდა იმ დღეს 1 000 კაცი და ქალი. ამის შემდეგ გამარჯვების ჟინით აღვსილმა აბიმელექმა გადაწყვიტა რომ ქალაქი თებეციც აეღო. გაემართა მთელი მისი მხედრებით თებეცისკენ. ალყა შემოარტყეს და დაიპყრეს იგი. ამ ქალაქის შუა გულში იდგა მძლავრი გოდოლი დაშინებული მოსახლეობა ამ ქალაქისა გაემართა ამ გოდოლისკენ და შეიკეტნენ შიგნით აბიმელექი მიადგა გოდოლს რათა გადაეწვა იგი. სიქიმელებს უკვე მიეზღოთ თავისი საქციელიდან გამომდინარე ახლა ჯერი აბიმელექზე მიდგა. გოდლის წინ მდგარ აბიმელექს ქალი თავში დოლაბის ნატეხს მოარტყავს და თავის ქალას ჩაუმტვრევს. მომაკვდავი აბიმელექი უმალ თავის საჭურველმტვირთველს უხმობს და ეტყვის: იშიშვლე მახვილი და მომკალი რადგანაც ხალხმა შემდგომში არ სთქვას ქალის ხელით აღესრულა აბიმელექიო. ბიჭმაც უმალვე აღასრულა აბიმელექის ბოლო სურვილი და მახვილით განგმირა. როდესაც იხილეს ისრაელიანებმა მკვდარი აბიმელექი წავიდ–წამოვიდნენ თავ–თავიანთ სახლებში. ასე მიუზღო უფალმა აბიმელექს იმ ბოროტებისათვის რაც მან თავისი მამის წინაშე ჩაიდინა როდესაც მან თავის ძმები მოკლა. ასევე მიეზღო სიქიმელებს თავის ცოდვებისდა გამო და მოიქცა წყევლა იოთამ იერობაყალის ძისა აბიმელექზე და სიქიმელებზე.

თბილისის სასულიერო სემინარია
საღვთისმეტყველო ფაკულტეტი
სტუდენტი: ირაკლი ასტამაძე.

გედეონის საქმეები.
რაჟამს აღესრულება ყორები და ზეები, ყორები ყორების მთებთან ზეები ზების საწნახელთან, ჩამოვარდება კონფლიქტი ეფრემის ტომსა და გედეონს შორის. ეფრემიანები გედეონს საყვედურობენ რომ როდესაც თქვენ მათ ებრძოლებოდით რატომ არ შეგვატყობინეთ ჩვენც. გედეონმა თავმდაბლობით მიუგო მათ: თქვენოდენი რა გამიკეტებია მე? განა ეფრემის ნამცვერავი არ სჯობია აბიყეზერელის რთველს? ღმერთმა ხელში ჩაგიგდოთ მიდიანის მთავრები ყორეები და ზეები. და როდესაც ეს სიტყვა უთხრა გედეონმა დააცხრო მათი რისხვა ეფრემიანელების წინაშე. ამრიგად გედეონი სამას კაცთან ერთად გაემართება იორდანის გაღმა და გადალახავს იორდანეს. მიადგება ქალაქს რომელსაც ქვიან სუქოთ. და უთხრა გედეონმა სუქოთის მცხოვრებს მიეცით პურის კვერები ჩემს ჯარს რადგანაც დაქანცულები არიან, ხოლო მე ზებახს და ცალმუნაყს მივსდევ. ამ ქალაქის მკვიდრებმა უპასუხეს გედეონს განა ზებახი და ხალმუნაყი უკვე ხელში გყავს შენი ჯარი რომ დავაპუროთ? მიუგო გედეონმა კეთილი როდესაც ზებახს და ცალმუნაყს ხელში ჩავიგდებ მოვალ და უდაბნოს ეკლითა და კვრინჩხით დაგიფლეთთ ხორცებს. სუქოთიდან გაემართა გედეონი ქალაქ ფენუელისკენ მათთანაც იგივე სათხოვარი ქონდა და მათაც ამგვარად უპასუხეს მას. გედეონმა მათაც იგივე სასჯელი აღუთქვა რაც სუქოთელებს. როდესაც დავბრუნდები ამ კოშკს დავანგრევ.( რომელიც მათ ქალაქში იყო აღმართული) ზებახი და ცალმუნაყი კორკორში იყვნენ დაბანაკებულნი თავის 15 000 კაცით. გედეონი თავის ლაშქრითურთ გაემართება კარვების ქალაქიდან და მოულოდნელად შეუტევს მათ დაბნეულმა ჯარმა აღარ იცის რა ქნას. ამოწყვეტენ ზებახისა და ცალმუნაყის ლაშქარს გედეონი და მისი ხალხი. ხოლო მიდიანელი მთავრები ვკლავ ხელიდან დაუსხლტებიან. დაედევნება გედეონი და შეიპყრობს მათ. ამის შემდგომ გედეონი ერთ სუქოთელ ბიჭს შეიპყრობს რომელსაც ჩამოაწერინებს მთავრებისა და უხუცესების სახელებს. მიადგებიან სუქოთს სწორედ იმ ქალაქს სადაც მათ პური არ აჭამეს. გედეონი მიმართავს სუქოთელებს: აი ზებაზი და ცალმუნაყი, რომელთათვისაც არ აჭამეთ ჩემს ჯარს პური. და გამოიყვანა გედეონმა ქალაქის უხუცესნი და უდაბნოს ეკლითა და კვრინჩხით დააფლითა ხორცები. ხოლო კოშკი რომელიც აღმართული იყო ფენუელში დაამხო და იქ მცხოვრები ხალხი მოსრნა. ამის შემდეგ გედეონმა უთხრა ზებახსა და ცალმუნაყს, რანაირები იყვნენ ის კაცები თაბორის მთაზე რომ დახოცეთ? შენნაირები ტანადები და მამაცები. ჩემი ძმები იყვნენ ისინი. ვფიცავ ისინი რომ ცოცხლები დაგეტოვათ თქვენც არ დაგხოცავდით. და მოუხმობს გედეონი თავის პირმშოს იეთერს და ეტყვის რომ დახოცოს ზებახი და ცალმუნაყი, მაგრამ ბიჭი ამათ ვერ შეძლებს რადგანაც ჯერ კიდევ პატარა იყო და შიში ქონდა. ხოლო ზებახმა და ცალმუნაყმა უთხრა გედეონს: შენ თავად დაგვხოცე რადგანაც რაც არის კაცი ის არის მისი ძალ–ღონეც. და ადგა გედეონი და დახოცა ზებახი და ცალმუნაყი. ხოლო მათ აქლემებს კისრიდან ჩამოხსნა ოქროს ნახევარმთვარეები. ამის შემდეგ ისრაელიანი ერი გადაწყვეტს რომ გაამეფოს გედეონი, მარტო გედეონი კი არა მათი ძეებიც და ძეთა ძეებიც. გედეონი ამაზე უარს განაცხადებს. ხოლო ამ ხალხს ეტყვის: მე არ ვიხელმწიფებ თქვენზე არც ჩემი ძენი იხელმწიფებენ თქვენზე უფალი იხელმწიფებს თქვენზე. გედეონი ამ ხალხისგან მოითხოვს საყურეებს როდესც დაიხსნის ისრაელიანი ერი საყურეებს და ერთ ადგილზე შეაგროვებენ გამოვა წონით 1700 ოქროს შეკელი, გარდა იმ ნახევარმთავრეებისა რომელიც გედეონმა მიდიანელი მთავრების აქლემებს დახსნა. და ჩამოასხა გედეონმა ეფოდი, ოქროს ეფოდი ჩამოასხა მან და დადგა იგი თავის ქალაქში ყოფრაში. მეძაობდაო იქ მთელი ისრაელიანი ერი მის კვალზე და მახედ ექცა გედეონსა და მის სახლს. დამორჩილდა ისრაელიან ერს მიდიანელები და თავი აღარ წამოუყვიათ. და წავიდა იერუბაყალი იოაშის ძე თავის სახლში და დამკვიდრდა. გედეონს ყავდა 70 ძე. მაგრამ ამათგან მხოლოდ 3 არის ცნობილი ვინაიდან და რადგანაც წმ. წერილს მეტი არ აინტერესებს. ამ სამიდან ერთ–ერთი არის აბიმელექი რომელიც შექემელმა ხარჭამ გაუჩინა გედეონს. გედეონი ღრმა სიბერეში მიცვალება და დაიმარხება მისი მამის იოასის სამარხში, აბიყეზერის ყოფაში. როდესაც გედეონი აღესრულა მალევე გადაუხვია ისრაელიანმა ერმა უფლისკენ მავალი გზიდან და გაიხადეს ღმერთად ბაყალ–ბერითი და თაყვანისცემდნენ მას.

თბილისის სასულიერო სემინარია
საღვთისმეტყველო ფაკულტეტი
სტუდენტი; ირაკლი ასტამაძე.

თავშესაფარი ქალაქები.
როგორც მოგეხსენებათ თავშესაფარ ქალაქებზე თხრობა გვხვდება ისუ ნავეს ძის წიგნის მე–20 თავში. ზოგადად ეს თხრობა მარტივია,თავის შინაარსიდან გამომდინარე. აქ აქცენტი უნდა გავაკეთოთ იმ ქალაქებზე და იმ ადგილებზე სადაც უშვალოდ ეს ქალაქები იყო აშენებული. მაგრამ ვიდრემდე ამ საკითხის შესახებ დავიწყებდეთ საუბარს მანამდე ზოგადად ავღნიშნოთ თუ რა ფუნქციისა და შინაარსის მატარებელი იყო ეს ქალაქები. უფალი ელაპარაკება ისუს რომ დაიდგინონ ქალაქები მათ შორის, რათა უნებლიე მკვლელობის დროს საშვალება ჰქონდეს
,, მკვლელს’’ თავი შეაფაროს ამ ქალაქს რათა ცხელ გულზე უბედური შემთხვევით მოკლულის ახლობელმა არ იძიოს შური მასზე. უნებლიე მკვლელი გაიქცეოდა ხოლმე ამ ქალაქის კარიბჭესთან განაცხადებდა თავის ამბავს თუ რა შეემთხვა მას და უხუცესიც დააბინავებდა მას. მას ქონდა უფლება ეცხოვრა იქამდე სანამ ის თემის წინაშე არ წარსდგებოდა, ანდა სანამ მღვდელმთავარი არ მოკვდებოდა. მხოლოდ ამის შემდგომ შეეძლო მკვლელს თავის ქალაქში, თავის სახში დაბრუნება. ეს ქალაქები გამოყვეს: გალილეაში, ნაფთალის მთაში, ეფრემის მთაზე, ხებრონში და იუდას მთაში. ასევე ქალაქები გამოყვეს იორდანის გაღმა სულ 3 ქალაქი გამოყვეს და ესენია: ბეცერი; რამოთი და გოლანი. ამ ქალაქებში თავის შეფარება შეეძლო ყველა უნებლიე მკვლელს, მათ შორის იმ ხიზანთათვისაც იყო კარი ღია რომელნიც ისრაელიან ერში მკვიდრობდა.

თბილისის სასულიერო სემინარია
საღვთისმეტყველო ფაკულტეტი
სტუდენტი : ირაკლი ასტამაძე.

ისრაელიანი ერისთვის მიწების დანაწილება. ტომთა დამკვიდრების ზოგადი მიმოხილვა.
როგორც მოგეხსენებათ ისრაელიანი ერი როდესაც შედის აღთქმულ მიწაზე მათ უხდებათ ომი სხვა და სხვა ქალაქებთან, მაგრამ მაინც ძირითად მასას წარმოადგენენ ქანაანელები. რომლებსაც როგორც ვიცით ისრაელიანები ბოლომდე ვერ აყრიან (უფლის დაშვებით) მაგრამ აყრიან იმდენს რომ მათ დაიმკვიდრონ მის ნაცვლად. ზოგადად სამკვიდრებელი შეხვდება: იუდას, დანის, ბენიამინის, ეფრემის, მენაშეს, გადის, ნეფთალის, აშერის, რუბენის, ისიქარის ზაბულონის ტომებს. ხოლო ლევიანთა ტომს სამკვიდრო არ შეხვედრია რადგან უფალია მათი სამკვიდრო როგორც ამას მოსე ეუბნება აარონს მე ვარ შენი სამკვიდრო. შენი სამკვიდრებელი ჩემი წიაღია. მაგრამ როგორც ვიცით ლევიანებს გარკვეული მიწები გამოეყოთ როგორც საცხოვრებელად ასევე საძოვრებისთვის. მაგრამ ახლა უშვალოდ უნდა დავიწყოთ იუდას ტომით საუბარი ვინაიდან და რადგანაც იუდას ტომია სათავე სხვაგვარად რომ ვთქვათ ათვლის წერტილი ტომთა დამკვიდრებისა.1) იუდა რომლის ტომი 76 000 ათასი კაცისგან შედგებოდა.ეს ტომი იმთავითვე გამორჩეული იყო ვინაიდან და რადგანაც შემდგომ მაცხოვარი ამ შტოდან წამოვა. ამ ტომის ასევთქვათ კოლორიტი, გამოსული, ადამიანი იყო ქალებ იეფუნის ძე რომელსაც შეხვდება სამკვიდრო იუდას ტომში ეს არის ქალაქი ხებრონი, სადაც ჯერ კიდევ მკვიდრობდნენ ქანაანელები ამ ქანაანელებს აყრის ღოთონიელი რიგით პირველი მსაჯული და ქალებ იეფუნის ძის შვილის ყაქსას ქმარი. შემდეგ იმკვიდრებს 2)ეფრემის ტომი რომლის ხალხთა რაოდენობა შეადგენს 22000 კაცს. ეფრემის შემდეგ იმკვიდრებს 3)მანაშე რომლის ტომთა რაოდენობა შეადგენს 26 000 ათას კაცს. მენაშე და ეფრემი იმკვიდრებენ იუდას ჩრდილოეთ ნაწილში. შემდეგ იმკვიდრებს 4)ბენიამინი, ეს დამკვიდრება ხდება იუდასა და ეფრემის ტომთა შუაში. ამის შემდგომ იმკვიდრებს 5)სიმონი იუდას სამხრეთით ყველაზე ქვემოთ. სიმონის შემდგომ იმკვიდრებს 6)დანი. დანი მკვიდრდება 64 000 კაცით ეფრემსა და იუდას შორის ბენიამინის გვერდით. ძირითადი მასა ისრაელიანი ერისა დამკვიდრებულია მაგრამ ახლა დარჩა დასამკვიდრებელი ისიქარი, ზებულონი, ნეფთალი, აშერი, რუბენი, გადი და ლევი.

იხილეთ ისუ ნავეს ძის წიგნის,
მე–18 თავის 1–9 მუხლი.


თბილისის სასულიერო სემინარია
საღვთისმეტყველო ფაკულტეტი
სტუდენტი; ირაკლი ასტამაძე.