ვირტუალურ სივრცეზე დამოკიდებულების ვნება/სინდრომი, თანამედროვეობის აქტუალური პრობლემა პარამეტრები

[lingvo]

ინტერნეტ-დამოკიდებულება წარმოადგენს ტიპიურ კომპულსიურ-იმპულსიურ დარღვევას, რომელიც შეყვანილ უნდა იქნას ფსიქიატრიის ოფიციალურ ცნობარში - ამ აზრს ორეგონის ჯანმრთელობისა და მეცნიერების უნივერსიტეტის მეცნიერი ჯერალდ ბლოკი (Jerald Block) აფიქსირებს ჟურნალში ”American Journal of Psychiatry”.
დოქტორმა ბლოკმა ინტერნეტ-დამოკიდებულება განსაზღვრა, როგორც ”კომპიუტერული თამაშებით, სოციალური საიტებით, ”ჩატით” და ელექტრონული ფოსტით ზედმეტი გატაცება”. როგორც სხვა დამოკიდებულებების შემთხვევაში, კომპიუტერის მომხმარებელი განიცდის ინტერნეტში შესვლის გადაულახავ და აკვიატებულ სურვილს, მოხსნის სინდრომს, ტოლერანტობას, რომელიც ვლინდება სულ უფრო ახალი და უკეთესი აპარატურისა და პროგრამული უზრუნველყოფის შეძენისათვის სწრაფვასა და ასევე, on-line რეჟიმში უფრო მეტი დროის გატარებაში.
დოქტორი ბლოკის სიტყვებით, ინტერნეტ-დამოკიდებული ადამიანები კარგავენ დროის შეგრძნების უნარს, ასევე შეუძლიათ ფიზიოლოგიური მოთხოვნების იგნორირება (უარი ჭამასა და ძილზე). ”დაავადებას” არაიშვიათად ახლავს რეციდივები, და რიგ შემთხვევებში საჭიროებს ფსიქოაქტიური პრეპარატების დანიშვნას ან ჰოსპიტალიზაციას.
ამავე დროს, სპეციალისტების აღნიშნავენ, რომ ზღვარი კომპიუტერის მოხმარების ნორმასა და პათოლოგიას შორის ძალიან მცირეა და ამდენად, აშლილობის დიაგნოსტირება შეიძლება საკმაოდ გართულდეს.
სავარაუდოდ, ინტერნეტ-დამოკიდებულება აღენიშნება კომპიუტერის მომხმარებელთა 5-დან 10%-ს, რომელთა შორის სჭარბობენ საკმაოდ განათლებული მამაკაცები - ინტროვერტები და ასევე, საშუალო ასაკის დიასახლისები.

წყარო: http://ajp.psychiatryonline.org/cgi/conten...ourcetype=HWCIT

ტესტი ვირტუალურ სივრცეზე დამოკიდებულების ხარისხის განსაზღვრის მიზნით: http://www.netaddiction.com/index.php?opti...d=46&Itemid=106

ეს პრობლემატიკა უპირატესად ეხება მოზარდ თაობას, თუმცა არამარტო მათ. ვფიქრობ მოზრდილ ადამიანსაც შეექმნება დამოკიდებულიების პრობლემა ვირტუალური სივრცის მიმართ, თუ ყურადრება არ მიაქცია ინტერნეტში გატარებულ დროს...

[A.V.M]

ქალმა "ტვიტერში" ონლაინ-რეჟიმში იმშობიარა
ლოს-ანჯელესში მცხოვრებმა ბრიტანელმა ბლოგერმა რუთ იორიომ "ტვიტერში" ონლაინ-რეჟიმში იმშობიარა.

ქალმა ბავშვი საკუთარი სახლის სააბაზანოში გააჩინა. მთელი 12 საათის განმავლობაში, მას შემდეგ, რაც სამშობიარო ტკივილები დაეწყო მანამდე, ვიდრე ჩვილი გააჩინა და სისხლის გადასასხმელად საავადმყოფოში წაიყვანდნენ, რუთი ”ტვიტერში” პოსტავდა და ფოტოებს აქვეყნებდა.

როგორც Huffington Post-ისთვის მიცემულ ინტერვიუში განაცხადა, მთელი ამ "ვიდეო-მშობიარობის არსი იმაში მდგომარეობდა, რომ ხალხისთვის ეჩვენებინა სახლში მშობიარობის უნიკალური გამოცდილება". რუთის მეუღლე ჯარედს მთელი ეს დრო ფოტოაპარატი ეჭირა და მშობიარობის ყველა დეტალს იღებდა და "ტვიტერში" ტვირთავდა.

თუ "ტვიტერში" მის პოსტებს გადახედავთ, ნახავთ, რომ

მთელი 12 საათის განმავლობაში, სისტემატურად აქვეყნებდა ინფორმაციას, თუ რას გრძნობს, რა მდგომარეობაშია ჩვილი, მზადაა თუ არა მშობიარობისთვის, ეშინია თუ არა გინეკოლოგის გარეშე ბავშვის გაჩენის და ა.შ. თითოეულ პოსტს თან ახლდა ფოტოები.

საბედნიეროდ, ამ ექსპერიმენტს პატარას ჯანმრთელობისთვის საფრთხე არ შეუქმნია და ბიჭუნა, სახელად ნი სოლედადი ჯანმრთელი დაიბადა. თუმცა, ბავშვის გაჩენიდან რამდენიმე წუთში დედის საავადმყოფოში გადაყვანა გახდა საჭირო, რადგანაც მშობიარემ ბევრი სისხლი დაკარგა. რასაკვირველია, "ტვიტერში" საავადმყოფოში გადაღებული ფოტოც ატვირთა და ამ გზით ბებიაქალებს დაუჭირა მხარი.


მომზადებულია Huffington Post-ის მიხედვით.


წყარო/Source: http://www.ambebi.ge/mozaika/94191-qalma-q...l#ixzz2q5hw7LdF