ძველი აღთქმიდან დღემდე, დეტალური განმარტებები პარამეტრები

[ნათია]

როგორც შევთანხდით ვიწყებთ ძველი აღთქმიდან დეტალურ განხილვას, განმარტებებს წმ. მამების მიხედვით

თითო-თითო თავი განვიხილოთ, სანამ შეკითხვები არ ამოიწურება მანამდე ნუ გადავალთ მომდევნო თავზე

დაბადება

თავი პირველი

1. თავდაპირველაღ ღმერთმა შექმნა ცა და მიწა.

2. მიწა იყო უსახო და უდაბური, ბნელი იდო უფსკრულზე და სული ღვთისა იძვროდა წყლებს ზემოთ.

3. თქვა ღმერომა: იყოს ნათელი ! და იქმნა ნათელი.

4. და ნახა ღმერთმა, რომ ნათელი კარგი იყო, და გაჰყარა ღმერთმა ნათელი და ბნელი.

5. ნათელს ღმერთმა უწოდა დღე და ბნელს უწოდა ღამე. იყო საღამო, იყო დილა - პირველი დღე.

6. თქვა ღმერთმა: იყოს წყალთა შორის მყარი და გაჰყაროს წყლები.

7. გააჩინა ღმერთმა მყარი და გაჰყარა ერთმანეთისგან წყალი, რომელიც არის მყარს ქვემოთ, და წყალი, რომელიც არის მყარს ზემოთ. და იქმნა ასე.

8. მყარს ღმერთმა უწოდა ცა. იყო საღამო, იყო დილა - მეორე დღე.

9. თქვა ღმერთმა: შეგროვდეს ერთგან ცისქვეშეთის წყალი და გამოჩნდეს ხმელეთი. და იქმნა ასე.

10. ხმელეთს ღმერთმა უწოდა მიწა და შეგროვილ წყალს უწოდა ზღვა. დაინახა ღმერთმა, რომ კარგი იყო.

11 . თქვა ღმერთმა: აღმოაცენოს მიწამ მცენარეული - ბალახი, თესლის მთესველი, ხე ნაყოფიერი, თესლოვანი ნაყოფის მომტანი მიწაზე თავისი გვარისდა მიხედვით. და იქმნა ასე.

12. წარმოშვა მიწამ მცენარეული - ბალახი, თესლის მთესველი თავისი გვარისდა მიხედვით, და ხე, თესლოვანი ნაყოფის მომტანი, თავისი გვარისდა მიხედვით.

13. იყო საღამო, იყო დილა - მესამე დღე.

14. თქვა ღმერთმა: იყოს მნათობები ცის მყარზე დღისა და ღამის გასაყრელად, დროჟამის აღმნიშვნელად - დღეებისა და წელიწადებისა;

15. იყვნენ მანათობლებად ცის მყარზე რომ გაანათონ მიწა. და იქმნა ასე.

16. გააჩინა ღმერთმა ორი მთავარი მნათობი, - დიდი მნათობი დღის განმგებლად და მცირე მნათობი ღამის განმგებლად - და ვარსკვლავები.

17. დასხა ისინი ღმერთმა ცის მყარზე, რომ გაენათებინათ მიწა,

18. განეგოთ დღე და ღამე, გაეყარათ ნათელი და ბნელი. დაინახა ღმერთმა, რომ კარგი იყო.

19. იყო საღამო, იყო დილა - მეოთხე დღე.

20. თქვა ღმერთმა: აფუთფუთდეს წყალში სულდგმული; მიწის ზემოთ კი, ცის მყარზე, ფრინველმა იფრინოს. და იქმნა ასე.

21 . შექმნა ღმერთმა დიდი თევზები და ყოველი სულდგმული, მცურავი თავ-თავისი გვარისდა მიხედვით, რაც-კი წყალში ფუთფუთებს, და ყველა ფრთოსანი თავ-თავისი გვარისდა მიხედვით. დაინახა ღმერთმა, რომ კარგი იყო.

22. აკურთხა ღმერთმა ისინი და თქვა: ინაყოფიერეთ და იმრავლეთ, აავსეთ ზღვები. ფრინველებმა იმრავლონ მიწაზე.

23. იყო საღამო, იყო დილა - მეხუთე დღე.

24. თქვა ღმერთმა: წარმოშვას მიწამ სულდგმული თავთავისი გვარისდა მიხედვით - პირუტყვი, ქვემძრომი და მიწის მხეცები თავ-თავისი გვარისდა მიხედვით. და იქმნა ასე.

25. გააჩინა ღმერთმა ნადირი თავ-თავისი გვარისდა მიხედვით, საქონელი თავ-თავისი გვარისდა მიხედვით და ქვემძრომი თავ-თავისი გვარისდა მიხედვით. დაინახა ღმერთმა, რომ კარგი იყო.

26. თქვა ღმერთმა: გავაჩინოთ კაცი ჩვენს ხატად, ჩვენს მსგავსებად. ეპატრონოს ზღვაში თევზს, ცაში ფრინველს, პირუტყვს, მთელს დედამიწას და ყველა ქვემძრომს, რაც კი მიწაზე დახოხავს.

27. შექმნა ღმერთმა კაცი, თავის ხატად შექმნა იგი, მამაკაცად და დედაკაცად შექმნა ისინი.

28. აკურთხა ღმერთმა ისინი და უთხრა: ინაყოფიერეთ და იმრავლეთ, აავსეთ დედამიწა, დაეუფლეთ მას, ეპატრონეთ ზღვაში თევზს, ცაში ფრინველს, ყოველ ცხოველს, რაც კი დედამიწაზე დახოხავს.

29 . თქვა ღმერთმა: აჰა, მომიცია თქვენთვის ყოველი ბალახი, თესლის მთესველი, რაც კი დედამიწის ზურგზეა, და ყოველი ნაყოფიერი ხე, თესლის მთესველი. ეს იყოს თქვენი საზრდო.

30. მიწის ყველა მხეცს, ცის ყველა ფრინველს, ყველა ქვემძრომს, რასაც კი სიცოცხლის სული უდგას, მწვანე ბალახი ჰქონდეს საჭმელად. და იქმნა ასე.

31. დაინახა ღმერთმა ყოველივე, რაც გააჩინა, და აჰა, ძალიან კარგი იყო. იყო საღამო, იყო დილა - მეექვსე დღე.

ვისაუბროთ ამ თავის გარშემო...


აბა შეკიხვები, გთხოვთ კომპეტენტურმა პირებმაც დაგვეხმარონ, თორემ მარტო ვერაფერს გავხდებით

[azazeli]

იუდა ებრძვის ქანაანელთ.
როგორც მოგეხსენებათ ისრაელიან ერს წინამაძღვრობდა ისუ ნავეს ძე მაგრამ ახლა ისუს გარდაცვალების შემდგომ ისრაელიანი ერი დარჩა წინამძღვრის გარეშე და მათ უწევთ დამოუკიდებლად რაღაც–რაღაც საკითხების გადაჭრა. მაგრამ ისრაელიან ერს ისუს გარდა წინამძღვრობდა ვინ?ყოვლადძლიერი ღმერთი და ახალ სწორედ ისუს გარდაცვალების შემდგომ მიმართავს ისრაელიანი ერი ღმერთს: ვინ წარგვიძღვება ქანაანზე საბრძოლველად ? და ქანაანელებთან საბრძოლველად ღმერთი გამოარჩევს იუდას ტომს, იუდას ტომი მის მოძმე სიმონის ტომს სთხოვს დახმარებას და ეტყვის რომ გამოყვეს მის წილხვდომში საბრძოლველად, ხოლო როდესაც გაიმარჯვებს, შემდგომ ის გაყვება მის წილხვდომში საბრძოლველად. დათანხმდა სიმონი, და გამართეს ბრძოლა ქანაანელებთან და ფერიზეველებთან ბეზეკში სადაც ათი ათასი კაცი მოსრეს. ბეზეკში ომის დროს ისინი გადააწყდნენ ადონი–ბეზეკს რომელიც გაექცათ მათ მაგრამ დაეწია იუდას და სიმონის ტომი და შეიპყრეს იგი. მას დააჭრეს ხელისა და ფეხის ცერები. და თქვა ადონი–ბეზეკმა: როგორც მე ვაკეთებდი სწორედ ისე მომაგო მე ღმერთმაო. და წაიყვანეს ის იერუსალიმს და იქ გარდიცვალა. იუდას და სიმონის ტომების დაპყრობითი ომები მხოლოდ ამით არ ამოწურულა, მათ იერიში მიიტანეს იერუსალიმზე და აიღეს იგი და მოსრეს იგი მახვილის პირით, და ქალაქი ცეცხლს მისცეს.ამის შემდეგ იუდას ტომმა გაილაშქრა ქანაანელებზე რომლებიც მკვიდრობდნენ მთებში, ნეგებში, და ბარად. იუდამ ხებრონშიც გაილაშქრა ქნაანელებზე სადაც დაამარცხეს შეშაი თალმაი და ახიმანი. და გაილაშქრეს იქიდან დებირის მკვიდრებზე უწინ მათ კირიათ–სეფარი ერქვა და თქვა ქალებმა: ვინც კირიათ სეფარს აიღებს მივცემ მათ ჩემს შვილს, ყაქსას ცოლად. და აიღო იგი ღოთონიელმა ქალების უმცროსი ძმის, კენეზის ძემ. ამის შემდგომ იმართება დიალოგი ღოთონიელსა და ქალებს შორის, რასაც მოკლედ განვიხილავთ. ღოთონიელი დაიყოლიებს ქალებს რომ გამოითხოვოს მამისაგან მინდორი და ეუბნება ასეთ რაღაცას: რაკი ნეგების ქვეყანა მიბოძე, ბარემ წყლის წყაროებიც მიბოძეთ და მისცა მას როგორც ზემო ისე ქვემო წყარონი. ამის შემდეგ გაილაშქრა იუდამ სიმონათან ერთად ქანაანელების წინააღმდეგ რომლებიც მკვიდრობდნენ ცეფათში და დაარისხეს ეს ქალაქი და დღევანდლამდე ეწოდება ხორმა. ამის შემდგომ აიღო იუდამ ღაზა, აშკელონი და ყეკლონი. და იყო უფალი იუდასთან და დაიმკვიდრა მთა მაგრამ ვერ აყარა ბარელები რადგანაც რკინის ეტლები ჰქონდათ. და მისცეს ქალებს ხებრონი როგორც მოსეს ქონდა ნათქვამი, და აჰყარა მან იქიდან სამი ძე ყენაკისა. ხოლო იებუსეველები იერუსალიმის მკივიდრები არ აუყრიათ ბენიამინის ძეთ და დღევანდლამდე იქ ცხოვრობენ, ბენიამინის ძეებთან ერთად იერუსალიმში.
ომების მხრივ, გამონაკლისი არც იოსების ტომი გახლდათ. და მან შეუტია ბეთელს, მაგრამ ვიდრე შეუტევდა და რაიმე სპეც–ოპერაციებს განახორციელებდა, მანამდე კარგად ზვერავდა ბეთელს. ერთხელ როდესაც იოსების ტომი დაზვერვით ღონისძიებებს ატარებდა შენიშნა რომ ქალაქიდან გამოვიდა კაცი და უთხრეს მას მზვერავებმა: გვიჩვენე ქალაქის შესასვლელი და წყალობას გიზამთ. კაცმაც უჩვენა ქალაქის შესასვლელი დაეცა იოსების ტომი თავს ქალაქცს მოწყვიტეს მახვლიებით მთელი ეს ხალხი ხოლო ეს კაცი და მთელი მისი სახლეული შეიწყალეს, ეს ადამიანი თავისი ოჯახითურთ დამკვიდრდა ხეთელთა ქვეყანაში, სადაც მან ააშენა ქალაქი და უწოდა მას სახელად ლუზი.
არც ეფრემს, არც ზებულონს,არც აშერს,არც ნაფთალს არ აუყრია უცხო ტომელები სხვადასხვა ქალაქებიდან. ხოლო იოსების ხელი დამძიმდა ამორეველებზე რომლებიც ცხოვრობდნენ ხერესის მთაზე და გაუხდნენ ისინი მოხარკეებად.
ისრაელის ურჩობა, მონანიება და სასჯელი.
მსაჯულთა წიგნის მე–2 თავში საუბარია იმის შესახებ თუ როგორ ურჩობდა ისრაელიანი ერი, მას შემდეგ რაც აღესრულა ისუ ნავეს ძე. ამის გამო მათ არაერთი სასჯელი დაატყდა თავს. მაგრამ სანამ უშვალოდ ამ სასჯელების, ურჩობისა მონანიებების შესახებ დავიწყებდეთ საუბარს მანამდე უნდა ვისაუბროთ იმის შესახებ თუ რაზეა დამყარებული მთელი ძველი აღთქმის მსაჯულთა ეპოქა. წმ. წერილში წერია ერთი ასეთი რაღაცა, ,, მოკვდა ის თაობა– წავიდა ის თაობა,, თავის მამა–პაპასთან წავიდა.აი ეს არის ადამიანი,რომელიც მიუძღვის ერს გარკვეული დროის შემდეგ ეს კვდება ეს რომ კვდება წმინდა წერილში წერია თაობა კვდებაო აი ეს ერთი ეპოქაა ერთი პერიოდია. ეს თაობა რომ კვდება მოდის ახალი თაობა ახალი თაობა ნიშნავს არა ახალ გენერაციას ვთქვათ მე ვარ და ჩემი შვილი, ჩემი შვილი ახალი თაობაა, არა ახალ თაობა ნიშნავს ახალებურ თაობას, სხვანაირ თაობას. ანუ ახალი თაობაო წმინდა წერილი რომ იტყვის აუცილებელი კი არ არის შემდეგი გენერაცია იყოს, შეიძლება ის იყოს შვილთაშვილის ან კიდე იმის შვილის თაობა მაგრამ ახალია თაობა, სხვანაირია. რას ნიშნავს სხვანაირია თაობა რანაირად უნდა იყოს ის ახალი თაობა სხვანაირი არა დროის სივრცული თვალსაზრისით არამედ ფასეულობათა თვალსაზრისით. პირველ რიგში ეს არის აზროვნება და შემდგომ ამ აზროვნებიდან გამომდინარე იკვეთება ცხოვრება. პრობლემა რატომაც ამ თაობას დაერქვა ახალი გახლავთ ის რომ ამ თაობამ არ იცის რა წყალობა უყო ღმერთმა მათ მამა პაპას.არ იცის ეს ამბავი, არ გაუგია.ადამიანის აზროვნება თავისთავში გულისხმობს მის რელიგიურ წარმოდგენებს აუცილებლად. როგორ ვაზროვნებ,როგორ ვცხოვრობ,აი ის რელიგია იკვეთება შენში.რელიგია რა არის ღმერთთან ურთიერთობა, ღმერთთან დამოკიდებულება. 1)არის კონკრეტული თაობა რომელიც ითხოვს და ღმერთი ეწევა მას. კვდება თაობა და თაობასთან ერთად კვდება დროც.
2) მოდის ახალი თაობა ახალი თაობა გახლავთ ახლებური თაობა რომელმაც არ იცი რა წყალობა უყო ღმერთმა მის მამა –პაპას. 1)განეშორება ღმერთს. 2) მიდის კერპთან. 3)მერე მოდის ტანჯვა. 4)ტანჯვას მოსდევს ტირილი. 5) ტირილს მსაჯულის გამოჩეენა. 6) მსაჯულის გამოჩენას ხსნა. 7) შემდეგ მშვიდობა. 8)შემდეგ სიკვდილი. 9) შემდეგ ახალი თაობის გამოჩენა.

მსაჯულები: 1) ღოთონიელი, რომლის მოსვლამდე იყო 8 წელი ტანჯვა ხოლო მისი მოსვლის
შემდგომ 40 წელი მშვიდობა.
2)აჰუდი, რომლის მოსვლამდე 18 წელი იყო ტანჯვა, ხოლო მისი მოსვლის შემდგომ
80 წელი მშვიდობა.
3) სემაგარი.
4)დებორა, ქალი მსაჯული რომლის მოსვლამდე 7 წელი იყო ტანჯვა, ისრაელს
ამალეკელები და მიდიანელები აუხრებდნენ, მისი მოსვლის შემდგომ 40 წელი
მშვიდობა.
5)გედეონი. 40 წელი იყო მშვიდობა.
6)თოლა, თოლაყი. 23 წელი იყო მშვიდობა.
7)იაელ–გალაადელი. 22 წელი იყო მშვიდობა.
8)იაფი. გალაადელი 6 წელი იყო მშვიდობა.
9)ესებონ ბეთლემელი.7 წელი იყო მშვიდობა.
10)ელეონ ზაბულონელი. 10 წელი იყო მშვიდობა.
11)ყაბიდონი, აბიდონი. 8 წელი იყო მშვიდობა.
12)სამსონი. 40 წელი ტანჯვა, 20 წელიწადი მშვიდობა.

სულ: 289 წელი იყო მშვიდობა.
111 წელი იყო ტანჯვა.

ხალხები რომლებიც აცდუნებდნენ ისრაელს.
უფალმა არ აჰყარა და დატოვა 5 ფილისტიმელი მთავარი, ციდონელნი და ხივიელნი, რომელნიც მკვიდრობდნენ მთაში. ყოველივე ეს იმიტომ გააკეთა უფალმა რომ ისრაელიან ძეთა შემდგომ თაობას ესწავლა ომი და გამკლავება წინა აღმდგომთა მტერთა. და რათა გამოეცადა ისრაელი მათით, ანუ ამ ადამიანებით. ისრაელიანი ერი კი რას აკეთებს, მკვიდრდება ხივიელებთან , იებუსეველებთან, ამორეველებთან , ქანაანელებთან და ფერიზეველთა შორის. მოჰყავდათო მათი ასულები ცოლად და ათხოვებდნენ მათ ასულებს მათ ძეებზე,ემსახურებოდნენ და თაყვანისცემდნენ მათ ღმერთებს. ეს რა საკვირველია არ არის ღვთივსათო საქციელი და შესაბამისად აღიგზნო უფლის რისხვა ისრაელიან ერზე და ხელში ჩაუგდო ის ქუშან–რიშათაიმს არამის მეფეს. და ემსახურებოდა რვა წელი ისრაელიანი ერი არამის მეფეს, ისე დამძიმდა არამის მეფის ხელი ისრაელიან ერზე რომ შეღაღადეს უფალს, უფალმა მათ აღუდგინა მხსნელი რომელმაც იხსნა ისრაელიანი ერი, არამის მეფის ხელიდან და ეს გახდათ მსაჯული ღოთონიელი. რიგით პირველი მსაჯული.
როდესაც გავიდა ღოთონიელი სალაშქროდ ხელში ჩაუგდო უფალმა მას ქუშან– რიშთაიმი და მოისვენა ქვეყანამ ორმოცი წელი. როდესაც გარდაიცვალა ღოთონიელი კვლავ დაიწყო ერმა ურჯულოება და გადაუხვია უფლისკენ მიმავალ გზას. კვლავ დამძიმდა უფლის ხელი ისრაელიან ერზე და მოუვლინა მას დამპყრობლის სახით ყეგლონი მეფე მოაბისა. მას მხარი აუბა ყამონის ძეებმა და ყამალეკელებმა. მიიტანეს იერიში ისრაელიან ერზე და დაიპყრეს პალმების ქალაქი. ყეგლონის 18 წელი ყავდა დამორჩილებული ისრაელი , და კვლავ შეჰღაღადეს უფალს ისრაელიანებმა და ღმერთმაც აღუდგინა მათ მსაჯული ეჰუდის სახით რომელზეც წერია რომ ,, იყო ორივ ხელითა მარჯვენე’’ ახლა ეს მსაჯული ასეთ რაღაცას მოიფიქრებს ის წაუღებს ისრაელიანი ერის სახელით ყეგლონს ხარკს. ახლა ეს ყეგლონი იყო ძალიან მსუქანი კაცი და წმინდა წერლიც ამახვილებს ამაზე ყურადღებას. ვიდრე ეჰუდი ყეგლონთან შევიდოდა მან გაიკეთა თავისთვის ორლესული ხმალი და შეიბა ის მარჯვენა თეძოზე. შედის ეჰუდი ყეგლონთან რომელიც საგრილობელ ოთახშია მოთავსებული . ეჰუდი ეუბნება ყეგლონს: ღვთის სიტყვა მაქ შენთვის სათქმელი, და ამის გაგონებაზე წამოდგა მეფე სავარძლიდან. და გაიკრა ეჰუდმა მარცხენა ხელი, იძრო მარჯვენა ტეძოდან შებმული მახვილი და მუცელში აძგერა. ხმალი ქონებმა დაფარეს. ეჰუდმა გამოსვლის თანავე დაცვას უთხრა რომ ყეგლონი საგრილობელშია და არ შეაწუხოთო. მაგრამ როედესაც მისი შეყოვნება საეჭვო გახლდა ავიდა დაცვა საგრილობელში და ნახა მათი მეფე მკვდარი. ამ დროს ეჰუდი უკვე სამშვიდობოს იყო გასული, მან სეყირს შეაფარა თავი. მისვლის თანავე დააყვირა მან რქის საყვირი და ჩამოვიდნენ ეფრემის მთიდან ისრაელიანი ერის ძენი და წარუძღვა მათ წინ.მომყევით რადგან უფალმა ჩამიგდო ხელში თქვენი მტრები მოაბელნი.და მოსრეს იმ დროს ათი ათასამდე მამაცი მოაბელი მამაკაცი და თავს ვერავინ უშველა. იმ დღეს დაიმორჩილეს ისრაელიანებმა მოაბელები და დამშვიდდა ქვეყანა 40 წელი. ეჰუდის შემდგომ იყო მსაჯული ისრაელიანი ერისა სემაგარი რომელზეც წმინდა წერილში ძალზედ მწრი იმფორმაციაა მაგრამ ნათქვამი არის რომ მან 600 ფილისტიმელი ხარის სახრეთი მოკლა და იხსნა ისრაელიო .


მესამედ განდგომა ღვთაისაგან.
ეჰუდის გარდაცვალების შემდგომ კვლავ დაიწყო ურჯულოება უფლის თვალში ისრაელიანმა ერმა. და კვლავ დამძიმდა უფლის ხელი მათზე.და ხელში ჩაუგდო ისინი უფალმა ქანაანის მეფეს იაბანს რომელიც მეფობდა ხაცორში. და მისი მხედართმთავარი იყო სისარა რომელიც ცხოვრობდა ხარო–შეთ გოიმში. ოცი წელიწადი ჩაგრავა ისრაელიანი ერის ძეთ სისარა რადგანაც 900 ეტლი ყავდა. იმჟამად ერს განსჯიდა დებორა ქალი წინასწარმეტყველი რომლის ქმარიც იყო ლაფიდოთი. იმჯამად ისრაელიან ერს ჭირდებოდა დედა, სხვაგვარად რომ ვთქვათ პიროვნება რომელიც იქნებოდა მსაჯულიც და დედაც. როგორც ახალ ნამტირალებ ბავშვს ჭირდება ალერსი ასევე ჭირდება ისრაელს ალერსი და ნუგეში.და ასე მოალერსედ გამოუგზავნის ღმერთი ისრაელს მსაჯულს. ამ დროს მიდის ისრაელის მამაკაცობა და დედაკაცის წინაშე იხრის ქედს, არა მარტო პატივს მიაგებს მას, არამედ ჭკუასაც ეკითხება მას. თითქოს და პატრიარქატული დრო დაბრუნდა ისრაელში. როდესაც აბრაამი სარას უსმენდა ისააკი რებეკას, იაკობი რაქელს აი სწორედ ეს სული აღსდგა ისრაელში. დებორა გაგზავნის კაცებს და მოიყვანს ბარაკს და ეტყვის მას, აი რა გიბრძანა უფალმა , წადი თაბორის მთაზე და წაიყვანე ათი ათასი კაცი ნაფთალისა და ზებულონის ძთაგან და დაიბანაკე იქ. მე კიშონის ხევთან მოგიყვან სისარას იაბანის მხედართმთავარს, მის ეტლებსა და მის ჯარს და ხელში ჩაგაგდებინებ. ამის შემდეგ თხოვს ბარაკი დებორას რომ მას გაჰყვეს იგი. დებორა კი პასუხობს, მე წამოგყვები ამ გზაზე რომელსაც შენ დაადგები მაგრამ, შენი აღარ იქნება დიდება რადგან დიაცის ხელში ჩააგდებს უფალი სისარას. ამის შემდგომ ასე ვითარდება მოვლენები რომ შეიტყობს სისარა, ბარაკი, თაბორის მთაზეა ასულიო. გამოემართება მისკენ ეტლიონებითა და ხალხით. დებორა ეტყვის ბარაკს რომ ადექი და ჩადი ამ მთიდან და შეებძოლე სისარას რადგანაც დღეს უფალი მას ჩაგიგდებს ხელში. ადგა ბარაკი და ის ათი ათასი კაცი რომელიც ბარაკს ახლდა და გამართა ბრძოლა სისარას იაბანის მხედართმთავართან. დაფთხა სისარა და მთელი მისი ეტლიონი, სისარამ მარჯვეე დრო გამონახა და გაიქცა იგი ხებერ კენიელის ცოლის კარავთან რადგანაც იაბანისა და ხებერის კარვებს შორის მშვიდობა სუფევდა. გამოეგება იაყელი სისარას და შეიპატიჟა იგი კარავში. და უთხრა სისარამ: გეთაყვა ცოტა წყალი დამალევინე რადგან მწყურია. და მოხსნა იაყელმა რძის ტიკს თავი და დაალევინა. სისარამ უთხრა მას დადექი კარავს გარეთ და თუ ვინმემ ჩამოიარა და გკითხა ვინმე ხომ არ არის მანდო უთხარი არა–თქო. და იაყელმა აიღო კარვის პალო მეორე ხელში დაიჭირა ურო და როდესაც მას ეძინა ჩაურჭო პალო საფეთქელში და მიწას დააჭედა. აჰაა ბარაკი მოსდევს სისარას, გამოეგება იაყელი ბარაკს და უთხრა ვისაც შენ ეძებ აქ არის ჩემ კარავში. შევიდა ბარაკი და რას ხედავს აჰაა ვისაც ეძებდა მიწაზეა პალოთი მიჭედებული. იმ დღეს დაამორჩილა ქანაანის მეფე ისრაელის ძეთა წინაშე. დამძიმდა ხელი ისრაელისა იაბანზე ქანაანის მეფეზე ვიდრე იგი არ მოსპეს ისრაელიანებმა.


დებორასა და ბარაკის გალობა.
ეს გალობა გაიმართა მას შემდეგ რაც დაამარცხეს ქანაანის მეფე იაბინი და მისი მხედართმთავარი სისარა. პირობითად ეს გალობა იყოფა სამ ნაწილად. პირველ ნაწილში მოთხრობილია ის თუ ზოგოადად როგორ იკრიბებოდნენ ისრაელიანი ერი ქანაანელთა წინააღმდეგ საბრძოლველად, მეორე ნაწილში უშვალოდ ომის, ბრძოლის, ამბებია მოთხრობილი თუ როგორ გაიმართა ბარაკსა და იაბანის მხედართმთავარს შორის ეს ბრძოლა. ამავე ნაწილშია გადმოცემული ის თუ რა მოიმოქმედა იაყელმა. და მას ასეთი სიტყვებით აქებს, კურთხეულ იყოს დიაცთა შორის იაყელი, კურთხეულ იყოს კარავში მცხოვრებ ყოველ დიაც შორის იაყელი.
რადგანაც წყალი სთხოვა და რძე მისცა. ხელი პალოსკენ გაიწოდა, მარჯვენა მუშის უროსკენ დაჰკრა სისარას და თავი გაუჩეხა, განგმირა და საფეთქელი შეულეწა. ხოლო დასკვნით ნაწილში გადმოცემულია თუ როგორ ელოდება მიწაზე დაჭედებულ სისარას თავის დედა, რად აგვიანებს მისი ეტლი მოსვლას? ეგებ ნადავლი იპოვეს და მას იყოფენ?

ასე დაიღუპოს ყველა შენი მტერი უფალო.
ასე დაიღუპოს ყველა შენი მტერი უფალო.

თბილისის სასულიერო სემინარია
საღვთისმეტყველო ფაკულტეტი
სტუდენტი:ირაკლი ასტამაძე.

მეოთხე განდგომა და მონობა. გედეონის მოწოდება . კერპთა შემუსვრა და სამსხვერპლოს აგება.
ახლა ჩვენ უნდა დავიწყოთ საუბარი ისრაელიანი ერის რიგით მეოთხე განდგომასა და მონობაზე. რომელიც მსაჯულთა წიგნის რიგით მე–6 თავშია გადმოცემული. როდესაც ჩაიდინეს ისრაელიანთა ძეთ ბოროტება უფლის თვალში და გადაუხვიეს უფლისკენ მიმავალი გზიდან მაშინვე მოუვლინა განსაცდელი უფალმა მიდიანის სახით და ჩაუგდო ხელში მათ 7 წლით. ისრაელინი ერი ფაქტიურად მშვიდად ვეღარ ცხოვრობს მათ გამოკვეთეს მთებში კლდეები და იქ ცხოვრობენ.როგორც კი ისრაელი თესვას მოამთავრებდა ამოდიოდნენ მიდიამელნი, ყამალეკელნი და აღმოსავლეთის ძენი და თავს ესხმოდნენ მათ. ისინი დაბანაკდებოდნენ მათ წინ და აჩანაგებდნენ მათ მოსავალს არ ტოვებდნენო ისრაელში სარჩო–საბადებელს, ცხვარს, ძროხას.ამოდიოდნენ ისინი თავიანთი კარვებითა და აქლემების ჯოგებით და აჩანაგებდნენ მოსავალს. დაგლახაკდა და გაღატაკდა ისრაელი მიდიამელების გამო. ტანჯულმა ისრაელმა კიდევ ერთხელ შეჰღაღადა ღმერთს და ღმერთმაც მოუვლინა წინასწარმეტყველი კაცი რომელმაც უთხრა:მე გამოგიყვანეთ თქვენ ეგვიპტიდან და გამოგიყვანეთ მონობის სახლიდან. გიხსენით მჩაგვრელი ეგვიპტელების ხელიდან, და გითხარით, მე ვარ უფალი თქვენი ღმერთი და არ ირწმუნოთ და არ შეისმინოთ ამორეველებისა თქვენ კი არ შეისმინეთ ჩემი ხმა.და მოვიდა უფლის ანგელოზი და დაჯდა მუხის ქვეშ რომელიც ეკუთვნოდა იოაშს. გედეონი მისი ვაჟი ხორბალს ცეხვავდა საწნახელში რათა გადაემალა მიდიამელთაგან. გამოეცხადება უფლის ანგელოზი და ეტყვის: უფალი შენთანაა მამაცო მებრძოლო. და უთხრა მას გედეონმა: ბატონო ჩემო! უფალი რომ ჩვენთან ყოფილიყო ყოველივე ეს რისთვის დაგვემართებოდა ? აბა სადაა მთელი ის რიგი სასწაულები რომლებიც ჩვენი წინაპრებისგან გვსმენია რომელიც უფალმა მოიმოქმედა და გამოგვიყვანა ეგვიპტიდან? განა ახლა მიგვატოვა ჩვენ უფალმა და მიდიანის ხელში ჩაგვაგდო? მაგრამ მიუბრუნდა მას უფალი და უთხრა წადი და იხსენი ისრაელი მაგ შენი ძალით, მე გაგზავნი შენ. ვაგლახ ბატონო ჩემო რით ვიხსნა ისრაელი? აჰაა ყველაზე გლახაკია ჩემი საგვარეულო მენაშეს ტომში მე კი ყველაზე პატარა ვარ მამაჩემის სახში. მე ვიქნები შენთან და ისე მოსრავ მიდიანს როგორც ერთ კაცს. თუ რამ მადლი მიპოვია შენს თვალში რამეთი მანიშნე რომ შენ მელაპარაკები. გედეონმა უთხრა უფლის ანგელოზს ნუ წახვალ აქდან ჩემს მოსვლამდე ძღვენს გამოვიტან და დავდებ შენს წინაშე, ანგელოზმაც მიუგო: დაგიცდი ვიდრე დაბრუნდებოდე. გედეონმა მოამზადა თიკნის ხორცი ერთი ეფა ფქვილისაგან ხმიადები და ხორცი კალათაში ჩაალაგა და მოვიდა იმ ადგილას სადაც უფლის ანგელოზი იყო. და უფლის ანგელოზის სიტყვისამებრ დადო კლდეზე ხორცი და ხმიადები წვენი რომელიც ქილაში ქონდა ზემოდან მოასხა და გაიწოდა კვერთხი ანგელოზმა რომელიც ხელში ეჭირა და ცეცლმა შთანთქა შესაწირავი და ანგელოზიც თვალს მიეფარა. და დაინახა გედეონმა რომ ეს უფლის ანგელოზი იყო და თქვა : ,, ბატონო უფალო’’ რადგან პირისპირ ვიხილე უფალი. და უფალმაც უთხრა მშვიდობა შენდა ნუ გეშინია არ მოკვდები. და გედეონმა სამსხვერპლო აუგო უფალს და უწოდა მას: უფალი მშვიდობაა. და დღევანდლამდე დგას იგი აბიყეზერელის ყოფაში. და ახლა უკვე ჯერი მიდგება კერპთა შემუსვრაზე, ღმერთი აძლევს გედეონს უშვალო მითითებებს თუ როგორ უნდა მოიქცეს და გედეონიც პირნათლად ასრულებს. გედეონი ანგრევს ბაყალის სამსხვერპლოს ხოლო მის გვერდით მდგარ აშერას სამსხვერპლოს აჩეხავს. და უფლის სიტყვისამებრ აუგებს იქ სამსხვერპლოს ღმერთს და აჩეხილი აშერას ხით ყოვლადასაწველ მოზვერს აღავლენს უფლის სამსხვერპლოზე. ეს მოვლენები ვითარდება ღამით გედეონს თავის მსახურთაგან 10 კაცი ახლავს და ღამით ეს ყველაფერი იმიტომ ვითარდება რომ გედეონს შიში ქონდაო მამამისის სახლეულისა და ქალაქის მკვიდრების და ვერ გაბედა დღისით გაეკეთებინა ესო. გათენდა ის ღამე და გამოვიდნენ გარეთ იმ ქალაქის მკვიდრნი და რას ხედავენ, აჰა ბაყალის კერპი დანგრეულია, აშერას კერპი რომელიც მის გვერდით იყო აჩეხილია და არის სხვა ახალი სამსხვერპო აგებული (უფლის სამსხვერპლო) რომელზეც მეორე მოზვერი არის აღვლენილი სრულად დასაწველად და დაიწყო გამოძიება თუ ვინ ჩაიდინა ეს. დიდი კველვა–ძიების შემდეგ გედეონზე იოაშის ძეზე შეაჩერეს ყურადღება და თქვეს მან ჩაიდინა ეს საქმე. მივიდნენ იოაშთან და უთხრეს: გამოიყვანე შენი ვაჟი და მოკვდეს რადგანაც მან დაანგრია ბაყალის კერპი და მან აჩეხა აშერას კერპი. ხოლო იოაშმა უთხრა მათ: ნუთუ თქვენ უნდა გამოესარჩლოთ ბაყალს ნუთუ თქვენ უნდა გამოესარჩლოთ მას? თუ ღმერთია იგი თავად გამოესარჩლოს თავის თავს. და იმ დღეს ეწოდა მას იერობაყალი რადგანაც თქვა თავად ბაყალმა გასცეს პასუხი რადგანაც მან დაანგრია მისი სამსხვერპლო. და ახლა რომელი ამბის მოყოლასაც ვიწყებთ შეიძლება ჩაითვალოს , მზადება მიდიამელებთან საომრად. რადგანაც მთელი მიდიანი ყამალეკნი და ძენი აღმოსავლეთისა შეიყარნენ ერთად და გადალახეს იორდანე და დაიბანაკეს იზრაყელის ველზე. მეორეს მხრივ უფლის სული მოვიდა გედეონზე დააყვირა საყვირები და თავი მოიყარეს მის უკან აბიყეზერელებმა. ასევე მოუწოდა მენაშეს ტომს , აშერის ტომს ,ნაფთალის ტომს და ზებულონის ტომს.და უთხრა გედეონმა ღმერთს: თუ შენი ხელით იხსნი ისრაელს როგორც შენ მე მითხარი მაშინ აჰა მატყლის საწმისს გავშლი მიწაზე თუ მართო საწმისი იქნება სველი ხოლო მიწა მშრალი მაშინ ვირწმუნებ რომ შენ იხსნი ისრაელს ჩემი ხელით. მეორე დღეს ასეც მოხდა გამოწურა გედეონმა საწმისიდან ერთი თასი წყალი ხოლო მიწა მშრალი იყო. ნუ განმირისხდება უფალი ღმერთი ჩემი და ერთხელ კიდე გეტყვი რომ გამოვცადო საწმისი , მხოლოდ ამჯერად არა საწმისი იყოს სველი არამედ მთელი მიწა მის გარშემო. და ასეც მოახდინა უფალმა იმ ღამეს მხოლოდ საწმისი იყო მშრალი ხოლო მიწა სველი.
მზადება მიდიამელებთან საომრად.
მე–7 თავში მოთხრობილია ამბავი გედეონისა თუ როგორ ემზადება მიდიანთან საომრად. ეს მზადება მოიცავს უშვალოდ ჯარის, საბრძოლო რაზმის გამორჩევასა და დაბანაკებას. ღმერთი ეტყვის გედეონს რომ მან შეკრიბოს რაზმი გედეონიც ასე მოიქცევა და შეკრიბავს ჯარს მაგრამ ძალიან ბევრი ხალხი მოიყრის თავს. უფალი კი ეტყვის გედეონს აქ ძალიან ბევრი ხალხია საიმისოდ რომ მიდიანი ჩავუგდო ხელში, არ მინდა ისრაელი გაყოყოჩდეს და მითხრას ხელმმა ჩემმა მიხსნა მეო. მიდი ახლა და გამოუცხადე მათ რომ ვინც შეშინებულია დატოვოს ჯარი და წავიდეს გილყადის მთიდან და აჰა დატოვა 22 ათასმა კაცმა რაზმი. დარჩა ათი ათასი კაცი მაგრამ ესეც ბევრია მიდიანის ასაღებათ. ამიტომ უფალი ეუბნება გედეონს წადი ჩაიყვანე ეს ხალხი წყალთან და იქ გამოგირჩევ. ვინც ამ ხალხთაგან ჩამუხლული დალევდა წყალს ცალკე უნდა დაეყენებინა, ხოლო ვინც პირდაპირ პეშვით შესვავდა ისინიც ცალკე დაეყენებინა. დაანაწილა გედეონმა მთელი ჯარი ამ ფორმულირებით და უთხრა უფალმა გედეონს: ამ მსხვლეპავთა ხელით ჩაგიგდებ მიდიანს ხელში (რომელიც 300 კაცს შეადგენდა.) აიღეს მათ ხელში ხალხის საგზალი და რქის საყვირები და დაბანაკდნენ. ხოლო მათ ქვემოთ მიდიანის ბანაკი იყო. იმ ღამეს უთხრა უფალმა გდედეონს: ჩადი იმ ბანაკში რომელიც შენ დაბლაა რადგანაც ხელში ჩაგიგდე მე ის. ჩადი და რასაც მოისმენ ის გაგაძლიერებს და მოგცემს სიმტკიცეს ხელებში. თუ მარტო ჩასვლისა გეშინია წადი და წაიყვანე შენი მსახური ფურა. და წავიდნენ გედეონი და ფურა იარაღასხმულები მიდიანის წინაშე. სადაც მიდიანი, ყამალეკნი და ყველა ძე აღმოსავლეთისა იყრიდა თავს. და როგორც წმ. წერილის ფურცლებზე წერია ქვიშასავით ურიცვი იყო მათი აქლემები იმ ველზე რომელ ველზეც განლაგებულები იყვნენ ისინიო. და მოვიდა გედეონი და მოისმინა სიზმარი რომელსაც ერთი კაცი უყვებოდა მეორეს: აჰა სიზმარი მესიზმრა ვითოიმ ქერის პური დაგორდა მიდიანში ბანაკს რომ მოაღწია კარავს დაეჯახა და თავდაყირა დააყენა ყველაფერი. ეს რა უნდა იყოს თუ არა გედეონის მახვილი. განიხარა გედეონმა ეს რომ გაიგო და მიეცა ძალა ხელებში და გამხნევდა იგი რადგანაც ღმერთმა ხელში ჩაუგდი მას მიდიანელთა ბანაკი. გედეონი აბრუნდა მიდიამელთა ბანაკში და თქვა ადექით! რადგანაც უფალმა ჩაგვიგდო ხელში მიდიანელთა თავი . ახლა გედეონი ამ სამას კაცს დაყობს სამ ნაწილად და ეტყვის მოიქეცით ისე როგორც მე გავაკეთებ. აჰა შემოვარტყავთ წრეს მიდიანის ბანაკს, ცალ ხელში გეჭირებათ საყვირები ცალში დოქები (დოქები ცარიელი იყო და შიგნით იყო ლამპრები) და როდესაც განიშნებთ დაიყვირებთ უფლისათვის და გედეონისათვის. და მივიდა გედეონი და მასთან ერთად ასი კაცი ბანაკის კიდესთან შუა ღამე რომ დგებოდა და როდესაც მცველები შეცვალეს დააყვირა სამივე გუნდმა საყვირები და დოქები დაამტვრიეს და გაჰყვირეს მახვილი უფლისათვის და გედეოიონისათვის. და დააყვირაა სამასმა კაცმა საყვირები და გაიქცნენ და შეუტიეს მიდიამელებს უფალი ეწეოდა ისრაელს და ასე ვთქვათ უკუიქცა მიდიამელთა ლაშქარი მირბოდა იგი აბელ–მექოლას საზგვრებამდე. ხოლო შემდგომ მოუხმეს ისრაელის კაცებს ნაფთალიდან, აშერიდან, მენაშედან და დაედევნენ უკან მიდიანს.და დაგზავნა მოციქულები გედეონმა ეფრემის მთაში და შეუთვალა მათ დაიჭირეთ წყლები და ბეთ–ბარამდე და იორდანე. და დაიჭირეს და შეიპყრეს მიდიანის ორი მთავარი ყორები და ზეები. და მოკლეს ყორები ყორების კლდესთან და ზეები ზეების საწნახელთან და დაედევნეს მიდიანს ხოლო ყორებისა და ზეების თავები მოუტანეს გედეონს იორდანის გაღმიდან.

გედეონის საქმეები.

რაჟამს აღესრულება ყორები და ზეები, ყორები ყორების მთებთან ზეები ზების საწნახელთან, ჩამოვარდება კონფლიქტი ეფრემის ტომსა და გედეონს შორის. ეფრემიანები გედეონს საყვედურობენ რომ როდესაც თქვენ მათ ებრძოლებოდით რატომ არ შეგვატყობინეთ ჩვენც. გედეონმა თავმდაბლობით მიუგო მათ: თქვენოდენი რა გამიკეტებია მე? განა ეფრემის ნამცვერავი არ სჯობია აბიყეზერელის რთველს? ღმერთმა ხელში ჩაგიგდოთ მიდიანის მთავრები ყორეები და ზეები. და როდესაც ეს სიტყვა უთხრა გედეონმა დააცხრო მათი რისხვა ეფრემიანელების წინაშე. ამრიგად გედეონი სამას კაცთან ერთად გაემართება იორდანის გაღმა და გადალახავს იორდანეს. მიადგება ქალაქს რომელსაც ქვიან სუქოთ. და უთხრა გედეონმა სუქოთის მცხოვრებს მიეცით პურის კვერები ჩემს ჯარს რადგანაც დაქანცულები არიან, ხოლო მე ზებახს და ცალმუნაყს მივსდევ. ამ ქალაქის მკვიდრებმა უპასუხეს გედეონს განა ზებახი და ხალმუნაყი უკვე ხელში გყავს შენი ჯარი რომ დავაპუროთ? მიუგო გედეონმა კეთილი როდესაც ზებახს და ცალმუნაყს ხელში ჩავიგდებ მოვალ და უდაბნოს ეკლითა და კვრინჩხით დაგიფლეთთ ხორცებს. სუქოთიდან გაემართა გედეონი ქალაქ ფენუელისკენ მათთანაც იგივე სათხოვარი ქონდა და მათაც ამგვარად უპასუხეს მას. გედეონმა მათაც იგივე სასჯელი აღუთქვა რაც სუქოთელებს. როდესაც დავბრუნდები ამ კოშკს დავანგრევ.( რომელიც მათ ქალაქში იყო აღმართული) ზებახი და ცალმუნაყი კორკორში იყვნენ დაბანაკებულნი თავის 15 000 კაცით. გედეონი თავის ლაშქრითურთ გაემართება კარვების ქალაქიდან და მოულოდნელად შეუტევს მათ დაბნეულმა ჯარმა აღარ იცის რა ქნას. ამოწყვეტენ ზებახისა და ცალმუნაყის ლაშქარს გედეონი და მისი ხალხი. ხოლო მიდიანელი მთავრები ვკლავ ხელიდან დაუსხლტებიან. დაედევნება გედეონი და შეიპყრობს მათ. ამის შემდგომ გედეონი ერთ სუქოთელ ბიჭს შეიპყრობს რომელსაც ჩამოაწერინებს მთავრებისა და უხუცესების სახელებს. მიადგებიან სუქოთს სწორედ იმ ქალაქს სადაც მათ პური არ აჭამეს. გედეონი მიმართავს სუქოთელებს: აი ზებაზი და ცალმუნაყი, რომელთათვისაც არ აჭამეთ ჩემს ჯარს პური. და გამოიყვანა გედეონმა ქალაქის უხუცესნი და უდაბნოს ეკლითა და კვრინჩხით დააფლითა ხორცები. ხოლო კოშკი რომელიც აღმართული იყო ფენუელში დაამხო და იქ მცხოვრები ხალხი მოსრნა. ამის შემდეგ გედეონმა უთხრა ზებახსა და ცალმუნაყს, რანაირები იყვნენ ის კაცები თაბორის მთაზე რომ დახოცეთ? შენნაირები ტანადები და მამაცები. ჩემი ძმები იყვნენ ისინი. ვფიცავ ისინი რომ ცოცხლები დაგეტოვათ თქვენც არ დაგხოცავდით. და მოუხმობს გედეონი თავის პირმშოს იეთერს და ეტყვის რომ დახოცოს ზებახი და ცალმუნაყი, მაგრამ ბიჭი ამათ ვერ შეძლებს რადგანაც ჯერ კიდევ პატარა იყო და შიში ქონდა. ხოლო ზებახმა და ცალმუნაყმა უთხრა გედეონს: შენ თავად დაგვხოცე რადგანაც რაც არის კაცი ის არის მისი ძალ–ღონეც. და ადგა გედეონი და დახოცა ზებახი და ცალმუნაყი. ხოლო მათ აქლემებს კისრიდან ჩამოხსნა ოქროს ნახევარმთვარეები. ამის შემდეგ ისრაელიანი ერი გადაწყვეტს რომ გაამეფოს გედეონი, მარტო გედეონი კი არა მათი ძეებიც და ძეთა ძეებიც. გედეონი ამაზე უარს განაცხადებს. ხოლო ამ ხალხს ეტყვის: მე არ ვიხელმწიფებ თქვენზე არც ჩემი ძენი იხელმწიფებენ თქვენზე უფალი იხელმწიფებს თქვენზე. გედეონი ამ ხალხისგან მოითხოვს საყურეებს როდესც დაიხსნის ისრაელიანი ერი საყურეებს და ერთ ადგილზე შეაგროვებენ გამოვა წონით 1700 ოქროს შეკელი, გარდა იმ ნახევარმთავრეებისა რომელიც გედეონმა მიდიანელი მთავრების აქლემებს დახსნა. და ჩამოასხა გედეონმა ეფოდი, ოქროს ეფოდი ჩამოასხა მან და დადგა იგი თავის ქალაქში ყოფრაში. მეძაობდაო იქ მთელი ისრაელიანი ერი მის კვალზე და მახედ ექცა გედეონსა და მის სახლს. დამორჩილდა ისრაელიან ერს მიდიანელები და თავი აღარ წამოუყვიათ. და წავიდა იერუბაყალი იოაშის ძე თავის სახლში და დამკვიდრდა. გედეონს ყავდა 70 ძე. მაგრამ ამათგან მხოლოდ 3 არის ცნობილი ვინაიდან და რადგანაც წმ. წერილს მეტი არ აინტერესებს. ამ სამიდან ერთ–ერთი არის