კაზანტიპი, პოტენციურად უღმერთო ადგილი საქართველოს ტერიტორიაზე პარამეტრები

[q.w.e]

ალბათ ყველას გსმენიათ ფესტივალ კაზანტიპის შესახებ(ვისაც არა იინტერნეტში საკმაოდ მასალაა ინფორმაციის მისაღებად და შეგიძლიათ თვალი გადაავლოთ) ჯერ თქვეს ჩატარდებაოო ,მერე სავარაუდოდ საქართველოში ეს ვერ მოხერხდებაო,შემდეგ კი ისევ ჩატარდებაო.თუმცა ჩემდა გასაკვირად საპატრიარქოც კი დუმს ამ ყველაფერზე(თუ არ ვცდები)თქვენი აზრი მაინტერესებს ან რა ინფორმაციას ფლობთ ამ თემაზე ან რა დამოკიდებულება გაქვთ იმასთან დაკავშირებით რომ ფულის გამო საქართველოს მიწა ასე შეიბილწება,წესით საქართველოში უნდა არსებობდეს ძალა რომელიც ამ ყველაფერზე ხმას აიმარლებს და შესაბამისადაც იმოქმედებს

[A.V.M]

,,S O S !
კაზანტიპი და მიტინგები!
კაზანტიპთან დაკავშირებით - მათ, რომლებიც კაზანტიპის ჩატარებას ეწინააღმდეგება (ანუ, მეც)!
ისმის კითხვა: რის გამო დაუშვა უფალმა ასეთი განსაცდელი საქართველოში (ჩვენ ხომ კაზანტიპი მიუღებლად და მისი ჩატარება ძლიერ არაქრისტიანულად მიგვაჩნია)!
საკმაოდ ბევრი ქართველი გოგონა უდიდესი სიხარულით მიემართება ამ გარყვნილებისაკენ - უფრო მეტს რაღაცის ერიდება/ეშინია, თორემ ისინიც გაეშურებოდნენ აქეთკენ!
ეს ის საქართველო არ არის, რომელიც უნდა გაბრწყინდეს, რომელიც ასეთი ქრისტიანულია და ასე შემდეგ? გავიხსენოთ მაცხოვრის სიტყვები: „ვაჲ თქუენდა, მწიგნობარნო და ფარისეველნო ორგულნო, რამეთუ მიმსგავსებულ ხართ საფლავთა განგოზილთა, რომელნი ჩანედ გარეშე შუენიერ, ხოლო შინაგან სავსე არიედ ძუალებითა მკუდართაჲთა და ყოვლითა არაწმიდებითა“ - ამიტომაც,, ვფიქრობ, დღეს ეს გასაბრწყინვებელი საქართველო, უბრალოდ აყროლებული საფლავია, რომელიც ვიღაცამ მაგრად შეარემონტა, ჩვენ კი ეს დიდ იმედებს აღგვიძრავს........სწორედ ეს აყროლებული საფლავი! ამიტომაც დაუშვა ღმრთმა ეს საშინელება, რომ დავინახოთ, სინამდვილეში რას წარმვადგენთ და ერთხელ და სამუდამოდ თავი დავანებოთ მოქადულობას იმით, რაც ერს ღმერთს ავიწყებს. სწორედ ასე ნაციონალურად აღტყინებულებს დაუბრმავდათ თვალები და ვერ იცნეს ქრისტე.....ჩვენც იგივე არ დაგვემართოს: სულ მაგარი ერის სახელის მტკიცებით, არ დაგვავიწყდეს ის, ვისგანაც უნდა მოველოდეთ სინამდვილეში ხსნასა და სიძლიერეს.
ისინი, ვინც მიტინგებითა და სხვა ემოციურ-ძალისმიერი მეთოდებით გეგმავენ შეეხმიანონ კაზანტიპს, იქნება დაფიქრდნენ, რომ ძალით გარყვნილების წინააღმდეგობა მხოლოდ ირანიზაციას მოუტანს საქართველოს და ზნეობრივად კი ვერაფერს შემატებს....იქნებ შრომა, სწავლა და ლოცვა იყოს ის იარაღი, რითაც ქვეყანას გადავარჩენთ? არ ვიცი........მე კი, რომელიც სწორედ იმ აყროლებულ საფლავში ვაგდივარ, რომელიც გარედან ასე შეულამაზებიათ და სხვაზე არანაკლებად გამოვირჩევი ლოზუნგების ფრიალით, უარს ვაცხადებ კომენტარებზე ათასობით გავრცელებულ პოსტებსა და მოწოდებებზე.....ჩემგან კი მხოლოდ შემეცნებითი პოსტები დაიდება და შეიძლება გვერდიც გავაკეთო, რათა მხოლოდ ის ვაკონტროლო და სხვა სისულელეებით აღარ დავკავდე.......
თქვენ კი, ვინც ისევ ფიქრობთ, რომ აქტიური მიტინგებითა და წყევლა-კრულვით უშველით ქვეყანას, დამილოცნიხართ, აკეთეთ რაც გინდათ, რადგან იგივე მაცხოვარი ბრძანებს: „იერუსალჱმ, იერუსალჱმ, რომელმან მოსწყჳდენ წინაწარმეტყუელნი და ქვაჲ დაჰკრიბე მოვლინებულთა შენ ზედა, რაოდენ-გზის ვინებე შეკრებაჲ შვილთა შენთაჲ, ვითარცა სახედ შეიკრიბნის მფრინველმან მართეუნი თჳსნი ქუეშე ფრთეთა თჳსთა, და არა ინებეთ! აჰა ესერა დაეტეოს თქუენგან სახლი თქუენი ოჴრად.“

გიორგი გვასალია