იესოს ბოლო ჟამის ეკლესია პარამეტრები

[esre ars cheshmariteba]

გავა დრო და მოგენატრებათ ღმერთი ! ძალიან მოგენატრებათ და ვერ იპოვით მას , რადგან გეგონათ რომ ის თქვენთან იყო და არც კი ცდილობდით თქვენი ცხოვრებით , რომ მოგეძებნათ იგი. მე ცოდვილი ვარ და უკვე რახანია ვეძებ მას მაგრამ ვერ ვპოვე ვერსად , ის არსად არის ! თითქოს გამოსავალი არსად არის ! თითქოს ხსნა არსად არის და მთლიანად ნაცრისფერია ეს ქვეყნიერება ჩემთვის . სრულიად უცხო ვარ ამ ქვეყნიერებაში და სრულიად მარტო დავრჩი , თითქოს არავინ არის ჩემს გვერდით ! მე კი პირიქით სულ მუდამ ვცდილობ რომ ადამიანებს გვერდით დავუდგე და სიკეთე გავუკეთო. ყოველი დღე მძიმეა ჩემთვის , არაფრის მომცემი ... ბევრჯერ მქონია შემთხვევა რომ სიკეთე გავაკეთე და ბოროტებით გადამიხადეს , მაგრამ გულში ვთქვი , რომ მაინც გავაგრძელებ სიკეთის კეთებას!

მაშ სად არის გამოსავალი? თუ შენ მუდამ სიკეთეს გააკეთებ , გახსოვდეს რომ არცერთი მცირედი არ იქნება დავიწყებული,,, თუ შენ მოძებნი ღმერთს გახსოვდეს რომ შენი მცდელობა არასოდეს დარჩება უშედეგოდ ,,, თუ შენ შეიყვარებ ადამიანს გახსოვდეს რომ ღმერთი კიდევ უფრო მეტად შეგიყვარებს,,,

ხშირად ადამიანები სცოდავენ და ავიწყდებათ რომ ღმერთი ხედავს ყველაფერს ... ისინი ფორმალურად ინანიებენ და შემდეგ კვლავ სცოდავენ და კვლავდაკვლავ ინანიებენ და იგივეს აგრძელებენ. როგორ ფიქრობთ ვინ უფრო უპირატესია ღმერთი თუ სატანა? თუ შენ ნამდვილად უფლის ერთგული ხარ მაშ დაამტკიცე შენი საქციელით რომ ღმერთია უპირატესი! თუ კვლავინდებურად სცოდავ ესეიგი სატანა უპირატესობს შენთვის , რადგან ვინაცა სცოდა იგი ეშმაკისაგან არის!

შენ კი შეგიძლია რომ უფლის ერთგული იყო , მაგრამ არ იყენებ ამ უპირატესობას სამწუხაროდ და მერე მოდის ბოროტი და გძლევს და იმარჯვებს შენზე. ძალიან სამწუხაროა რომ დღეს ადამიანთა უმრავლესობა ძლეულია სატანის მიერ , მაგრამ ერთ რამეს ვიტყვი , თუ შენ ცოდვილი ხარ ეს იმას არ ნიშნავს რომ უფალი არ შეგეწევა , ნუ იფიქრებ რომ დამარცხდი და ამის გამო ნუ იტყვი უარს სიკეთის გაკეთებაზე! რა იცი იქნებ შენმა ერთმა სიკეთემ გადაწონის 99 ბოროტება?! რა იცი იქნებ ერთმა მცირედმა სიკეთემ რომელსაც გააკეთებ , ცხონებას გაზიაროს? იცი როგორ არის _ უფალი კაცთმოყვარეა , მას ძალიან უყვარს ადამიანი და ის ადამიანში სულ მცირე მიზეზს ეძებს რომ იქნებ რამენაირად გაამართლოს და აცხონოს . ნუ გგონია რომ ის შენში ბოროტებას ასწონის , პირიქით ის მოიძიებს შენს კეთილ საქმეებს , რომ გაგამართლოს ... მაშ რატომ უნდა ეძებდეს უფალი შენს მიერ გაკეთებულ თუნდაც ერთ სიკეთეს?! განა არ არის უფალი იმის ღირსი რომ შენ გაგამართლოს შენი უხვი სიკეთეებისა და წყალობის გამო?! თუ ასეა მაშინ მიეცი მას საშუალება რომ იუფლოს შენზე.

მე არ ვიცი სად წავიდე და სად მოვიძიო ჭეშმარიტება , ის თითქოს შორსაა ჩემგან . თითქოს უფალიც დაფარულია ჩემს თვალთაგან , თითქოს ზურგი მაქცია. ყველაზე დიდი საშინელება ისაა უფალმა ზურგი რომ გაქციოს, მაგრამ ეს სატანას სურს რომ დააჯეროს ადამიანი ამაში., ღმერთი კი არასოდეს არ აქცევს ზურგს ადამიანს ის ბოლომდე გაჰყვება ადამიანს სიცოცხლის უკანასკნელ წამამდე , რომ იქნებ სულ ბოლო წამს მოინანიოს ადამიანმა, რომ აცხონოს იგი...

იცი რა მაგრად უყვარხარ ღმერთს ! ნუ გაგეცინება ამ სიტყვებზე , მას მართლა ძლიერ უყვარხარ და ყოველდღე გელოდება რომ მოინანიო და მასთან მიხვიდე . თუ შენ გადაწყვეტ რომ ღმერთთან მართლა გინდა მერე იწყება ყველაზე რთული პერიოდი შენს ცხოვრებაში _ შენ უნდა მოძებნო ის და დარწმუნდე რომ ის ნამდვილად დგას შენ გვერდით . ეს კი ყველაზე დიდი ბრძოლაა შენს და სატანას შორის , ის მუდმივად შეეცდებს დაგაეჭვოს რომ ღმერთი შენ გვერდით არ არის და შენ ძალიან ცოდვილი ხარ , რომელსაც არ გაქვს არავითარი წილი უფალთან !

თუ შენც იგივე სიტუაციაში ხარ როგორშიც მე მაშინ ერთად წავიდეთ უფლის გზაზე და ვეძიოთ იგი ვინძლო ვპოვოთ იგი და გავიხაროთ იმ სიხარულით რაც უფალთან მოზიარეობას მოაქვს!

ჭეშმარიტი ქრისტე სულ სხვა გზით მოვა , არა იმ გზით რომელსაც ყველა მოელის!

[Giorgi Kadagishvili]

esre ars cheshmariteba

მე არ ვიცი სად წავიდე და სად მოვიძიო ჭეშმარიტება

უწინარეს ყოვლისა ეძიეთ ცათა სასუფეველი და მისი სიმართლე.........

სად?
პასუხი: ცათა სასუფეველი თქვენში და თქვენს შორის არის.
ანუ იცი უკვე სადაც უნდა მოძებნო ჭეშმარიტება. შენში. შენ ეს უკვე იცი სადღაც წაუსვლელად, აი როგორ უნდა მოძებნო შენში ცათა სასუფეველი ეს არ იცი, ამიტომაც ეძებ შენს გარეთ, შენს გარეთ კი ვერ იპოვი ვერც ცათა სასუფეველს და ვერც მის სიმართლეს ანუ ჭეშმარიტებას, რადგან ორივე შენშია და ერთ პაწია საიდუმლოსაც გეტყვი გამოგადგება, ღმერთიც შენშია და ვერც მას ვერ იპოვი შენს გარეთ.