ხიბლი, საყოველთაო და პირადი პარამეტრები

[ninca]

ხშირად ვფიქრობ სულიერი ცხოვრების ისეთ ავადობაზე, როგორიცაა ხიბლი. მინდა ჩემს ქრისტესმიერ დებსა და ძმებსაც გაგიზიაროთ აზრები და თქვენც გამოთქვათ მოსაზრებანი. წმ. ეპისკოპოსი ეგნატე ბრიანჩანინოვი წერს: " ჩვენ ყველანი ხიბლში ვართ." ეს რომ გავიგოთ, საჭიროა გავიაზროთ ის, რომ ძველი მოღვაწენი დიდ ყურადღებას აქცევდნენ განცდას თვისთა ცოდვათას.სისოი დიდთან მივიდა ერთი ბერი და უთხრა: მე სულ მახსოვს ღმერთიო, რაზედაც წმინდანმა უპასუხა, რომ ამაზე უფრო დიდი ისაა, დაინახო საკუთარი თავი ყველა ქმნილებაზე უღირსად (რასაკვირველია, სწორად თუ მივუდგებით ამ საკითხს, სასოწარკვეთაში არ ჩავვარდებით).
ადამიანთა უმრავლესობა ვერ გრძნობს თავის ცოდვილ ბუნებას და ამდენად არც სინანული აქვს. ამიტომაც შეიძლება ითქვას, რომ ხიბლში არიან. ჩვენც, დედაეკლესიის შვილები, არ ვართ ღრმა სინანულში, ამდენად ჩვენც ხიბლში ვიმყოფებით. განა გულის სიღრმეში რომ შევიხედოთ , არ მოგვაჩნია, რომ "რაღაც" ვართ. მაშ თუ ასე არ არის, რატომ არ ვითმენთ შურაცხყოფას, აბუჩად აგდებას.. გულში ხომ ვგონია, რომ ვიღაცაზე უკეთესი ვართ ან ვიღაც ჩვენზე უარესია..
რას ნიშნავს თქვენთვის "ჩვენ ყველანი ხიბლში ვართ?" ან როგორ ახსნიდით საყოველთაო ხიბლსა და პირადულს?

[ninca]

გადარჩენისათვის აუცილებელ ნიშნად უფალი პავლე მოციქულის პირით გვისახავს მდუღარებას. ის ბრძანებს : სულითა მდუღარენი იყავით, რაც ჩვენ ძალიან გვაკლია და თუ რაღაცა გვაქვს, მდუღარების გამომხატველი, უმეტეს შმთხვევასი ხიბლთან გვაქვს საქმე.
არის მდუღარება ფშვინვიერი, გრძნობებზე აგებული, დამყარებული, ემოციებით გამოხატული, უფრო ხორცისმიერი შიძლება დავარქვათ მას და არის სულისმიერი, რომელიც თთქმის არც გვხვდება დღს. როცა მდუღარებასულისმიერი არ არის, ხდება გრძნობების აღზევება და სწორედ მაშინ იჩენს იგი თავს, როცა ადამიანი ემოციებით გამოხატავს ამას. სული მდუღარე ნიშნავს- ემოცია არ, ან ნაკლებად გვეუფლებოდეს. ასეთები ცხოვრობენ თავიანთ შიგნით უკომპრომისოდ. გამოირჩევიან ლმობიერებით და სხვათა არგანკითხვით. სულიერი მდუღარებაა ლოცვითი საუბარი ღმერთთან და საქმიანი, პრაქტიკული მისწრაფება იქითკენ, რომ ლოცვის ირგვლივ ავაგოთ ჩვენი ცხოვრება და ყველაფერი, ისე მოვაწყოთ, რომ ხელს გვიწყობდეს ლოცვაში. მოვიკვეთოთ ის, რასაც შეუძლია , ხელი შეგვიშალოს ლოცვაში.