დოგმატიკა და კანონიკა პარამეტრები

[მნათე]

პროტოპრესვიტერი მიქაელ პომაზანსკი ასე განმარტავს: [მოკლედ]

დოგმატი და კანონი

1. საეკლესიო ტერმინოლოგიით მიღებულია, დოგმატებად იწოდებოდეს ქრისტიანული სწავლების, სარწმუნოების ჭეშმარიტებანი.

2. რაც შეეხება კანონს, ესაა საეკლესიო მოწყობის, მისი მართვის, სახარებისა და სამოციქულო სწავლების ზნეობრივი საფუძვლებიდან გამომდინარე საეკლესიო იერარქიის, მღვდელმსახურთა და თითოეული ქრისტიანის მოვალეობათა განაწესი. კანონი (κανών) ბერძნული სიტყვაა და სიტყვა-სიტყვით სწორ, გათლილ ჯოხს, მიმართულების ზუსტ საზომს აღნიშნავს.


----

პატარა ჩაგეკითხებით ნენა

გასაგებია, რომ დოგმა არის უცვლელი ჭეშმარიტება.

მაგრამ თუ ახასიათებს ასეთივე უცვლელობა, კანონიკას?
რომელ კანონს შეგვიძლია არ დავემორჩილოთ?
სოტირიოლოგიური თვალსაზრისით. არის დამღუპველი რომელიმეს უკუგდება?


----

მერე დოგმაზე გადავალ

[marine]

"დოგმატები ცალკეულ პირთა განმსჯელობითს მოსაზრებებს კი არ ეფუძნება, და, თუნდაც ისინი ეკლესიის მამები და მასწავლებლები იყვნენ, არამედ - საღმრთო წერილის სწავლებასა და წმიდა გარდამოცემას. უდიდესი და გადამწყვეტი როლი სარწმუნოების მართლმადიდებლური ჭეშმარიტებების განსაზღვრებაში შეასრულა შვიდმა მსოფლიო საეკლესიო კრებამ. მათი დოგმატიკური განსაზღვრებებიდან ძირითადი და პირველხარისხოვანია სარწმუნოების სიმბოლო - მოკლედ, მაგრამ ზუსტად გადმოცემული სწავლება მასზედ, თუ რა უნდა სწამდეს ქრისტიანს; ესაა იმ დოგმატური ჭეშმარიტებების ერთობლიობა, რომლებიც მართლმადიდებელი სარწმუნოების სწავლებას გამოხატავენ.

მსოფლიო კრებების დადგენილებებით აკრძალულია რაიმეს შეცვლა სარწმუნოების სიმბოლოში არამხოლოდ სიტყვით, არამედ ფიქრითაც კი. ნებისმიერი განდრეკა სარწმუნოების სიმბოლოდან ნიშნავს სარწმუნოებრივი სწავლების სიწმინდის დარღვევას, განდგომას მართლმადიდებლობისაგან".