ეჭვიანობა პარამეტრები

[marine]

"ყურადსაღებია, რომ ეჭვიანობა ორი საპირისპირო რამისგან წარმოდგება: სრულყოფილი სიყვარულისა და სრულყოფილი სიძულვილისგან. დადებითი კუთხით ეჭვიანობის შესახებ ფსალმუნში ვკითხულობთ: "შურმან სახლისა შენისამან შემჭამა მე". უარყოფითი კუთხით კი ნათქვამია: "შურმან შეიპყრა ერი უსწავლელი და აწ ცეცხლმან შეჭამნეს მტერნი".

/ნეტარი ავგუსტინე/

[marine]

"ეჭვიანობა წამლავს ქალის ძლიერ სიყვარულს.

- გერონდა, რატომ არის ეჭვიანობის ვნება ქალებისათვის უფრო დამახასიათებელი?

- ქალში ბუნებრივად მეტად არის სიყვარული და სიკეთე, და ეშმაკი ძლიერად ესხმის თავს, ბოროტი თესავს მასში შხამიან ეჭვიანობას და წამლავს მის სიყვარულს. და როდესაც მისი სიყვარული მოიწამლება და ბოროტებად გარდაიქმნება, მაშინ ფუტკრისგან ქალი გადაიქცევა შხამიან კრაზანად და მამაკაცსაც აღემატება სისასტიკით. თუ მამაკაცისთვის საკმარისია ვერ ხედავდეს არასასურველ სახეს, ქალისათვის, რომელიც უფრო ემოციურია (რადგან ასეთად შექმნა ღმერთმა) ეს არასაკმარისია, მას სურს რომ იგი მოკვდეს.

ქალის გაბოროტებამ, როდესაც მასში შედის ეჭვიანობა და სიჯიუტე, შეიძლება დემონურობამდე მიაღწიოს. ქალს უნდა ეშინოდეს ეჭვიანობის. იგი ვალდებულია, განდევნოს საკუთარი "მე" თავისი სიყვარულიდან, რათა მისი ძლიერი სიყვარული უმწიკვლო იყოს.

- როგორ შეიძლება ამის მიღწევა?

- თუ დასძლევ წვრილმანებს და განავითარებ სულიერ სიმამაცეს, სულიერ კეთილშობილებასა და თავგანწირვას, კეთილშობილება ეჭვიანობის საწინააღმდეგო საშუალებაა. მაგრამ, სამწუხაროდ, მცირედნი არიან კეთილშობილნი"

/ღირსი პაისი ათონელი/