მეტეორა, მეტეორას მონასტრები პარამეტრები

[supernika]

მოგესალმებით, მაინტერესებს პრაქტიკული ინფორმაცია მეტეორას მონასტრების შესახებ. თუ ვინმე ხართ უკვე ნამყოფი, რაიმე რჩევის მოცემა ხომ არ შეგიძლიათ, რაც ჩემი მომავალი მოლოცვის დროს დამეხმარება. წინასწარ დიდი მადლობა.

[marine]

"როდესაც ჩვენ მივადექით მეტეორას სამონასტრო კომპლექსს, აღფრთოვანებას ვერ მალავდა თითოეული ჩვენგანი. ენით აღუწერელი და უცნაური სურათი გადაიშალა ჩვენ ირგვლივ. ზებუნებრივი ძალისა და ადამიანის მიერ ხელთქმნილის ასეთი შერწყმა დიდ აღტაცებას იწვევს მნახველებში. ამ უშველებელ კლდეებზე დაშენებული მონასტრის მშვენიერი ნაგებობები გაფიქრებინებს, თითქოს თანაშეზრდილია, ქუდად ახურავს ამ უშველებელ დევებს. აქ ძნელია გაარჩიო საზღვარი ხელთუქმნელისა და ხუროთმოძღვრების მაღალ ხელოვნებას შორის. კიდევ უფრო საკვირველი სურათი გვხვდება მონასტერში შესვლისას. მაღალი დონის მხატვრობასა და ტაძრების ძვირფასად შემკულობას სულ სხვა სამყაროში გადაჰყავხარ, გგონია, ფრესკები თითქოს სუნთქავენ, მაგრამ არა ხელთქნილი და არც ხელთქმნული სიდიადე ისე აღარ იპრობბს შენს ყურადღებას, როგორც უხილავი მადლი, რომელიც იქ ტრიალებს. გონება მიდის უფრო შორს, იმ პირველ მამებისა და მოღვაწეების მადლს განიცდი, რომელთა ლოცვითაც გამშვენდა ეს სავანე. თითქოს მათ აჩრდილებს ხედავ, მათ სუნთქვას გრძნობ, მათი ლოცვა-ვედრება ჩაგესმის ყურში. ხვდები, რომ მათი რწმენის სიმტკიცე ამ კლდეზე ბევრად მყარია. სწორედ ამან შექმნა ეს ხილული სიდიადე"

/დეკ. იოანე (ბეკოშვილი)/