ღვთისმეტყველების საგანი, განსაზღვრება პარამეტრები

[დათიკო]

ქრისტიანული ღვთისმეტყველება ანუ თეოლოგია, ბერძნულად θεολογία, არის სწავლება ღვთის არსისა და ყოფიერების შესახებ.
ღვთისმეტყველება არასოდეს ყოფილა ერთი კონკრეტული სწავლება.
ის სხვადასხვა საგნების ერთობლიობას წარმოადგენს.

ღვთისმეტყველების ძირითადი საგნებია:
დოგმატური ღვთისმეტყველება
ლიტურგიკული ღვთისმეტყველება
ზნეობითი ღვთისმეტყველება
შედარებითი ღვთისმეტყველება
ეგზეგეტიკა
აპოლოგეტიკა
ჰომილეტიკა
ეკლესიოლოგია
ქრისტიანული ანთროპოლოგია
ქრისტოლოგია
იკონოლოგია
ესქატოლოგია
და ა.შ.


უფრო იოლი და გასაგები რომ ოყოს საგნის არსის რაობა აი ეს ლექცია გადაიკითხეთ
ეს გახლავთ ალექსეი ოსიპოვის პასუხი კითხვაზე, თუ რა არის ღვთისმეტყველება.
(უკაცრავად რუსული ვინც არ იცის, სამწუხაროდ ქართულად ნათარგმნი ლიტერატურა არც თუ ისე ბევრია)
ასევე ღვთისმეტყველება წარმოუდგენელია იოანე დამასკელის „მართლმადიდებელი სარწმუნოების ზედმიწევნითი გადმოცემის“ გარეშე (ქართულად)

ამ თემაში ჩვენ შეგვიძლია ვისაუბროთ თავად ქრისიტიანული ღვთისმეტყველების საგნის (საგნების) შესახებ.
ვიმსჯელოთ რიგ საკითხებზე, რომელიც დაკავშირებული საღვთისმეტყველო პრობლემებთან.
გავუზიაროთ ერთმანეთს საქვთისმეტყველო ლიტერატურის ბმულები, სასარგებლო ინფორმაცია და ა.შ.

შეგვეწიოს უფალი

[marine]

"საინტერესო და ძალიან სასარგებლოა ბერი პაისის [ათონელი] აზრები ღვთისმეტყველებასა და ღვთისმეტყველებზე: "ღვთისმეტყველება - ღვთის სიტყვაა, რომელიც მოედინება უმწიკვლო, მდაბალი და სულიერად აღორძინებული სულიდან, და არა გონების ის ლამაზსიტყვაობა, რომელიც ფილოლოგიური ხელოვნების ქმნილებაა და იურიდიული ან ამქვეყნიური სულის გამოხატულება. ასეთ სიტყვებს არ შეუძლიათ ადამიანის სულთან საუბარი, ისევე, როგორც არ შეუძლიათ საუბარი ლამაზ ქანდაკებებს; გონებით არავის ძალუძს ჩაწვდეს ღვთაებრივ ქმედებებს, სანამ თავად არ დაიწყებს მოღვაწეობას, არ შეიძენს გამოცდილებას, რის შედეგადაც მასში ღვთაებრივი მადლი დაიწყებს მოქმედებას".