ქვეწარმავლებმა რა დააშავეს? :) პარამეტრები

[marine]

"ინდოელები ამტკიცებენ, რომ კობრა, ინდოეთში ყველაზე საშიში გველი, არ უკბენს აკვნის ჩვილ ბავშვს, მაგრამ გააფრთებული ესხმის მოზრდილ ადამიანს, თითქოსდა ესირცხვება, მოაკვდინოს უწყინარი ადამიანური ქმნილება, რომელსაც წინაარმდეგობის გაწევა არ ძალუძს".

[marine]

"ერთხელ ამუნის სენაკს თურმე ყაჩაღები შეეჩვივნენ და პურისა და საზრდოს პარვა დაუწყეს. გაბეზრებულმა ბერმა უდაბნოს მიაშურა, იქიდან ორი უზარმაზარი ურჩხულის მსგავსი ქვეწარმავალი მოიყვანა და სენაკის კარებთან დარაჯად დგომა უბრძანა. ქურდებმა წმიდანის სამყოფს ჩვეულებისამებრ მოაკითხეს, მაგრამ როდესაც შესასვლელში მცველებად წამოყალყული გველები იხილეს, ისეთი თავზარი დაეცათ, რომ მეტყველების უნარი დაკარგეს და მიწას დაემხვნენ. სენაკიდან გარეთ გამოსულმა ამუნიმ დამუნჯებული და ცოცხალმკვდარი ყაჩაღები რომ დაინახა, მათთან მივიდა, მპარავები ფეხზე წამოაყენა და კიცხვა დაუწყო: თუ ხედავთ, რომ მხეცებზე უფრო მძვინვარენი ხართ. აი, ისინი - გველებზე მიუთითა მოსაგრემ - უფლის სახელით ჩვენს ნებას ემორჩილებიან, თქვენ კი არც ღმერთის გეშინიათ და არც ღვთისმოსავ ქრისტიანებს სცემთ პატივს.

შემდეგ წმიდა მამამ ქურდები სენაკში შეიყვანა, დააპურა და ურჩია, რომ ცხოვრების წესი შეეცვალათ და ავკაცობაზე ხელი აეღოთ. მართლაც, ავაზაკებმა საკუთარი ცოდვები გულით შეინანეს, ძველი ცხოვრება დაუტევეს და ღვთივსულიერი მოღვაწეობა დაიწყეს. რამოდენიმე ხნის შემდეგ მათ სიქველეებში ბვევრ სხვა მამას გადააჭარბეს და უფლისაგან სასწაულთმოქმედების მადლი თავადაც მოიგეს"

/"ლავსაიკონი"/