დეპრესია - სევდიანი ადამიანი პარამეტრები

[marine]

"კიდევ ერთი რამ, რაც სევდიან ადამიანს შეიძლება დაეხმაროს, არის შრომა, ცხოვრებისადმი ინტერესი. ბაღი, მცენარეები, ყვავილები, ხეები, აგარაკი, სიარული, ბუნებაში გასეირნება - ყველაფერ ამას ადამიანი უმოქმედო მდგომარეობიდან გამოჰყავს და ახალ ინტერესებს აღუძრავს, რადგან ეს საშუალებები წამალივით მოქმედებს.

ძალიან კარგია, დავკავდეთ ხელოვნებით, მუსიკით და ა.შ. თუმცა ყვველაზე დიდ მნიშვნელობას ეკლესიას, მსახურებებს, წმინდა წერილის შესწავლას ვანიჭებ. ღვთის სიტყვის შესწავლით ადამიანი იკურნება ისე, რომ ვერც კი აცნობიერებს ამას".


"განკურნებისთვის საჭიროა, რომ ადამიანმა წადიერებით შეიყვაროს ღმერთი. ბევრმა წმინდანმა ქრისტეს სიყვარულით სევდა სიხარულად გარდაქმნა"


/წმ. პორფირი კავსოკალიველი/

[marine]

მოწყინების ცოდვის რეცეპტი:

"ბუნებაში ხან პირქუში ამინდია, ხან ნათელი, ხან არეულობაა, ხან სიწყნარე; ზღვაზეც ხან სიმშვიდეა, ხან - შტორმი. ასევეა ჩვენშიც: უცვალებელნი არ ვართ - ხან გვიხარია, ხან ვწუხვართ, ხან შიში გვიპყრობს, ხან იმედიანად ვართ...

მოვიდა სიხარული - სევდას უნდა მოველოდეთ; მწუხარება დაგვატყდა თავს - მოვა სიხარულიც; ნეტარია, ვისაც ქარიშხლისა და უამინდობის დროს თავისი სულის ხომალდის მართვა შეუძლია. აქ მარტო მცდელობა არ კმარა; უნდა შევთხოვოთ ყოვლისშემძლე ღმერთს. ის არის ჩვენი თავშესაფარი და ძალა, მწუხარებაში მშველელი. ის არის ყველას იმედი მიწაზეც და ზღვაშიც. ყველას თვალი მისდამია მიპყრობილი"